Matiye 7 的热门经文

分享

«Mì hɛ̃un Dɔfĩn ɛ́ Hɔ́ ɓén lɛ́ bòo miɛ ǹ; ɛ̀ mì cɛ̀ ɛ́ mí ɓén mi; ɛ̀ mì ɓánɓɛ́ lé zĩínù ɲunù ɛ́ ɓɛ́ ɓén hán lé ɛ́ lɛ́ miɛ ǹ.

Iè hɔ̀ lɛ ɛ́ nìnbírɔ lɛ ɛ́ wóò hɛ̃un ɛ́ wóò yí, àlɛ ɛ́ wóò cɛ̀ ɛ́ wóò mi, àlɛ ɛ́ wóò ɓánɓɛ́ lé zĩínù ɲunù ɛ́ ɓɛ́ wóò hán lé ɛ̀ lɛ́ nin.

«Ɛ́ sí iè hɔ̀ pe, kɛ́ nìnbírɔ ɛ́ ɲɛ́ hɔ́ bòo lɛ ɛ́ nín bie à tɛ̀ ɛ́ hɔ̀ wé, à dɛ̃̀ kɛ̀a bɔ̀dũmunù ɓàasɔ lɛ tɔn mí zũnù lè lɛnù lɔ̀n.

Hɔ̀ bòo lɛ ɛ́ mí wɛ nɛ ɓɛ nìnbirìe ɛ̀ wé lɛ́ miɛ ǹ míkùi ɛ́ mí ɓiɛ̀ wóo wé hɔ́ ɓà ńmàa ɛ̀ lɛ́ ɓà ǹ, sí iè hɔ̀ bòo lɛ á Moyiize làndɛ́ àá ɓɛ́ Dɔfĩn bɔ̀háaníriè ɛ́ wɛ̃́.»

Kɛ́ lé mɛkɛ̃nì zĩínù ɲunù ɛ́ pe mìniɛ, ɛ̀ lè wṹn lɛ wóò bè ɛ̀ dàá vɛ yán ɛ́ bènlɔ́ lɔ̀nbiè wi. Ɛ́ ɓɛ́ nìnbirìe lɛ wóò mi le wṹn sɔ ɛ̀ bè ɛ́ yí buò wɛ̀.»

«Mì zɔ àá lé zĩínù ɲunù lɛ mìniɛ. Iè hɔ̀ lɛ ɛ́ hɔ́ húmú zĩínù ɲunù ɛ́ temu ɓàń, ɛ̀ lè wṹn lɛ ɛ́ wóò bè ɛ̀ dàá vɛ yán ɛ́ bènlɔ́ tĩ. Ɛ́ nìnbí-kuì iè lèpe ɛ́ ɓɛ́ wɛ ɛ́ wóò bè.

Kɛ́ mípe lɛ iè ɓɛ̀ mɛkɛ̃nɲiì ɓàasiè ɛ́ ɓen dũ bòo lɛ sãa ɛ́ wóò lɛ́ mí nìɛ ǹ, ɛ̀ mì Yàá lɛ wi hɔ hóohũn ɛ́ temu yá ɓen lɛ́ hɔ́ bòo lɛ sãa ɓɛ̀lɛ ɛ́ hɔ̀ hɛ̃un pie viì?

«Mì bí wóo lè ɓɛ̀lɛ kɛ́ lìe, ɛ́ Dɔfĩn ɛ́ ɓiɛ̀ yá lè mì lìe wɛ̀. Iè hɔ̀ lɛ ɛ́ bòo lɛ ɛ́ mí dàá ɛ́ wóò lè ɓɛ̀lɛ kɛ́ lìe, iè pe ɛ́ Dɔfĩn ɛ́ ɓiɛ̀ ɓén lè mì lìe kɛ̀amu. Ɛ̀ lè dìɛ lɛ ɛ́ mí wóò dàá màatɛ̃́ hɔ́ bòo ɛ̀ lɛ́ ɓɛ́ nìnbirìe ǹ, iè pe ɛ́ Dɔfĩn ɛ́ ɓiɛ̀ ɓén dàá màatɛ̃́ ɛ́ lɛ́ miɛ ǹ.

Ɛ̀ nìnbírɔ lɛ ɛ́ ɲɛ́ hɔ́ bòo lɛ ɛ́ nín bie, kɛ́ á pɛ̃́ ɛ́ yá hɔ̀ wé, à dɛ̃̀ kɛ̀a bɛ̃́nbṹ lɛ tɔn mí zũnù hɔ̀ hã̀anì lɔ̀n.

Kɔ́ wiɛ dàa loo le kã́a-cíi lɛ wi mi ńkɔnù yìi hũn, kɛ́ kɔ́ den yí loo le zúie lɛ wi kɔpe kɔ̀ yìi hũn? Ɛ́ kɔ́ wo wiɛ dàa dɛ̀ ɛ́ zɔ́ bie ɛ́ lɛ́ mì ńkɔnù ǹ nɛ làa: “Dìń nɛ n leń lé kã́a-cíi lɛ wi kɔ yìi hũn,” kɛ́ kɔ́pe ɛ́ lé zúie ɛ́ lò wi yìi hũn?

«Mì wóo pɛ mite àá ɓɛ́ ɓúo Dɔfĩn bɔ̀háaníriè. Ɓɛ̀ wóò ɓen mì viì kɛ̀a ɓɛ piriè, kɛ́ ɓɛ́ den zɔn iè mɛkɛ̃nɲiì ɓàasiè ɓɛ́ tĩɛ̀ hũn kɛ̀a ɓɛ maa bɔhĩ́ bòo sí. Mí wóo ɓén dũń ɓɛ́ àá peɓɛ̀ bɔ̀werà kɛ̀a bòo lɛ ɛ́ lé vɛ̃̀hṹ ɛ́ dàa wóò dũń àá pelè bìe. Ɛ́ nìnbírɔ ɛ́ yáà vɛ ɲuà vuà ńɲinlɛ̀a vɛ̃̀hṹ ǹ wɛ̀, ɛ̀ nìnbírɔ ɛ́ lò yáà vɛ khé ńɲiɛ̀ ńsã̀amú vɛ̃̀hṹ ǹ wɛ̀.

Vɛ̃̀n-sãanù ɛ́ wóò hɛ biè lɛ sãa ɛ̀ vɛ̃̀n-koohɔ́ ɛ́ wóò hɛ biè lɛ yí sãa.

Vɛ̃̀n-sãanù ɛ́ yí dɛ̀ biè lɛ yí sãa ɛ́ yá hɛ wɛ̀, ɛ̀ vɛ̃̀n-koohɔ́ ɛ́ yí dɛ̀ biè lɛ sãa ɛ́ yá hɛ wɛ̀.

Ɛ́ vɛ̃̀hṹ yée vɛ̃̀hṹ lɛ yáà hɛ biè lɛ sãa ɛ́ ɓɛ́ wóò ɓúu ɛ́ vɛ tɛ́ dé hɔ́ dṹn hũn.