Mar. 6 的热门经文

分享

Tolimok Yesu ikes tema, “Potu mono iyes make nawae neni asilon, kieŋut iwadio.” Anerae alalak ŋituŋa eponito ka eboŋete daŋ. Todaun ikes apaki ŋinakimujet.

Tolimok Yesu ikes tema, “Ekerer ekadwaran anakwapin a daadaŋ, nai nyekerer anakwap keŋ, anateker keŋ ka alore keŋ.”

Ani edokuni Yesu anataker, toanyuwa asepic ŋina apolon; kisyonioto iŋes ŋituŋa, anerae ekote ikes ŋamesekin ŋuna emam ekeyokon. Kisyak nai akitatam ikes ŋakiro ŋuna agelegelya.

Nyitiya iŋes adiokujuwuanut aina, mati akidokokin ŋakeekan kidiama ŋikadyakak ŋidi, kitaŋaleu ikes. Toumok Yesu aŋuna ka apega kec. Kirimo nai iŋes lorerya ŋulu aya nen itatami ŋituŋa.

Kijaa nai Yesu ŋamugati ŋunakan ka ŋikolya ŋuluarei, kireo nakuj kilipak, tonyilinyili ŋamugati, inak ŋikeekasyomak akorakin natukon a ŋituŋa, tokorak nai iŋes daŋ ŋikolya ŋuluarei lotuŋa. Kimuja ikes daadaŋ, kimwoko. Tocununae ŋapiyanunet a ŋamugati ka ŋuna a ŋikolya ileleba ŋaditae ŋatomon ka ŋaarei.