Ima̍tiyu 6 的热门经文

分享

Ɔkɔkɔ yī ɔla̍ā, ala̍ ā ho̍bo̍bū de ūkpɔ̄tū yī ala̍ rɛ la ɔpiyɛ yī Ɔchwɔ̄lɛ̍ Oro̍ōre̍ yī Ɔwɔ ba̍la lɛlā nīi o̍ chikpo̍ ka ala̍ ɔ̍lɔ ge̍ ya̍ ma̍. Bū la ɛbɛ ɔla̍ā, o̍ ge̍ē de ɛjā ehēhī nūma̍ wa̍a̍ de ala̍ ji.

Ala̍ e̍e hi̍yɛ̄ngura yī i̍chi̍chi̍ ni̍; i̍chi̍chi̍ ɔlɔjā ge̍ē hi̍yɛ̄ngura iyī nū a̍nɛ. O̍ i̍ ngma̍ nīi ɔ̄chɛ ē kpo̍ akanya ge̍ē chɔba la onīi ē hɔ̄ mɔ̄chīmɔ̄chī ma̍ ē gɛ ni̍.

“Wu̍chē yī ɔla̍ā, n ge̍ē koko̍o de ala̍! Ala̍ e̍e hi̍yɛ̄ngura yī ojōre̍ kɛ̄ɛ ɔjā ɔgwɔ̍ɔ̄gwa̍ nīi ala̍ ge̍ē nāa ē lɛ ɔhɔ̄leyī ma̍ ni̍. Ala̍ e̍e hi̍yɛ̄ngura yī ɔjā nīi ala̍ ge̍ē tū la ibi̍īyē ma̍ ni̍. Je̍ka ɔhɔ̄leyī ɔlɔjā ga ojōre̍ ɔgɔ̄ga pɛtɛpɛtɛ? Ibi̍īyē chī ga ɔjā otūlibi̍īyē ɔgɔ̄ga pɛtɛpɛtɛ!

Ala̍ ge̍ē jɔhā ma̍, ala̍ chɛ̄ ga u̍kwee̍ yī ala̍ du̍mɔ̍. Ala̍ pīya ɔpu ba̍ nīi ala̍ ge̍ jɔhā de Ɔwɔ A̍dā yī ala̍ nīi ɔ̄chɛ i̍ ē ma̍ ɔ̄ ɔmɔ̍ɔ̄ma̍ ni̍ ma̍. Bū la ɛbɛ ɔla̍ā, Ɔwɔ A̍dā nīi ē ma̍ ɔjā nīi ala̍ ē ya̍ lɛ̍bɛ̍ba ma̍ ge̍ē kla̍ ala̍ ure̍.

I̍ngɛ̍ɛ̄nɛ̄ nīi ala̍ ge̍ē jɔhā de Ɔwɔ a̍nɛ: “ ‘A̍dā yī alɔ nīi hɔ̄ la ichō! Ɔnɛ̄ɛhɛhi ge̍ lā de riyī yī wɔ. Yɛ̄grāa yī Ɔchwɔ̄lɛ̍ Oro̍ōre̍ yī wɔ ge̍ yewā; E̍ ge̍ yɛ̍ɛ̄lā yī wɔ nīi a chikpo̍ ma̍ amu la ajɛ, lɔkɔ nīi o̍ lɛ abɔ̍ɔ la ichō ma̍.

De ojōre̍ nīi ge̍ē jɛ̄ alɔ lɛmiyɛ i̍chɛ ma̍ de alɔ.

De lɛlā ɔdwɔ̄bi̍ nīi alɔ ya̍ ma̍ kɔ̄ de alɔ, lɔkɔ nīi alɔ ē de ē kɔ̄ de āchɛ nīi ya̍ alɔ lɛlā abi̍ ma̍.

A ā chɛ̄ nīi ɔjɔ̄jā ge̍ ma alɔ ma̍ wɔhɔ̍hu̍ ni̍. Wu̍ alɔ ngmɛ̍ɛchɛ hī Ɔdwɔ̄bi̍.’

“Ala̍ ge̍ de lɛlā abi̍ nīi āchɛ ya̍ ala̍ ma̍ kɔ̄ de wa̍, Ɔwɔ A̍dā yī ala̍ nīi hɔ̄ la ichō ma̍ titi ge̍ē de lɛlā ɔdwɔ̄bi̍ yī ala̍ ē kɔ̄ de ala̍.

Ala̍ ā ma̍ a̍gba̍ana nīi wōwu bɛ̍ɛ̍ ma̍ ge̍ e̍ē! E̍ ē nyi ɔjā ɔha̍ la yɛrɔ̄? E̍ ē kpo̍ ɔjā ɔha̍ tu̍chɛ̄ la yɛrɔ̄? Kɛ̄ɛ oji̍ nīi e̍ kpo̍ gblāa la u̍ku̍na je̍ ma̍? Ɔwɔ A̍dā yī ala̍ nīi hɔ̄ la ichō ma̍ ē deyīrɛ wa̍ a̍nɛ. Je̍ka aa̍ ala̍ - ɔjā ɔlamu-ɔlamu pɛtɛpɛtɛ hi̍ a̍gba̍ana a̍nɛ?

“Ala̍ e̍e de wɔdu yī ala̍ gbō amu la ajɛ la ɛbɛ nīi lɛla kɛ̄ɛ ākīkɔ̄ɔmā ge̍ē bīya anu̍, kɛ̄ɛ nīi uwī ge̍ē de ē kpo̍ mɛ ma̍ ni̍. Ɔkɔkɔ yī ɔla̍ā, ala̍ de wɔdu yī ala̍ gbō la ɛbɛ yī Ɔchwɔ̄lɛ̍ Oro̍ōre̍ yī Ɔwɔ. Abɔ̍ɔ, lɛla ba̍la ākīkɔ̄ɔmā i̍ ē bīya ɔjā mɛ ni̍; uwī i̍ ē gāa ge̍ē kpo̍ ɛjā mɛ ni̍. Wu̍chē oji̍ nɛ, ɛbɛ nīi wɔdu yī ɔ̄chɛ ē lā ma̍, aba̍bɔ̍ɔ kpɛɛ nīi ūkpɔ̄tū yī ɔ̄chɛ lā a̍nɛ.

“Ɔfiyɛ ūkpo̍he i̍ ē hɔ̍chɛ̍ yī abābā ɛpa ē mɛ ni̍. O̍ ge̍ lɛ i̍ngɔ̍ɔ, ɔ̍lɔma̍ ɔha̍ ge̍ē hī ɔtū, ɔha̍ ge̍ē ta̍ ɔ̄ anyī. O̍ ge̍ē pɔ̍ɔkɔ yī ɔha̍, o̍ chī ge̍ē tɔ̍ɔkɔ yī ɔha̍. Gala ɔgɔgu ɔla̍ā, ala̍ i̍ ge̍ē hɔ̄ ɔ̍chɛ̍ yī Ɔwɔ ba̍la okpo ē ngmo̍tu̍chɛ̄ mɛ ni̍.

Ɔwɔ ē de āɛ̄jā otūlibi̍īyē de īpū yī lipu̍ a̍chi̍ ɛla̍ā a̍nɛ. A̍chi̍ ɔbɔbɔ nīi ge̍ hɔ̄ ma̍ i̍chɛ ji nīi o̍ ē pīyēku̍ i̍chi̍chi̍ nīi e̍ ē de ē kpo̍ tū ɔla̍ ma̍! Aa̍ nīi Ɔwɔ i̍ ge̍ē jo̍ōkū lēchi̍ lēchi̍ yī ɔjā otūlibi̍īyē ode ru ala̍ ni̍ a̍nɛ? Ɔtū ode chōche yī ala̍ ma̍ bi̍hi chɔ̍ɔ!

A ge̍ yɛ ge̍ē kɔ̄ ɔjā de ɔlɛha̍ ma̍, a ā ya̍ nīi abɔ̄ līfīyē ge̍ je̍ ɔjā nīi abɔ̄ līre̍ yɛ ē ya̍ ma̍ ni̍; hɛ̄ɛbɛ nīi lɛhi ɔyɔ̍ɔ̄ya̍ ɔla̍ā ge̍ re̍ka ɔjā lɛ̍ba. Bū la ɛbɛ ɔla̍ā, Ɔwɔ A̍dā yī ala̍ nīi ē ma̍ ɔjā nīi āchɛ ē ya̍ lɛ̍bɛ̍ba ma̍ ge̍ē kla̍ awɔ ure̍ la ogēdēgēdē.

“Ala̍ du̍mɔ̍-du̍mɔ̍ nīi ɔ̄chɔ̄chɛ ge̍ e̍e bī lɛlā ɔyɔ̍ɔ̄ya̍ lɔkɔ nīi Ɔwɔ chikpo̍ ma̍ ge̍ chabɔ̄ la ɔgbādu hu āchɛ ni̍. Ala̍ ge̍ ya̍ i̍ngɔ̍ɔ, Ɔwɔ A̍dā yī ala̍ nīi hɔ̄ la ichō ma̍ i̍ ge̍ē kla̍ ala̍ ure̍ ɔha̍lɔha̍ ni̍.

“Ala̍ ge̍ē ku̍ iyī ala̍ chlɛ̄ɛmiyɛ ma̍, ala̍ e̍e pi̍ eyī jɔ̍ɔ̍ bɔ̄ɔkɔ nīi āchɛ ɔkɛlā ɔha̍ chōo̍chē ya̍ ɔha̍ ē ya̍ ma̍ ni̍. E̍ ē ti̍yaha bɛ̍ɛ̍ ē bī ibi̍īyē yī lɛmɛmiyɛ, hɛ̄ɛbɛ nīi āchɛ ge̍ē ma̍ wā jo̍ōkū hīka ɛ̍lɛ yɛ ē chlɛ̄ɛmiyɛ. Lēchi̍, n ā koko̍o de ala̍! E̍ nāa ure̍ yī lɛlā yī wā kwɛ̍ɛjī mɛ̍. Ala̍ ge̍ē ku̍ iyī ala̍ chlɛ̄ɛmiyɛ ma̍, ala̍ ā na eyī nīi ala̍ ge̍ flɛ̍hu̍ gblɛ̍ɛgblɛ̍ɛ, hɛ̄ɛbɛ nīi āchɛ ge̍ e̍e jo̍ōkū ka ala̍ ɔ̍lɔ hɔ̄ lɛmiyɛ ɔchɔ̄chā ni̍. Ɔ̍chi̍kpa̍kpa̍ Ɔwɔ A̍dā yī ala̍ nīi e̍ i̍ ē ma̍ ɔ̍ ɔmɔ̍ɔ̄ma̍ ni̍ ma̍ ge̍ē jo̍ōkū a̍nɛ. Bū la ɛbɛ ɔla̍ā, Ɔwɔ A̍dā yī ala̍ nīi ē ma̍ ɔjā nīi āchɛ ē ya̍ lɛ̍bɛ̍ba ma̍ ge̍ē kla̍ ala̍ ure̍ la ogēdēgēdē.