Gênesis 39 的热门经文

分享

Seyni Tsru Hixikatshriwa Hoyakalu José-ymalu wale tshinanu ptowruka kihle hixownale. Htowutjeru Egito hajerupji rawjeta.

Potifar ptowruka rimwaleru reneklu José rinoxyawaka hiyáhoni José hislahle tshinanu hike ruslahatka Potifar seyni hnikleru tsonu ruslahatka. José koxa kihle rixmaneta hiyrun-koxa kihle hojru.

Hiyáhoni preso hinotatshri towutlu José ptowru preso hajene ruslahyawakapa hiyrun-koxa htowutlu ptowru potuka preso hajeru kamrurtshi ruslahyawakapa.

Waneya José towutjeru kachitlu, preso-pji ruknoklu. Wane rutakka preso-pji tsru phuru towrene hitakjexikowaka. Seyni Tsru Hixikatshriwa Hoyakalu José-ymalu hiyáhoni kihleru reta hiyrun-koxa preso hinotatshri hetwamonutatkalu.

Waneya wane pnutejiji José towutjeru hnunro het-tsotanutatkalu wane ttshinru: — Wuya pkatshpekapanno! Seyni wla htshinro: — Hike. Nuslahle tshinanu ntowutjeru hike hkojwajnawa pantshi hajeru psoluka, ptowruka rimwaleru hitamyo rutaka. Hikeni wane pnute tsru hitakkaluru, hita tsonu hewi pantshiya. Ntowutjeru hike htshipexyano hewiya seyni pixa tsonu htshipexyano klu tshinanu pixa hhanunroyi. Hiyáhoni hanhe nixyawaka wane pa himtukalutu nkamhanu nektuwatanu Hoyakalu yehiya?

Waneya pa hohne pantshi hjihloka hkamrurewaxyawakapa seyni hi satukna wane kamrurewaxikatshri pantshi hitokote hwakanata. Waneya tkachimkalutlu, wla ttshinru: — Wuya pkatshpekanno. Seyni wale hichomtlu himkalu wala myoya, rasuka pantshi maleka sreta hyatka.