Wambeela 8
8
Ovuguwa wa mahinje
1Mbwenye Mulugu oomuubuwelelave Nowe ni aneenyama oofuwiwa ni a mukokolani alene yaali ni oliye mmwanddeyani. Mulugu ahoobiha pevo, vano mahinje yahambeela ovuguwa, 2ahaafuga mahinje aneedduuddu, mahinje a vati ni misiwo dha mahinje a odhulu, muzongwe ahimaala orubwa. 3Ndala mahinje yaali mwiilaboni yoovuguwa vang'ono-vang'ono. Vano yahaakwana malabo zana ni makumi matanu (150) mahinje egavuguwe, 4mwanddeya wahikaraatigi vadhulu va mwaango dha oErarati. Naali nlabo na neekumi ni matanu ni meenddi mweeri wa neetanu nabiili. 5Vano mahinje yoovuguwave. Mwaango dhahambeela wooneya nlabo nowambeela na mweeri wa neekumi.
6Egamalile malabo mamohi matanu nameenddi Nowe ahifugula zhaneela nasasanyiliiye vamwanddeyani, 7ahimukumihedhavo nakugu. Oliye oodhowa awelaga, ofiyedha mahinje ovuguwa. 8Nowe ahikumiha teto kangayiwa wi oone akala mahinje ehiweleela. 9Kangayiwa vahooniliiwa voomorela, yahiwela. Vevale Nowe ahogoolaga moono waakelela, ahiwelihedha mmwanddeyani, vowi mahinje yaali ehinaweleelese mwiilaboni.
10Ahijejihedha malabo mamohi matanu nameenddi, ahirumiha kangayiwa dila ya nabiili. 11Yahiwelela wa Nowe ociguwoni egalumile ntaakuru nikiiti na muthanko. Nuwindo, Nowe ahinona wi mahinje yahivuguwa. 12Ahijejihedha malabo mamohi matanu nameenddi, ahirumiha kangayiwa dila ya neethaaru, nuwindo kayawelilewo. 13Mahinje yaweleele nlabo nowambeela na mweeri wowambeela, Nowe aganna yaaka mazana matanu nammohi ni yaaka emohi (601). Veva Nowe ahifugula mwanddeya, woona theya egavuvure. 14Ndala va malabo makumi meenddi ni malabo matanu na meenddi a mweeri wa namiinddi, theya yahumma yaatene.
Okuma wa Nowe mmwanddeyani
15Mulugu ahiiraga wa Nowe: 16<<Okumemo mmwanddeyani, weevo, mwihiyanaawo, anaawo vamohi ni ahiyaniiwa.#8.16 Nowe aali oovilela. Ahijejihedha mweeri mitanu ni miraaru mmwanddeyani ogasamile. Ofiyedha Mulugu vanoniliiye wi elabo yahumma, vano ahimulamulela okita mmwanddeyani. Enofuneya wi nivilelege ni Mulugu. 17Okumena dheegumi dhaatedhene dhili mmwanddeyani mo: Aneenyama aatene, balame, ni dhowaabadha. Dhirelane dhidhaale mwiilaboni ya vati>>.
18Nowe ahikuma ni mwihiyanaaye, anaaye vamohi ni ahiyaniiwa. 19Dhigumi dhaatedhene dha mwiilaboni dhahikuma teto mmwanddeyani wona mwa misawo dhiwa: Aneenyama, owaabadha ni balame dhaatedhene.
20Vevale Nowe ahisasanya ebuwa ya mukutho wa Nabwiya, oveleela mukutho woopaha wa aneenyama ni wa balame dhookuthiwa mukutho. 21Nabwiya vooniliiye onukwela pama wa dhoopahiwa nde, ahihagalalaga. Ahuubuwelelaga, wiira:
<<Kagidha guulumela theya mwaha wa athu.
Gihinona wi wuubuwelela weewa oli wootakala
wambeela wiihimani weewa.
Kagidha teto gitolosa dhigumi dhaatedhene wona giiriliimina.
22Ofiyedha omakuthulo wa elabo,
onoodha okalena dhoodhala ni dhoohadda,
oddiddila ni oviha, elimwe ni sinja,
mutana ni mahiyu>>.
© 2015, Wycliffe Bible Translators, Inc. All rights reserved.
Wambeela 8
8
Ovuguwa wa mahinje
1Mbwenye Mulugu oomuubuwelelave Nowe ni aneenyama oofuwiwa ni a mukokolani alene yaali ni oliye mmwanddeyani. Mulugu ahoobiha pevo, vano mahinje yahambeela ovuguwa, 2ahaafuga mahinje aneedduuddu, mahinje a vati ni misiwo dha mahinje a odhulu, muzongwe ahimaala orubwa. 3Ndala mahinje yaali mwiilaboni yoovuguwa vang'ono-vang'ono. Vano yahaakwana malabo zana ni makumi matanu (150) mahinje egavuguwe, 4mwanddeya wahikaraatigi vadhulu va mwaango dha oErarati. Naali nlabo na neekumi ni matanu ni meenddi mweeri wa neetanu nabiili. 5Vano mahinje yoovuguwave. Mwaango dhahambeela wooneya nlabo nowambeela na mweeri wa neekumi.
6Egamalile malabo mamohi matanu nameenddi Nowe ahifugula zhaneela nasasanyiliiye vamwanddeyani, 7ahimukumihedhavo nakugu. Oliye oodhowa awelaga, ofiyedha mahinje ovuguwa. 8Nowe ahikumiha teto kangayiwa wi oone akala mahinje ehiweleela. 9Kangayiwa vahooniliiwa voomorela, yahiwela. Vevale Nowe ahogoolaga moono waakelela, ahiwelihedha mmwanddeyani, vowi mahinje yaali ehinaweleelese mwiilaboni.
10Ahijejihedha malabo mamohi matanu nameenddi, ahirumiha kangayiwa dila ya nabiili. 11Yahiwelela wa Nowe ociguwoni egalumile ntaakuru nikiiti na muthanko. Nuwindo, Nowe ahinona wi mahinje yahivuguwa. 12Ahijejihedha malabo mamohi matanu nameenddi, ahirumiha kangayiwa dila ya neethaaru, nuwindo kayawelilewo. 13Mahinje yaweleele nlabo nowambeela na mweeri wowambeela, Nowe aganna yaaka mazana matanu nammohi ni yaaka emohi (601). Veva Nowe ahifugula mwanddeya, woona theya egavuvure. 14Ndala va malabo makumi meenddi ni malabo matanu na meenddi a mweeri wa namiinddi, theya yahumma yaatene.
Okuma wa Nowe mmwanddeyani
15Mulugu ahiiraga wa Nowe: 16<<Okumemo mmwanddeyani, weevo, mwihiyanaawo, anaawo vamohi ni ahiyaniiwa.#8.16 Nowe aali oovilela. Ahijejihedha mweeri mitanu ni miraaru mmwanddeyani ogasamile. Ofiyedha Mulugu vanoniliiye wi elabo yahumma, vano ahimulamulela okita mmwanddeyani. Enofuneya wi nivilelege ni Mulugu. 17Okumena dheegumi dhaatedhene dhili mmwanddeyani mo: Aneenyama aatene, balame, ni dhowaabadha. Dhirelane dhidhaale mwiilaboni ya vati>>.
18Nowe ahikuma ni mwihiyanaaye, anaaye vamohi ni ahiyaniiwa. 19Dhigumi dhaatedhene dha mwiilaboni dhahikuma teto mmwanddeyani wona mwa misawo dhiwa: Aneenyama, owaabadha ni balame dhaatedhene.
20Vevale Nowe ahisasanya ebuwa ya mukutho wa Nabwiya, oveleela mukutho woopaha wa aneenyama ni wa balame dhookuthiwa mukutho. 21Nabwiya vooniliiye onukwela pama wa dhoopahiwa nde, ahihagalalaga. Ahuubuwelelaga, wiira:
<<Kagidha guulumela theya mwaha wa athu.
Gihinona wi wuubuwelela weewa oli wootakala
wambeela wiihimani weewa.
Kagidha teto gitolosa dhigumi dhaatedhene wona giiriliimina.
22Ofiyedha omakuthulo wa elabo,
onoodha okalena dhoodhala ni dhoohadda,
oddiddila ni oviha, elimwe ni sinja,
mutana ni mahiyu>>.
© 2015, Wycliffe Bible Translators, Inc. All rights reserved.