Marcos 12 的热门经文

分享

Jesusũ yuikĩ: —Na eska yununi betsa betsapa tibi dasibi binuhairarã, eskaki. Nĩkakãwẽ: “Israelbuũ, nukũ Shanẽ Ibu Deus ha besti ikibi ini hiwepakeikiki. Haskakẽ nukũ Shanẽ Ibu Deus duahairawakĩ abukĩ hawẽ nuikĩ matũ huĩti inũ, matũ yushĩ dasibiwẽ inũ, matũ xinã dasibiwẽ inũ, dasibi matũ kuxipawẽ heneama akubaĩkãwẽ.” Mĩ haska tibiwẽ xinãkĩ akairã, ha yunua betsa dasibi binuhairaki. Ha katxu yunua betsarã, habe ketashnirã, nĩkawe: “Mĩ habube hiweabu duawariakubaĩkãwẽ, ibubis mã nui mekemis keska wakinã”, akĩ yuini ha yunuti dabe txibaĩ mã haki txiti ikaiwẽ taea matuwẽ Deus benimashanikiki— aka

hawẽ tsumabu kenashũ hatu yuikĩ: —Eskaki, matu shabakabi yuinũ. Ha hunibu pei itxapayabũ hatũ pei pashkashũ teshe besti inãkuĩkãshuki. Hakia ha aĩbu nuitapaitũ dasibi hawẽ hawara biti pei inãkĩ keyushuki— hatu watã

Jesusũ hatu yusĩ meneaya nuitapaibu hawẽ merabewati inãkuĩ pei hanu mistumisbu anu bau bebũ tsaushũ Jesusũ uĩayã yura pei mirima hayabũ itxapa mistubirãbiranaibũ aĩbu beneumari nuitapai hushũ pei heshe dabe hawa damahaira mistuaya Jesusũ uĩtã

Haska inũ, nukũ huĩti inũ, nukũ yushĩ dasibiwẽ inũ, nukũ xinã dasibiwẽ inũ, dasibi nukũ kuxipawẽ Epa Deus duawai haska nukũmebi nũ nuimis keskai yura betsabu tibiwẽ nũ nuiaiwẽ taeshũ Deusũ nuku abuhairaikiki. Hamẽ haskama hatira yuinaka deteshũ kuakĩ Deus nũ inãkuĩmis inũ hatira inãkuĩti betsa betsapa Deus kẽwãti hiwe anu nũ bumisrã, hawama keska Deusũ xinãmiski— akaya

Jesusũri hatu yuikĩ: —Imperador Césarnawẽ taeshũ matũ shanẽ ibu duawakĩ hawẽ governo dayashũmisbu pei hatu inãshũkubaĩkãwẽ. Hakia Deusri duawakĩ hawẽ yusĩa txibãkĩ hawara abuai ashũriakubaĩkãwẽ— hatu waya —Nũ haska washũ parãtirumaki— iki e itã ana hawa yuitima buaibũ