Wambeela 9
9
Nipangano no waandana wa Mulugu ni athu
1Mulugu ahimureeliha Nowe ni anaaye, wiira: <<Murelane, mwiinjive, mudhaale elabo ya vati. 2Aneenyama a mukokolani ni balame dha mudhulu, dhowaabadha dha mwiilaboni ni somba dha munyaza, dhaatedhene dhineerege wuwoovani, vano mulamulelege. 3Mutakunege dhaatedhene dhedhi wona munajeliinyu mataakuru ni manasi guuvahiliimini. 4Mbwenye muhutakunege nyama ni mwazeene, oyene onooneyiha egumi.#9.4 Ahikalevo muthu ooxixa oweenjedhedha kopolo voong'wa mwazi wa dhoopaddusiwa dhimohi. Omuja cilopi si yego yoohurumeedheya ni madhu a Mulugu. Mulugu onovaha egumi mbwenye teto onowiing'anela. Enofuneya nihiye dhigumi dheehu mmadani mwaaye. 5Oyene onampa muthu, avuuviha mwazi wa egumi yaaye, naari muthu naari mwaneenyama, ginodha gimuthonge.#9.5 Onamporosa naari onampa muthu, Mulugu onoodha amuthonge mwaha wowi athu esasanyiwe mooligana ni oliye.
6<Oyene onampa muthu,
muthu ampe oliye teto.
Mwaha wi muthu opaddusiwe mooligana ni Mulugu.
7Mbwenye nyo, murelane, mwiinjive,
mudhaale elabo yaatene ya vati.> >>
8Mulugu ahiwelela owoga ni Nowe ni anaaye, wiira: 9<<Peeno ginasasanya nipangano no waandana waaga ni nyo vamohi ni aniinyu a musogolo, 10ni dhoovuma dhaatedhene dhedho dhakumile mmwanddeyani, balame ni aneenyama, dhaatedhene dhinna egumi mwiilaboni. 11Ginosasanya nipangano no waandana waaga ni nyo wi kagidha gitolosa dhoovuma dhaatedhene ni mahinje majinji. Kidha edha mahinje majinji oobwanyula elabo ya vati>>. 12Mulugu ahiwogaga, wiira: <<Ela enaakale etoonyihedho ya nipangano no waandana waaga ni nyo ni dhoovuma dhaatedhene mudhidhi dhaatedhene: 13Ginohelamo mmiraboni muzirilimbo wi ekale yowuubusedha nipangano no waandana waaga ni elabo. 14Gadhiiha murabo odhulu, wooneyawo muzirilimbo, 15ginoobuwelelege dha nipangano no waandana waaga ni nyo ni dha egumi dhoovuma dhaatedhene wi kagidha gitolosa ni mahinje majinji. 16Goonave muzirilimbo mmiraboni, miyo Mulugu ginoodha guubuwelele nipangano no waandana waaga woohumala ni dha egumi dhoovuma dhaatedhene dha elabo ya vati>>.#9.16 Muzirilimbo ononikamihedha wuubuwelela wi Mulugu doororomeleya wa dhoororomeliha dhineeriiye. 17Ndala Mulugu ahimwaaddela Nowe, wiira: <<Ela etoonyihedho ya nipangano no waandana giiriliimina ni dhoovuma dhaatedhene dhookala mwiilaboni ya vati>>.
Nowe ni anaaye
18Ahima a Nowe yakumile mmwanddeyani yaali Semu, Kami ni Zhafeti. Kami aali baabi a Kanani. 19Yaali alenave araaru ahima a Nowe, vano athu aatene ookala mwiilaboni ya vati bi aniiwa.
20Nowe aali namalima vano daali owambeela odhala muthanko wa vinyu. 21Nlabo nimohi ahimung'wa vinyu, olezela, ahikurula dhoowara dhaaye dhaatedhene, ahigona mmusasani mwaaye. 22Kami, baabi a aKanani, ahimoonaga babe ahiwarile yego, ahidhowa vaade wawaaddela addibile abiili.#9.22 Kami kooneyihile nriiho wa babe. Mulugu ononiruma waariiha ababiihu muniivuru na Okuma 20.12. 23Mbwenye Semu ni Zhafeti yahithukulaga guwo, okapatha weeddaga ni dduli yahimukuneelaga babiiwa wi ehoone omadave waaye.
24Vinyu ahimuugunuwaga, Nowe ahivenyaga, onona yego yeerile mwaanaye amung'onong'ono.
25Oliye ahiiraga:
<<Kanani oolumeleleye!
Oyene akale ookuthula,
mudhaari a addibile>>.#9.21-25 Nowe ononoonihedha obure wa musogoleli a emudhi oolezela. Emudhi yaaye enogawanyeya. Ehikalawo athu enasuuziha wi Nowe ohaadduba athu anamariba masuuziho ala. Kahuwo a ebaribari. Oliye amuddubile Kanani. Nlogo na Kanani kannaabihege ofiya mu Afirika. Wambeela 10.19 nnosuuziha wi anamabaliwelamo aaye yakala wewo mulogo wa Ezarayeli oliiwa peeno. Addibile araaru, Kuxi, Mizarayimi, ni Puti yahifiya mu Afirika mbwenye oliye naari. Anamabaliwelamo aaye yaali aKanani ayene Zhozuwe yaathukuliiye ogamalile mudhidhi wookuma.
26Ahiwogaga teto:
<<Oothithimiheya di Nabwiya, Mulugu a Semu!
Kanani akale mudhaari a Semu.
27Mulugu amunnuwihe Zhafeti#9.27 Zhafeti mu ewogelo ya eHeberi nneeweya wona: Wunnuwihiwa. ni elabo yaaye!
Ahima aaye emagege vamohi ni ahima a Semu;
Kanani akale mudhaari eewa>>.
28Ogavirile mudhidhi wa mahinje majinji Nowe ahimala yaaka mazana maraaru ni yaaka makumi matanu (350). 29Nowe akwile aganna yaaka mazana matanu namannayi ni yaaka makumi matanu (950).
© 2015, Wycliffe Bible Translators, Inc. All rights reserved.
Wambeela 9
9
Nipangano no waandana wa Mulugu ni athu
1Mulugu ahimureeliha Nowe ni anaaye, wiira: <<Murelane, mwiinjive, mudhaale elabo ya vati. 2Aneenyama a mukokolani ni balame dha mudhulu, dhowaabadha dha mwiilaboni ni somba dha munyaza, dhaatedhene dhineerege wuwoovani, vano mulamulelege. 3Mutakunege dhaatedhene dhedhi wona munajeliinyu mataakuru ni manasi guuvahiliimini. 4Mbwenye muhutakunege nyama ni mwazeene, oyene onooneyiha egumi.#9.4 Ahikalevo muthu ooxixa oweenjedhedha kopolo voong'wa mwazi wa dhoopaddusiwa dhimohi. Omuja cilopi si yego yoohurumeedheya ni madhu a Mulugu. Mulugu onovaha egumi mbwenye teto onowiing'anela. Enofuneya nihiye dhigumi dheehu mmadani mwaaye. 5Oyene onampa muthu, avuuviha mwazi wa egumi yaaye, naari muthu naari mwaneenyama, ginodha gimuthonge.#9.5 Onamporosa naari onampa muthu, Mulugu onoodha amuthonge mwaha wowi athu esasanyiwe mooligana ni oliye.
6<Oyene onampa muthu,
muthu ampe oliye teto.
Mwaha wi muthu opaddusiwe mooligana ni Mulugu.
7Mbwenye nyo, murelane, mwiinjive,
mudhaale elabo yaatene ya vati.> >>
8Mulugu ahiwelela owoga ni Nowe ni anaaye, wiira: 9<<Peeno ginasasanya nipangano no waandana waaga ni nyo vamohi ni aniinyu a musogolo, 10ni dhoovuma dhaatedhene dhedho dhakumile mmwanddeyani, balame ni aneenyama, dhaatedhene dhinna egumi mwiilaboni. 11Ginosasanya nipangano no waandana waaga ni nyo wi kagidha gitolosa dhoovuma dhaatedhene ni mahinje majinji. Kidha edha mahinje majinji oobwanyula elabo ya vati>>. 12Mulugu ahiwogaga, wiira: <<Ela enaakale etoonyihedho ya nipangano no waandana waaga ni nyo ni dhoovuma dhaatedhene mudhidhi dhaatedhene: 13Ginohelamo mmiraboni muzirilimbo wi ekale yowuubusedha nipangano no waandana waaga ni elabo. 14Gadhiiha murabo odhulu, wooneyawo muzirilimbo, 15ginoobuwelelege dha nipangano no waandana waaga ni nyo ni dha egumi dhoovuma dhaatedhene wi kagidha gitolosa ni mahinje majinji. 16Goonave muzirilimbo mmiraboni, miyo Mulugu ginoodha guubuwelele nipangano no waandana waaga woohumala ni dha egumi dhoovuma dhaatedhene dha elabo ya vati>>.#9.16 Muzirilimbo ononikamihedha wuubuwelela wi Mulugu doororomeleya wa dhoororomeliha dhineeriiye. 17Ndala Mulugu ahimwaaddela Nowe, wiira: <<Ela etoonyihedho ya nipangano no waandana giiriliimina ni dhoovuma dhaatedhene dhookala mwiilaboni ya vati>>.
Nowe ni anaaye
18Ahima a Nowe yakumile mmwanddeyani yaali Semu, Kami ni Zhafeti. Kami aali baabi a Kanani. 19Yaali alenave araaru ahima a Nowe, vano athu aatene ookala mwiilaboni ya vati bi aniiwa.
20Nowe aali namalima vano daali owambeela odhala muthanko wa vinyu. 21Nlabo nimohi ahimung'wa vinyu, olezela, ahikurula dhoowara dhaaye dhaatedhene, ahigona mmusasani mwaaye. 22Kami, baabi a aKanani, ahimoonaga babe ahiwarile yego, ahidhowa vaade wawaaddela addibile abiili.#9.22 Kami kooneyihile nriiho wa babe. Mulugu ononiruma waariiha ababiihu muniivuru na Okuma 20.12. 23Mbwenye Semu ni Zhafeti yahithukulaga guwo, okapatha weeddaga ni dduli yahimukuneelaga babiiwa wi ehoone omadave waaye.
24Vinyu ahimuugunuwaga, Nowe ahivenyaga, onona yego yeerile mwaanaye amung'onong'ono.
25Oliye ahiiraga:
<<Kanani oolumeleleye!
Oyene akale ookuthula,
mudhaari a addibile>>.#9.21-25 Nowe ononoonihedha obure wa musogoleli a emudhi oolezela. Emudhi yaaye enogawanyeya. Ehikalawo athu enasuuziha wi Nowe ohaadduba athu anamariba masuuziho ala. Kahuwo a ebaribari. Oliye amuddubile Kanani. Nlogo na Kanani kannaabihege ofiya mu Afirika. Wambeela 10.19 nnosuuziha wi anamabaliwelamo aaye yakala wewo mulogo wa Ezarayeli oliiwa peeno. Addibile araaru, Kuxi, Mizarayimi, ni Puti yahifiya mu Afirika mbwenye oliye naari. Anamabaliwelamo aaye yaali aKanani ayene Zhozuwe yaathukuliiye ogamalile mudhidhi wookuma.
26Ahiwogaga teto:
<<Oothithimiheya di Nabwiya, Mulugu a Semu!
Kanani akale mudhaari a Semu.
27Mulugu amunnuwihe Zhafeti#9.27 Zhafeti mu ewogelo ya eHeberi nneeweya wona: Wunnuwihiwa. ni elabo yaaye!
Ahima aaye emagege vamohi ni ahima a Semu;
Kanani akale mudhaari eewa>>.
28Ogavirile mudhidhi wa mahinje majinji Nowe ahimala yaaka mazana maraaru ni yaaka makumi matanu (350). 29Nowe akwile aganna yaaka mazana matanu namannayi ni yaaka makumi matanu (950).
© 2015, Wycliffe Bible Translators, Inc. All rights reserved.