LUKAT 23
23
Yesùt eki hele warogo ap Pilatùt wogosi wagaukwa wene
(Mat.27:1-2,11-14; Mrk.15:1-5; Yoh.18:28-38)
1Wene atì'nogo isukwasik, apùnì welagaukwa mene 23 amanogo inebe obogat melarìk he, Yesùt Pilatùt oba wolok wagaukwa. 2Wagaukwasik ùkùm oba hìkì logolìk he, mel yogosukwa:
“Ap yì nen apùnì nit mene lalinapìk, uang pemerintah mene hesik ap kain Kaisat a'nogo wogosusak lek o, ìgìk,
Hinoe Netagepogot Karìsùt a'nogo anat o, ìgìk, ìlùk nit nineilhanem ìkì laga atì nen wolok wago,” ìlùk yogosukwa. 3Atì'nogo yogosukwama, at Pilatut en Yesùt oba hinok wokhìkì logolìk he, mel yogosike:
“Ap Yahuri mene inoe etagepogot a'nogo hat meneat ega a?” ìlùk yogosikomo, at Yesùt en he,
“Hat egen atìat o,” ìlùk yogosikomo, 4at Pilatùt en he, ap Ala esewerek mene inogogì kaintek mel, apùnì apik atogorek welagaukwa mene amanogo mel, yogoisìkì logolìk he,
“An nen, at yì anema wanhì mene, at weak aike hagatomo hìgì motok lek o,” ìlùk yogoisasikomo, 5it amanogo hobuk inane motok kei-karogo mel yogosukwa:
“Lek o. Ap yì wene yakùlisìlìk nìkì logolìk he, apùnì o Yurea mene ya ta obogat ina'la kagalìk niko. Emakum o Kalilea atoma nen ina'la kagalìk kagalìk he, o yoma waga yì,” ìlùk yogosukwa.
Yesùt Herotet oba wolok wagaukwa wene
6Atì'nogo yogosukwama, at Pilatùt a'nogo asuk holhikesik he,
“Ap yì o Kalilea mene a?” ìlùk, apùnì amanogo yogoisasikomo, 7it en he,
“Ap atì, o at kain Herotet en hagisek welagare'ma amanogo mene o,” ìlùk yogosukwama asuk holhikesik he, atì sat, ap kain Herotet ebe o Yerusalem atoma pìlìk were'ma nogo nen he, oba lakhei wagaike atì. 8Lakhei wagaikomo re, at Herotet a'nogo Yesùt hagatì lagaike mene alebat asuk holhikesik, a'la nen he,
“Ebe neileken hele e. Elalinat hagarinabìk niko atì, aike hagatenem an neileken hele e,” ìlùk akìlìk were'ma nogo nen he, at Yesùt ebe oba wolok wagaukwama, eileken hìlìk a'la hai hakasike. 9A'la hai hakìlìk, yì wene tì wene apik Yesùt oba hinok wanhike mene re, at en oko aike yogotì'legat kamo isike. 10Oko yogotì'lek kamo isikomo re, it ap Ala esewerek mene inogogì kaintek mel, it ap Ala ane helal waganek esewerek mene mel, amanogo horok hogo hobotha kìlìk he, inane kei-karogo ùkùm oba hìkì lagaukwa. 11Hikenem he, at Herotet agoromì tentara mene inom en, Yesùt ebe ina'la meathìlìk, inane sagan apik wokhìkì lagaukwasik he, su hano motok kaintek labetarek mene aike labethìlìk, apotkwe Pilatùt oba lakhesike. 12Ebalep he, at Herotet Pilatùt eperak weim palek hake welagaukwa meneat he, atì'nogo lakhesike, atì sat eperak hano agaukwa.
Yesùt ebe motok wasuagalùk ùkùm oba hesukwa wene
(Mat.27:15-26; Mrk.15:6-15; Yoh.18:39–19:16)
13Nen, at Yesùt wolok lagaukwama re, at Pilatùt en, it ap Ala esewerek mene inogogì kaintek mel, it ap Yahuri mene kaintek inetagewerek mene aike mel, inagoromì obogat mel,
“Atogosi we'ni o,” ìlùk yogoisasikomo wagaukwama re, 14wene mel yogoisasike:
“Ap yì nen apùnì lalinabìk niko yì, ìlùk, an noba wolok wagasip ùkùm oba hegepma re, an nen hit hineilhanemat wene ero penetì mene re, hit en ùkùm oba hegep hak he, hìgì lek o. 15Nen, at kain Herotet atì'nogo aike hìgì'lek en he, nit ninoba yoma lakhei waga atì. Weak hagatenem ùkùm inoba hìlìk en inoatarek atì hake, ap yì nen atì'nogo weak aike hagatomo hìgì motok lek o. 16Halok, we, tùgì labìsake nek warogo hele hikaligin o,” ìlùk yogoisasike. [17Atì'nogo yogoisasike atì re, pesta etage Paskah a'nogo mene niko kolek, at Pilatùt en ap ineki hele warek mene omakeat halok aike hikalogo wogisikeresi'mo nogo nen he, atì'nogo yogoisasike atì.] 18Atì'nogo yogoisasike meneat he, it ap obogat amanogo nen he, inane si'lamok-wa'lamok ìkì logolìk he,
“Ap Parapat atìat eki hele hikalnisìlìk he, ap arì wa'no o,” ìlùk yogosukwa. 19At Parapat atì alebat he, ap aike inomat en, apùnì o kota hùko a'nogo mene holim hìbìrogo,
“Ninogogì kaintek pemerintah mene, ninabìt,” ìlùk weim yapì logolìk apùnì aike inoatì lagaikomo eki hele homagasogo hesukwa mene were'ma atì'nogo yogosukwa. 20Yogosukwama, at Pilatùt a'la nen he,
“Yesùt atì eki hele hikalogo hebegein,” akìkì logolìk nogo nen he, ane hobuk sirogo yogoisasike meneat he, 21it hogo inane uare'marogo ìkì logolìk he,
“E ba menhìlìk wa'no o! E ba menhìlìk wa'no o!” ìlùk yogosukwama, 22at Pilatùt eki pìre ba yogoisasikesik en hobuk aike inom yogoisìkì logolìk he,
“At yì nena mene weak hagatomo nen. Weak hagatenem inoatarek atì hake, an wene ero penetì mene, at yì nen weak aike hagatomo hìgì lek o. Halok, tùgì nek warìk, eki hele hikalogo hebegein o,” ìlùk yogoisasike meneat he, 23e ba menhìlìk wasuagalùk inane sì'lamok-wa'lamok kìno yogosukwama re, it inane omame agaike. 24It inane omame agaikomo, at Pilatùt en it en kìno isukwa higit hogoat wene tek hogo isikesik, 25at Parapat en holim hìbìrogo weim yapì logolìk apùnì inoatì lagaikomo eki hele warogo hesukwa mene a'nogo,
“Hele hikalogo wo'nisasak,” isukwa a'nogo wogisìgìk, nen, at Yesùt a'nogo nek he, it ina'la akasukwa mene higit hogo hagasuagalùk agoromì ineki ba hìgìk, isike.
Yesùt e ba menhìlìk wasukwa wene
(Mat.27:32-44; Mrk.15:21-32; Yoh.19:17-27)
26Atì'nogo wogisasikomo wolok wagaukwa hak he, ap etage Simon, awì o Kirene mene aike o wele'ma nen o kota hùkoma kigìlùk laganem, ebe hakhesukwasik e Yesùt menhìlìk wasugun mene a'nogo wolok he, Yesùt opolik wesuagalùk inane keirogo yogosukwa. 27Yesùt ebe wolok waganem apùnì apik inopolik waga logolìk, hìmì aike at ouak le aga logolìk, inetaùken ineki nen hothìlìk wagaukwa. 28Atì'nogo hagarìk waganem, at Yesùt elokwe hebek hogo kelagisìlìk he, mel yogoisasike:
“Hit hìmì o Yerusalem mene yì re, an nouak le aga hùk o. Hit he, hineagwì hinom hinokawerek hinouak le akani o. 29Hobuk weak asigin werek. Atì sat he, it apùnì nen ìkì logolìk,
Hìmì abìlì mene, ineagwì taginapì'lek mene, ineilak ùkùl yekerùgì inape aben lek mene, atì nek he, ina'la hai hakasak hake o, ugun. 30Atì sat he, apùnì nen he,
Ninebe al lebelninabin, ìlùk, tom hùkotek mene yogotìk,
Ninebe sebelogo hinanin, ìlùk tom hampùlùtek mene yogotik, ugun o. 31Atì hak he, yogotak ya e ket oba negen logolìk haga'nabì'lùgì yì re, hobuk e pùk oba negen asi laga logolìk, nìkì'nogo hagasugun akegep,” ìlùk yogoisasike.
32Nen, at wolok waga logolìk he, it ap inoabùt motok weak hagatì lagaukwa mene inebe pìre inom inoasuogolùk wogisek wagaukwaat. 33Wogisek he, tom ùkùl etage Inùkùloak palek ùkùl oba wagaukwasik, at Yesùt ebe e ba menhìkì logolìk he, ap inebe pìre inoabùt motok weak hagatì lagaukwa mene aike eki ebekwe, nen aike eki peikkwe, menhisìlìk inom inoasukwaat. 34#Mzm.22:18=TB 22:19 Atì'nogo menhisasukwama logolìk, at Yesùt en Ala mel yogosike:
“Nopase e! It yì inokot logolìk haga'nabì'lùgì yì re, ùkùm inoba hìgì'lek sagalogo heraksano o,” ìlùk yogosike. Nen, it ap tentara mene amanogo nen he, atì'nogo menhisìlìk,
“At Yesùt asu nokolek amanogo sanì hak asugun,” ìlùk he, oageke lakhìgìk, wakhìgìk, isukwasik, oageke inoba agaike mene hùgì sùpùrogo helasukwa. 35It apùnì amanogo atem metek logolìk ineileken werek kolek he, it ap Yahuri mene inogogì kaintek amanogo inamisang sìkìn ìlìk, Yesùt inane sagan wokhìkì logolìk he, mel isukwa:
“At yì Ala nen Karìsùt menhìlìk lakhei wesigin isike a'nogo ebe arat halok he, it apùnì aike elok telinapì laga a'nogo hak, okawerek en atì'nogoat telanìk he,” ìlùk isukwa. 36-37Nen, it ap tentara mene amanogo oba horok hogo wagaukwasik, anggur eken amusu ale weak mene sisigìthìkì logolìk inane sagan mel wokhasukwa:
“Hat apùnì Yahuri mene inoe kain hetagepogot eberogoat halok he, hokawerek en telan he,” ìlùk yogosukwa. 38Nen, it en he,
“Apùnì Yahuri mene inoe etagepogot he, ebe yìat o,” ìlùk helal waganogo e Yesùt menhesukwa a'nogo ba hesukwa.
39At Yesùt atì'nogo warogo menhìkì logolìk, ap weak hagatì lagaukwa mene inom warogo menhisasukwa aremnogo, at aike nen Yesùt ane sagan waganogo wenagatì logolìk he,
“Hat Karìsùt at akìgì. Halok he, hokawerek en telìgìk, nit telninapìk, in he,” ìlùk yogosike meneat he, 40at agaiyak aike a'nogo nen, at wenagatì logolìk he,
“Hat yìrogo re, at warogo haga hak ninom higirat warogo hinaga yoma, Ala hayù'lek a? 41Nit he, weak hagatì lagoma ninoabùt oba ninoasusak higit hogoat ninoata meneat he, at yì nek he, weak aike atì'nogo hagatì'lek o,” ìlùk yogosikesik, 42hobuk, at Yesùt mel yogosike:
“Noe e! Hat kain hetagepogot logoigìlùk waga logolìk, an noba ebe'no o,” ìlùk yogosikomo, 43at Yesùt en he, mel yogosike:
“O yogotak yìat neperak o hanoma atoma lìlìk logogun o, ìlùk eberogoat yogohetì,” ìlùk yogosike.
Yesùt ebe wa'lagaike wene
(Mat.27:45-56; Mrk.15:33-41; Yoh.19:28-30)
44-45Atì'nogo hisasukwama welagaukwa, o like tùlem jam 12 higit o mùm agaikesik he, mo yatì'lek werek kolek o atom obogat hùlì jam 3 mùmat welagaike. Jam 3 haga'lagaikomo re, Ala awì wùrì'mo su kain mene o sekelek ti'mokwe kwe palek welagaike mene tùlem heirogo pak isike. 46Atì'nogo hagasikomo, at Yesùt ane hùkorogo Ala yogotì logolìk he,
“Nopase e! An nareagùn selok hogo, hat hekimo waninok en, ìlùk yogohetì o,” ìlùk yogosikesik he, arat lebek hogo wa'lagaike. 47Atì'nogo hagasikomo ap tentara mene inoe kain a'nogo eileken hìlìk Ala hogoratì logolìk he,
“Ap yì eberogoat weak hagatì'le'ma hìgì o,” ìlùk isike. 48Nen, it apùnì apik ineileken hùogolùk wagaukwa mene atì'nogo hagatenem ineileken halùk hobuk inapotkwe inaua laga logolìk, inebe obogat inetaùken ineki nen hothìgìk warìk warìk lagaukwa. 49Nen, Yesùt ebe inelu mene obogat, it hìmì o Kalilea nen Yesùt opolik pisukwa mene mel, it aike mel, inebe walegat metek logolìk he, atì'nogo haga'laganem ineileken hìrogo welagaukwaat.
Yesùt ebe warek omoulama hesukwa wene
(Mat.27:57-61; Mrk.15:42-47; Yoh.19:38-42)
50-51Atì'nogo hagasukwama re, ap aike etage Yùsùp, aua apùnì Yahuri mene inawì kota aike etage Arimatea atì mene. A'la nen he,
“Ala nen awe a'ma mera nen hinegein,” ìlùk serogo logolìk, oabùt hano higit hagatì lagaike mene, ebe Yahuri inogogì kaintek wene pìlìngìsùogolùk inom atogotì lagaukwa mene. Atì'nogo meneat he, it agaiya'lak en, Yesùt abok palogo wasukwa atì, at en,
“Ì o, wasuok,” ìlùk ìgì'lek welagaikesik en, 52at Yesùt ebe warek Pilatùt oba kìno lagaike. 53Kino lagaikomo, at Pilatùt en,
“Ì o, hano,” ìlùk yogosikomo, wagaikesik Yesùt warek a'nogo e ba nen pelakhei wìrìk he, su kain kut mene ba ìkìlogo re, omoula apùnì warek hisìkì logouogolùk helep ako kerat holelhukwasik he, warek oan hisìgì'le'ma hesike. 54Hesike atì sat, it apùnì Yahuri mene hamùlùgat logopik sapan uogolùk logolìk, yì mene tì mene nomologo hagarek oba higit hari Jumat hesike.
55Nen, it hìmì o Kalilea nen Yesùt opolik pisukwa mene amanogo Yùsùp opolik wagaukwasik he,
“Yesùt ebe warek omoulama atì atì'nogo hike,” ìlùk ineileken tùkùm hogo hasukwa. 56Ineileken halùk ouma lagaukwasik he, e yì eken tì eken obasi hano mene mel, amusu obasi hano mene mel, Yesùt warek oba ebenakwe wasi lùogolùk he, tegelogo hesukwa. Atì'nogo hesukwasik, it apùnì Yahuri mene Ala nen inasuk wasike higit hogo ineki sabìt oba Ala hesik welegat welagaukwa.
LUKAT 23
23
Yesùt eki hele warogo ap Pilatùt wogosi wagaukwa wene
(Mat.27:1-2,11-14; Mrk.15:1-5; Yoh.18:28-38)
1Wene atì'nogo isukwasik, apùnì welagaukwa mene 23 amanogo inebe obogat melarìk he, Yesùt Pilatùt oba wolok wagaukwa. 2Wagaukwasik ùkùm oba hìkì logolìk he, mel yogosukwa:
“Ap yì nen apùnì nit mene lalinapìk, uang pemerintah mene hesik ap kain Kaisat a'nogo wogosusak lek o, ìgìk,
Hinoe Netagepogot Karìsùt a'nogo anat o, ìgìk, ìlùk nit nineilhanem ìkì laga atì nen wolok wago,” ìlùk yogosukwa. 3Atì'nogo yogosukwama, at Pilatut en Yesùt oba hinok wokhìkì logolìk he, mel yogosike:
“Ap Yahuri mene inoe etagepogot a'nogo hat meneat ega a?” ìlùk yogosikomo, at Yesùt en he,
“Hat egen atìat o,” ìlùk yogosikomo, 4at Pilatùt en he, ap Ala esewerek mene inogogì kaintek mel, apùnì apik atogorek welagaukwa mene amanogo mel, yogoisìkì logolìk he,
“An nen, at yì anema wanhì mene, at weak aike hagatomo hìgì motok lek o,” ìlùk yogoisasikomo, 5it amanogo hobuk inane motok kei-karogo mel yogosukwa:
“Lek o. Ap yì wene yakùlisìlìk nìkì logolìk he, apùnì o Yurea mene ya ta obogat ina'la kagalìk niko. Emakum o Kalilea atoma nen ina'la kagalìk kagalìk he, o yoma waga yì,” ìlùk yogosukwa.
Yesùt Herotet oba wolok wagaukwa wene
6Atì'nogo yogosukwama, at Pilatùt a'nogo asuk holhikesik he,
“Ap yì o Kalilea mene a?” ìlùk, apùnì amanogo yogoisasikomo, 7it en he,
“Ap atì, o at kain Herotet en hagisek welagare'ma amanogo mene o,” ìlùk yogosukwama asuk holhikesik he, atì sat, ap kain Herotet ebe o Yerusalem atoma pìlìk were'ma nogo nen he, oba lakhei wagaike atì. 8Lakhei wagaikomo re, at Herotet a'nogo Yesùt hagatì lagaike mene alebat asuk holhikesik, a'la nen he,
“Ebe neileken hele e. Elalinat hagarinabìk niko atì, aike hagatenem an neileken hele e,” ìlùk akìlìk were'ma nogo nen he, at Yesùt ebe oba wolok wagaukwama, eileken hìlìk a'la hai hakasike. 9A'la hai hakìlìk, yì wene tì wene apik Yesùt oba hinok wanhike mene re, at en oko aike yogotì'legat kamo isike. 10Oko yogotì'lek kamo isikomo re, it ap Ala esewerek mene inogogì kaintek mel, it ap Ala ane helal waganek esewerek mene mel, amanogo horok hogo hobotha kìlìk he, inane kei-karogo ùkùm oba hìkì lagaukwa. 11Hikenem he, at Herotet agoromì tentara mene inom en, Yesùt ebe ina'la meathìlìk, inane sagan apik wokhìkì lagaukwasik he, su hano motok kaintek labetarek mene aike labethìlìk, apotkwe Pilatùt oba lakhesike. 12Ebalep he, at Herotet Pilatùt eperak weim palek hake welagaukwa meneat he, atì'nogo lakhesike, atì sat eperak hano agaukwa.
Yesùt ebe motok wasuagalùk ùkùm oba hesukwa wene
(Mat.27:15-26; Mrk.15:6-15; Yoh.18:39–19:16)
13Nen, at Yesùt wolok lagaukwama re, at Pilatùt en, it ap Ala esewerek mene inogogì kaintek mel, it ap Yahuri mene kaintek inetagewerek mene aike mel, inagoromì obogat mel,
“Atogosi we'ni o,” ìlùk yogoisasikomo wagaukwama re, 14wene mel yogoisasike:
“Ap yì nen apùnì lalinabìk niko yì, ìlùk, an noba wolok wagasip ùkùm oba hegepma re, an nen hit hineilhanemat wene ero penetì mene re, hit en ùkùm oba hegep hak he, hìgì lek o. 15Nen, at kain Herotet atì'nogo aike hìgì'lek en he, nit ninoba yoma lakhei waga atì. Weak hagatenem ùkùm inoba hìlìk en inoatarek atì hake, ap yì nen atì'nogo weak aike hagatomo hìgì motok lek o. 16Halok, we, tùgì labìsake nek warogo hele hikaligin o,” ìlùk yogoisasike. [17Atì'nogo yogoisasike atì re, pesta etage Paskah a'nogo mene niko kolek, at Pilatùt en ap ineki hele warek mene omakeat halok aike hikalogo wogisikeresi'mo nogo nen he, atì'nogo yogoisasike atì.] 18Atì'nogo yogoisasike meneat he, it ap obogat amanogo nen he, inane si'lamok-wa'lamok ìkì logolìk he,
“Ap Parapat atìat eki hele hikalnisìlìk he, ap arì wa'no o,” ìlùk yogosukwa. 19At Parapat atì alebat he, ap aike inomat en, apùnì o kota hùko a'nogo mene holim hìbìrogo,
“Ninogogì kaintek pemerintah mene, ninabìt,” ìlùk weim yapì logolìk apùnì aike inoatì lagaikomo eki hele homagasogo hesukwa mene were'ma atì'nogo yogosukwa. 20Yogosukwama, at Pilatùt a'la nen he,
“Yesùt atì eki hele hikalogo hebegein,” akìkì logolìk nogo nen he, ane hobuk sirogo yogoisasike meneat he, 21it hogo inane uare'marogo ìkì logolìk he,
“E ba menhìlìk wa'no o! E ba menhìlìk wa'no o!” ìlùk yogosukwama, 22at Pilatùt eki pìre ba yogoisasikesik en hobuk aike inom yogoisìkì logolìk he,
“At yì nena mene weak hagatomo nen. Weak hagatenem inoatarek atì hake, an wene ero penetì mene, at yì nen weak aike hagatomo hìgì lek o. Halok, tùgì nek warìk, eki hele hikalogo hebegein o,” ìlùk yogoisasike meneat he, 23e ba menhìlìk wasuagalùk inane sì'lamok-wa'lamok kìno yogosukwama re, it inane omame agaike. 24It inane omame agaikomo, at Pilatùt en it en kìno isukwa higit hogoat wene tek hogo isikesik, 25at Parapat en holim hìbìrogo weim yapì logolìk apùnì inoatì lagaikomo eki hele warogo hesukwa mene a'nogo,
“Hele hikalogo wo'nisasak,” isukwa a'nogo wogisìgìk, nen, at Yesùt a'nogo nek he, it ina'la akasukwa mene higit hogo hagasuagalùk agoromì ineki ba hìgìk, isike.
Yesùt e ba menhìlìk wasukwa wene
(Mat.27:32-44; Mrk.15:21-32; Yoh.19:17-27)
26Atì'nogo wogisasikomo wolok wagaukwa hak he, ap etage Simon, awì o Kirene mene aike o wele'ma nen o kota hùkoma kigìlùk laganem, ebe hakhesukwasik e Yesùt menhìlìk wasugun mene a'nogo wolok he, Yesùt opolik wesuagalùk inane keirogo yogosukwa. 27Yesùt ebe wolok waganem apùnì apik inopolik waga logolìk, hìmì aike at ouak le aga logolìk, inetaùken ineki nen hothìlìk wagaukwa. 28Atì'nogo hagarìk waganem, at Yesùt elokwe hebek hogo kelagisìlìk he, mel yogoisasike:
“Hit hìmì o Yerusalem mene yì re, an nouak le aga hùk o. Hit he, hineagwì hinom hinokawerek hinouak le akani o. 29Hobuk weak asigin werek. Atì sat he, it apùnì nen ìkì logolìk,
Hìmì abìlì mene, ineagwì taginapì'lek mene, ineilak ùkùl yekerùgì inape aben lek mene, atì nek he, ina'la hai hakasak hake o, ugun. 30Atì sat he, apùnì nen he,
Ninebe al lebelninabin, ìlùk, tom hùkotek mene yogotìk,
Ninebe sebelogo hinanin, ìlùk tom hampùlùtek mene yogotik, ugun o. 31Atì hak he, yogotak ya e ket oba negen logolìk haga'nabì'lùgì yì re, hobuk e pùk oba negen asi laga logolìk, nìkì'nogo hagasugun akegep,” ìlùk yogoisasike.
32Nen, at wolok waga logolìk he, it ap inoabùt motok weak hagatì lagaukwa mene inebe pìre inom inoasuogolùk wogisek wagaukwaat. 33Wogisek he, tom ùkùl etage Inùkùloak palek ùkùl oba wagaukwasik, at Yesùt ebe e ba menhìkì logolìk he, ap inebe pìre inoabùt motok weak hagatì lagaukwa mene aike eki ebekwe, nen aike eki peikkwe, menhisìlìk inom inoasukwaat. 34#Mzm.22:18=TB 22:19 Atì'nogo menhisasukwama logolìk, at Yesùt en Ala mel yogosike:
“Nopase e! It yì inokot logolìk haga'nabì'lùgì yì re, ùkùm inoba hìgì'lek sagalogo heraksano o,” ìlùk yogosike. Nen, it ap tentara mene amanogo nen he, atì'nogo menhisìlìk,
“At Yesùt asu nokolek amanogo sanì hak asugun,” ìlùk he, oageke lakhìgìk, wakhìgìk, isukwasik, oageke inoba agaike mene hùgì sùpùrogo helasukwa. 35It apùnì amanogo atem metek logolìk ineileken werek kolek he, it ap Yahuri mene inogogì kaintek amanogo inamisang sìkìn ìlìk, Yesùt inane sagan wokhìkì logolìk he, mel isukwa:
“At yì Ala nen Karìsùt menhìlìk lakhei wesigin isike a'nogo ebe arat halok he, it apùnì aike elok telinapì laga a'nogo hak, okawerek en atì'nogoat telanìk he,” ìlùk isukwa. 36-37Nen, it ap tentara mene amanogo oba horok hogo wagaukwasik, anggur eken amusu ale weak mene sisigìthìkì logolìk inane sagan mel wokhasukwa:
“Hat apùnì Yahuri mene inoe kain hetagepogot eberogoat halok he, hokawerek en telan he,” ìlùk yogosukwa. 38Nen, it en he,
“Apùnì Yahuri mene inoe etagepogot he, ebe yìat o,” ìlùk helal waganogo e Yesùt menhesukwa a'nogo ba hesukwa.
39At Yesùt atì'nogo warogo menhìkì logolìk, ap weak hagatì lagaukwa mene inom warogo menhisasukwa aremnogo, at aike nen Yesùt ane sagan waganogo wenagatì logolìk he,
“Hat Karìsùt at akìgì. Halok he, hokawerek en telìgìk, nit telninapìk, in he,” ìlùk yogosike meneat he, 40at agaiyak aike a'nogo nen, at wenagatì logolìk he,
“Hat yìrogo re, at warogo haga hak ninom higirat warogo hinaga yoma, Ala hayù'lek a? 41Nit he, weak hagatì lagoma ninoabùt oba ninoasusak higit hogoat ninoata meneat he, at yì nek he, weak aike atì'nogo hagatì'lek o,” ìlùk yogosikesik, 42hobuk, at Yesùt mel yogosike:
“Noe e! Hat kain hetagepogot logoigìlùk waga logolìk, an noba ebe'no o,” ìlùk yogosikomo, 43at Yesùt en he, mel yogosike:
“O yogotak yìat neperak o hanoma atoma lìlìk logogun o, ìlùk eberogoat yogohetì,” ìlùk yogosike.
Yesùt ebe wa'lagaike wene
(Mat.27:45-56; Mrk.15:33-41; Yoh.19:28-30)
44-45Atì'nogo hisasukwama welagaukwa, o like tùlem jam 12 higit o mùm agaikesik he, mo yatì'lek werek kolek o atom obogat hùlì jam 3 mùmat welagaike. Jam 3 haga'lagaikomo re, Ala awì wùrì'mo su kain mene o sekelek ti'mokwe kwe palek welagaike mene tùlem heirogo pak isike. 46Atì'nogo hagasikomo, at Yesùt ane hùkorogo Ala yogotì logolìk he,
“Nopase e! An nareagùn selok hogo, hat hekimo waninok en, ìlùk yogohetì o,” ìlùk yogosikesik he, arat lebek hogo wa'lagaike. 47Atì'nogo hagasikomo ap tentara mene inoe kain a'nogo eileken hìlìk Ala hogoratì logolìk he,
“Ap yì eberogoat weak hagatì'le'ma hìgì o,” ìlùk isike. 48Nen, it apùnì apik ineileken hùogolùk wagaukwa mene atì'nogo hagatenem ineileken halùk hobuk inapotkwe inaua laga logolìk, inebe obogat inetaùken ineki nen hothìgìk warìk warìk lagaukwa. 49Nen, Yesùt ebe inelu mene obogat, it hìmì o Kalilea nen Yesùt opolik pisukwa mene mel, it aike mel, inebe walegat metek logolìk he, atì'nogo haga'laganem ineileken hìrogo welagaukwaat.
Yesùt ebe warek omoulama hesukwa wene
(Mat.27:57-61; Mrk.15:42-47; Yoh.19:38-42)
50-51Atì'nogo hagasukwama re, ap aike etage Yùsùp, aua apùnì Yahuri mene inawì kota aike etage Arimatea atì mene. A'la nen he,
“Ala nen awe a'ma mera nen hinegein,” ìlùk serogo logolìk, oabùt hano higit hagatì lagaike mene, ebe Yahuri inogogì kaintek wene pìlìngìsùogolùk inom atogotì lagaukwa mene. Atì'nogo meneat he, it agaiya'lak en, Yesùt abok palogo wasukwa atì, at en,
“Ì o, wasuok,” ìlùk ìgì'lek welagaikesik en, 52at Yesùt ebe warek Pilatùt oba kìno lagaike. 53Kino lagaikomo, at Pilatùt en,
“Ì o, hano,” ìlùk yogosikomo, wagaikesik Yesùt warek a'nogo e ba nen pelakhei wìrìk he, su kain kut mene ba ìkìlogo re, omoula apùnì warek hisìkì logouogolùk helep ako kerat holelhukwasik he, warek oan hisìgì'le'ma hesike. 54Hesike atì sat, it apùnì Yahuri mene hamùlùgat logopik sapan uogolùk logolìk, yì mene tì mene nomologo hagarek oba higit hari Jumat hesike.
55Nen, it hìmì o Kalilea nen Yesùt opolik pisukwa mene amanogo Yùsùp opolik wagaukwasik he,
“Yesùt ebe warek omoulama atì atì'nogo hike,” ìlùk ineileken tùkùm hogo hasukwa. 56Ineileken halùk ouma lagaukwasik he, e yì eken tì eken obasi hano mene mel, amusu obasi hano mene mel, Yesùt warek oba ebenakwe wasi lùogolùk he, tegelogo hesukwa. Atì'nogo hesukwasik, it apùnì Yahuri mene Ala nen inasuk wasike higit hogo ineki sabìt oba Ala hesik welegat welagaukwa.
