ଜହନ୍‌ 12 的热门经文

分享

କେ ଜଃବେ ସେବାକାରି ସେବା କଃରୁକେ ମଃନ୍ କଃରେଦ୍‌, ତଃବେ ସେ ମର୍‌ ହଃଚେ ଆସ; ଆରେକ୍‌ ମୁୟ୍‌ ଜୁୟ୍‌ତି ରଃୟ୍‌ନ୍ଦ୍ ମର୍‌ ସେବା କଃରୁ ହେଁ ସେତି ରଃୟ୍‌ଦ୍‌, କେ ଜଃବେ ମର୍‌ ସେବା କଃରେଦ୍‌, ତଃବେ ଉବା ତାକ୍‌ ମାନ୍‌ତି ଦଃୟ୍‌ଦ୍‌ ।”

ଜେ ନିଜାର୍‌ ଜିବନ୍‌କେ ଲାଡ୍‌ କଃରେଦ୍‌, ସେ ତାର୍‌ ଜିବନ୍ ଆରାୟ୍‌ଦ୍‌, ଆରେକ୍‌ ଜେ ନିଜାର୍‌ ଜିବନ୍‌କେ ଇ ଜଃଗତେ ଗିଣ୍ କଃରେଦ୍‌ ସେ ସେରି ଅଃମ୍ବର୍‌ ଜିବନ୍ ଗିନେ ବାଚାୟ୍‌ଦ୍‌ ।

ମୁୟ୍‌ ତୁମିକେ ସଃତ୍‌କଃରି କଃଉଁଲେ, ଗଅଁ ମୁଞ୍ଜି ଜଦି ମାଟାୟ୍‌ ଅଦ୍ରି ନଃମେରେ, ତଃନ୍‌ଅୟ୍‌ଲେକ୍‌ ସେରି ଗଟେକ୍‌ ହଃକା ରଃୟ୍‌ଦ୍‌, ମଃତର୍‌ ଜଦି ମଃରେଦ୍‌ ତଃବେ ବୁତେକ୍‌ ହଃଳ୍‌ ହଃଳେଦ୍‌

ଜୁୟ୍‌ ଲକ୍‌ ମର୍‌ ତଃୟ୍‌ ବିସ୍ୱାସ୍‌ କଃରେଦ୍‌, ସେ ଜଃନ୍‌କଃରି ଅଃନ୍ଦାରେ ବାସା ନଃକେରେ, ଇତାର୍‌ ଗିନେ ମୁୟ୍‌ ଜଃଗତ୍‌କେ ଉଜାଳ୍‌ ଅୟ୍‌ ଆସି ଆଚି ।

କେ ଜଦି ମର୍‌ କଃତା ସୁଣି ନଃମାନେ, ତଃନ୍‌ଅୟ୍‌ଲେକ୍‌ ମୁୟ୍‌ ତାର୍‌ ବିଚାର୍‌ ନଃକେରି; ବଃଲେକ୍‌ ମୁୟ୍‌ ଜଃଗତାର୍‌ ବିଚାର୍‌ କଃରୁକେ ନାସି, ମଃତର୍‌ ଜଃଗତ୍‌କେ ମୁକ୍ତି ଦେଉଁକେ ଆସିଆଚି ।

ସଃଡେବଃଳ୍‌ ମରିୟମ୍‌ ଆଦ୍‌ ଲିଟର୍‌ ବୁତେକ୍‌ ମଲାର୍‌ ସୁଦ୍‌ ଜଟାମାଂସି ଚିକଣ୍‌ ଆଣି, ଜିସୁର୍‌ ହାଦେ ସେରି ଡାଳି ନିଜାର୍‌ ମୁଣ୍ଡାର୍‌ ବାଳେ ଜିସୁର୍‌ ହାଦ୍‌ ହୁଚ୍‌ଲି, ଆର୍‌ ଚିକଣାର୍‌ ବାସ୍ନାୟ୍‌ ଗଃର୍‌ ଗଃମ୍‌କି ଗଃଲି ।

ସେତାକ୍‌ ସେମଃନ୍ କଃଜ୍ରି ଡାଳ୍‌ ଦଃରି ଜିସୁକେ ଦଃକୁକ୍‌ ବାରାୟ୍‌ ଗଃଳାୟ୍‌, ଆର୍‌ ବଃଡ୍ ଟଣ୍ଡେ କଃଉଁକେ ଦଃର୍ଲାୟ୍‌, “ହସାନ୍ନା । ମାପ୍ରୁର୍‌ ନାଉଁଏ ଜେ ଆସୁଲା, ତାର୍‌ ବାୟ୍‌ଗ୍‌; ଇସ୍ରାଏଲ୍‌କେ ଚାଲାଉତା ରଃଜାକ୍‌ ଇସ୍ୱର୍‌ ଆସିର୍ବାଦ୍‌ କଃର ।”

ଜିସୁ ସେମଃନ୍‌କେ କୟ୍‌ଲା, “ନଃରାର୍‌ ହୟ୍‌ସି ଜଃଜ୍‌ମାନ୍ ହାଉଁକ୍‌ ବେଳା ହଚ୍‌ଲିନି ।