Matie 13 的热门经文

分享

Kanda ambanga azi mɛ ndɛ̃ adu tɛ la nga ma ale tɛ mɛ asa na nzɔ̃ sese. Ngoi mɛ se ala ma tɛnɛ tɛ Nzapa ko, ala hĩnga nda ni, ko ala hɛ̃ le. Ambanga azi ni ndohɛ̃ le ngbangbo kɔi, ambanga sui mana, ko ambanga mɛ ndɛ̃ sui ta.”

Ambanga azi mɛ ndɛ̃ adu nga ma ale tɛ mɛ asa na popo asa ti kĩ. Ala ndoma tɛnɛ tɛ Nzapa, wa se sɔngɔ bɛ ti alo ti sese olo, na dengɔ bɛ na lo ti nwa ti sese mɛ alengbi ti handangɔ zo, avĩ tɛnɛ tɛ Nzapa kpu ko, ta kɔdɛ mɛ ya, tɛnɛ ni ahɛ̃ le da ma.

Azi ko la ndoma tɛnɛ ti Kɔdɔrɔ Gbia tɛ Nzapa, kanda ta ala ndohĩnga nda ni ma ko, ala du nga ma bɛ lege mɛ ale tɛ asa da. Ngoi mɛ Satana aga ko, ahã tɛnɛ ni ka bɛ la, azi.

Azi mɛ ndɛ̃ adu nga ma sese mɛ aalingbi tɛrɛ lo na tɛnɛ, la ale tɛ asa da. Ngoi rnɛ se ala ma tɛnɛ tɛ Nzapa ko, bo na ngoi ni ko ala ye lo ni na dengɔ bɛ. Kanda ta tɛnɛ ni ali ka ya bɛ la kpa ma. Tɛnɛ ni ndoninga ka ya bɛ la bo na pɛ nyi ngoi. Na ngoi mɛ se ala to nda hũngɔ pɛnɔ, bere se azi ato nda hɛ̃ngɔ la pɛnɔ na lo tɛnɛ tɛ Nzapa ko, ala dɔ lege ti yengɔ lo tɛ Nzapa vakpa azia.

“Lo Lɛngɔ Gbia tɛ Nzapa akpa nga ma nwa mɛ ahɔndɛ ka lɛ yaka. Kɔli kɔi ĩ su ndo ni ko, lo mu, lo ti lo hɔndɛ. Bɛ lo ade sĩ nvɛni, la lo nɔ lo ka aye tɛ lo zu na ngere, ko lo mu faranga ni, lo diri lo ga, lo vɔ̃ na yaka ni ko.”

Kanda ambanga ale tɛ mɛ ndɛ̃ asa na nzɔ̃ sese, ko ahɛ̃ le tɛ, ambanga le tɛ ni ngbangbo kɔi, ambanga sui mana, ambanga mɛ ndɛ̃ sui ta.”

Ĩ zia ni zu amai ndoni kɔi, nga ka ngoi ti kɔngɔ ble alengbi hĩ wadila. Wa na ngoi ni ko, mbi na pangɔ hɛ̃ awa kɔngɔ ble ya, ale ĩ hãna siɔ sã uzu, ĩ gbɛlɛ na gba, ĩ zɔrɔ ni. So pɛni, ĩ gbɔ ble ni ĩ sa ka ya gɔ tɛ mbi.’ ”