Enkiterunoto ENAITURUK
ENAITURUK
Ore ena arna naji ENKITERUNOTO teneibalunyeki naa keutu enaitera aaku. Kelimu ena buku enkitobirata o loing'ang'e o enkiterunoto e tung'ani o enkiterunoto e ng'oki o sina te nkop, neutu enaikuna Enkai peyie earare tung'ani. Keidimi aatoor ena buku aitaa irubat are sapuki:
1. Ematua 1 - 11. Keutu kuna matuan enkitobirata e nkop o enkatini e dukuya naipirta eishoi e tung'ani. Kidol tena atini Adam o Hawa o Kain o Abel o Noa tenebo oloirrag le nkare o ltalet le Babilon.
2. Ematua 12 - 50 Enkatini nautu iloo nkakuyiaa loo Siraeli. Ore ole dukuya na Abraham, laa yioloti apa oleng te nkaraki enkirukoto enye o enkisiligata enye te Nkai. Nesuju ninye enkatini o layioni lenye Isak o le nkakuyiaa lenye Yakobo, (laa ninye apa eji Siraeli) o layiok tomon aare le Yakobo, laa ninche etupukunye iloshon tomon aare loo Siraeli. Kisum enkatini o layioni obo le Yakobo oji Yosef laa ninye otorikuo Yakobo tenebo lkulikae ayiok meetu aamany o lmareita lenye Misiri.
Ore hoo duoo neeta ena buku inkaatini kumok naaipirta iltung'ana, ore enaituruk te pooki neutu imbaa naataasa Enkai. Keiteru autu inchere Enkai naitobira oloing'ang'e, neiting'ie te nkisiligata najo kelo Enkai dukuya adamu iltung'ana lenyena. Ore te mbuku pooki naa ore oltung'ani olioo oleng naa Enkai, laa ninye oiguanare neitame lelo ooas ing'ok, nerikoo neretu sii iltung'ana lenyena nererioo enkishui enye pooki. Ore ena buku naa musana oleng, netisiraki apa peyie eshum inkaatini e nkirukoto oo ltung'ana, neretu meitudupai ina kirukoto.
Iorot oo Matuan
Enkitobirata e nkop o tung'ani 1.1–2.25
Enkiterunoto oo ng'ok o sina 3.1-24
Eiteru te Adam o metabaiki Noa 4.1–5.32
Noa o lairrag le nkare 6.1–10.32
Oltalet le Babilon 11.1-9
Eiteru te Shem o metabaiki Abram 11.10-32
Iloo nkakuyiaa: Abraham, Isak, Yakobo 12.1–35.29
Eishoi e Esau 36.1-43
Yosef o lalashera lenyena 37.1–45.28
Isiraeli etii Misiri 46.1–50.26
©Bible Society of Kenya, 2018