Oˑi'waħ (Psalms) 2
2
OˑI'WAĦ DEKˑNI'. (PSALM II.)
1Aˑna'ehˑgoˑwa neh deoˑno̱hˑdahˑso̱ˑdai'go̱ħ, neh kuh nă̱ˑno̱'gweh hă̱ˑno̱ħtˑgaă̱' o̱ħ neh dehˑwaˑdesˑtă̱ħ?
2Neh ne go̱ˑwăħˑgoˑwaˑsho̱ħ hoˑno̱ˑdaˑdyaħ daˑgwĕnˑni'yosˑdo̱ħ nă̱ˑgă̱ heh yo̱ă̱ˑjaˑdeħ, kuh neh thă̱ˑnă̱ no̱hˑdo̱ˑo̱ħ gaˑdoˑgă̱ haˑdia'shă̱ˑdo̱ˑnyo̱h, ohˑthă̱ˑno̱ˑdoˑgă̱nt Naˑyahˑdaˑgwĕnˑni'yuh neh kuh ne Chaˑgao̱'heˑdʋs, hă̱ˑno̱'do̱h,
3Deˑdwa'yak gă̱ˑo̱k neħ doˑnă̱ˑnihˑdyuhˑgwahˑhasˑdo̱h dă̱ˑdwaˑkahˑso̱ˑgoħ, ă̱ˑyo̱ˑgwaˑdih kuh, neh, daˑdi'no̱hˑso̱ˑdaħ'go̱ħ heˑniˑdwaˑyah' daˑdeh.
4Neh ne thă̱ħˑdyo̱h he gă̱o̱'yaħˑgeh ă̱o̱sˑgatˑgwă̱h; neh Naˑyah'daˑgwĕnˑni'yuh hă̱'o̱ˑgo̱hˑdyo̱o̱ħ heˑaˑgo̱ħ dyòˑdahˑgwah neh deˑă̱ˑno̱'tho̱ˑdas.
5Da, oˑnă̱h ă̱ˑa̱sˑnyĭĕt haˑdiˑyah'daˑdeħ noˑna̱ħ' kwă̱sˑhăˑgo̱, neh ne dă̱o̱ˑgo̱ˑyă̱ħ'niˑgo̱ħˑga̱ˑgat heh niˑohˑniˑgo̱ă̱'no̱ˑo̱s heh deħtˑhuh niˑgo̱i'yuħ.
6Neħˑhuh gwa'naeh nii hehˑdyo̱h neˑgoˑwăhˑgoˑwa noˑno̱'da doˑgă̱ħˑdiħˑgeh heh óˑnoˑdaˑdeh neh Zion naˑgaˑwă̱h.
7Tgaˑgo̱nt' niih oˑyă̱'det ă̱ˑgo̱ˑnihˑhehˑnuiˑwáˑniˑyăˑto̱ħ; neh Naˑyah'daˑgwĕnˑni'yuh haˑgă̱'o̱ˑsee, iis neh go̱ˑo̱ˑwak; nă̱'gă̱ˑwă̱ˑnĭs'hăˑdeh o̱ˑgyă̱'dot nă̱ˑwa̱ˑdo̱ˑnih hehˑsyah'daˑdeh.
8Ă̱hsˑgaˑdo̱eˑsyo̱hˑgwă̱ħ, neħˑkuh ne tgaˑgo̱nt' ă̱ˑtgo̱ˑyo̱ħ neh deoˑno̱hˑdaħˑso̱ˑdaiˑgo̱ħ neh ă̱hˑsyahˑdaˑgwĕnˑni'yuh'het neħˑkuh hehˑno̱hˑdeˑyoˑdo̱ă̱'jokˑdaˑdyĭĕħ' neh iis ă̱hˑsyaħˑda gwĕnˑni'yuhˑhet.
9Neh dă̱ˑsheˑyakˑdă̱h ă̱hˑsyeˑăhˑdʋk ne saˑjo̱h'dyaħ neh gaˑnyo̱hˑo̱hˑshăħ; ă̱hˑsheˑyă̱t' dă̱ˑgáit heˑniˑyaˑwă̱s noˑgáhsˑdăħ gaˑjă̱ħ.
10Neh dihˑgai'o̱ˑnih jaˑdă̱ˑniˑgoˑwaˑnă̱ˑdo̱ˑo̱k O iis ne go̱ˑwăhˑgoˑwaˑsho̱k; nehˑkuh ne swa deˑyă̱s, iis neh deˑswaˑyahˑdoˑwetˑhah ne yo̱ă̱ jahˑgeh.
11Heˑjiˑwaˑyă̱ˑniˑak Naˑyaˑdaˑgwĕnˑni'yuħ ă̱ˑeħˑsesˑhaˑnihˑsek kuh, saˑdoh'ho̱ˑok neħˑkuh ne saˑya'do̱ˑdaˑtak.
12Deˑsaˑgwaˑyo̱s no̱ˑwa̱ˑwa̱k, dyă̱ˑgwah să̱ħ'ă̱h ă̱oˑno̱hˑgwă̱h, neħˑhuh kuh ă̱ˑgaiˑwaˑdo̱ hă̱'chatˑhaiˑneħ, noˑnă̱ħ' noˑna̱ħ'kwă̱sˑhăh osˑtho̱'o̱h ă̱ˑdwa̱ˑchă̱o̱ˑneˑdă̱h. Hoˑniˑdă̱'o̱ħ ne neħ huh heoˑdiˑyă̱ħ naˑdiˑyahˑdaˑasˑhaˑya'daˑde.
Gospels published by the American Bible Society in 1872, Psalms in 1892.
Oˑi'waħ (Psalms) 2
2
OˑI'WAĦ DEKˑNI'. (PSALM II.)
1Aˑna'ehˑgoˑwa neh deoˑno̱hˑdahˑso̱ˑdai'go̱ħ, neh kuh nă̱ˑno̱'gweh hă̱ˑno̱ħtˑgaă̱' o̱ħ neh dehˑwaˑdesˑtă̱ħ?
2Neh ne go̱ˑwăħˑgoˑwaˑsho̱ħ hoˑno̱ˑdaˑdyaħ daˑgwĕnˑni'yosˑdo̱ħ nă̱ˑgă̱ heh yo̱ă̱ˑjaˑdeħ, kuh neh thă̱ˑnă̱ no̱hˑdo̱ˑo̱ħ gaˑdoˑgă̱ haˑdia'shă̱ˑdo̱ˑnyo̱h, ohˑthă̱ˑno̱ˑdoˑgă̱nt Naˑyahˑdaˑgwĕnˑni'yuh neh kuh ne Chaˑgao̱'heˑdʋs, hă̱ˑno̱'do̱h,
3Deˑdwa'yak gă̱ˑo̱k neħ doˑnă̱ˑnihˑdyuhˑgwahˑhasˑdo̱h dă̱ˑdwaˑkahˑso̱ˑgoħ, ă̱ˑyo̱ˑgwaˑdih kuh, neh, daˑdi'no̱hˑso̱ˑdaħ'go̱ħ heˑniˑdwaˑyah' daˑdeh.
4Neh ne thă̱ħˑdyo̱h he gă̱o̱'yaħˑgeh ă̱o̱sˑgatˑgwă̱h; neh Naˑyah'daˑgwĕnˑni'yuh hă̱'o̱ˑgo̱hˑdyo̱o̱ħ heˑaˑgo̱ħ dyòˑdahˑgwah neh deˑă̱ˑno̱'tho̱ˑdas.
5Da, oˑnă̱h ă̱ˑa̱sˑnyĭĕt haˑdiˑyah'daˑdeħ noˑna̱ħ' kwă̱sˑhăˑgo̱, neh ne dă̱o̱ˑgo̱ˑyă̱ħ'niˑgo̱ħˑga̱ˑgat heh niˑohˑniˑgo̱ă̱'no̱ˑo̱s heh deħtˑhuh niˑgo̱i'yuħ.
6Neħˑhuh gwa'naeh nii hehˑdyo̱h neˑgoˑwăhˑgoˑwa noˑno̱'da doˑgă̱ħˑdiħˑgeh heh óˑnoˑdaˑdeh neh Zion naˑgaˑwă̱h.
7Tgaˑgo̱nt' niih oˑyă̱'det ă̱ˑgo̱ˑnihˑhehˑnuiˑwáˑniˑyăˑto̱ħ; neh Naˑyah'daˑgwĕnˑni'yuh haˑgă̱'o̱ˑsee, iis neh go̱ˑo̱ˑwak; nă̱'gă̱ˑwă̱ˑnĭs'hăˑdeh o̱ˑgyă̱'dot nă̱ˑwa̱ˑdo̱ˑnih hehˑsyah'daˑdeh.
8Ă̱hsˑgaˑdo̱eˑsyo̱hˑgwă̱ħ, neħˑkuh ne tgaˑgo̱nt' ă̱ˑtgo̱ˑyo̱ħ neh deoˑno̱hˑdaħˑso̱ˑdaiˑgo̱ħ neh ă̱hˑsyahˑdaˑgwĕnˑni'yuh'het neħˑkuh hehˑno̱hˑdeˑyoˑdo̱ă̱'jokˑdaˑdyĭĕħ' neh iis ă̱hˑsyaħˑda gwĕnˑni'yuhˑhet.
9Neh dă̱ˑsheˑyakˑdă̱h ă̱hˑsyeˑăhˑdʋk ne saˑjo̱h'dyaħ neh gaˑnyo̱hˑo̱hˑshăħ; ă̱hˑsheˑyă̱t' dă̱ˑgáit heˑniˑyaˑwă̱s noˑgáhsˑdăħ gaˑjă̱ħ.
10Neh dihˑgai'o̱ˑnih jaˑdă̱ˑniˑgoˑwaˑnă̱ˑdo̱ˑo̱k O iis ne go̱ˑwăhˑgoˑwaˑsho̱k; nehˑkuh ne swa deˑyă̱s, iis neh deˑswaˑyahˑdoˑwetˑhah ne yo̱ă̱ jahˑgeh.
11Heˑjiˑwaˑyă̱ˑniˑak Naˑyaˑdaˑgwĕnˑni'yuħ ă̱ˑeħˑsesˑhaˑnihˑsek kuh, saˑdoh'ho̱ˑok neħˑkuh ne saˑya'do̱ˑdaˑtak.
12Deˑsaˑgwaˑyo̱s no̱ˑwa̱ˑwa̱k, dyă̱ˑgwah să̱ħ'ă̱h ă̱oˑno̱hˑgwă̱h, neħˑhuh kuh ă̱ˑgaiˑwaˑdo̱ hă̱'chatˑhaiˑneħ, noˑnă̱ħ' noˑna̱ħ'kwă̱sˑhăh osˑtho̱'o̱h ă̱ˑdwa̱ˑchă̱o̱ˑneˑdă̱h. Hoˑniˑdă̱'o̱ħ ne neħ huh heoˑdiˑyă̱ħ naˑdiˑyahˑdaˑasˑhaˑya'daˑde.
Gospels published by the American Bible Society in 1872, Psalms in 1892.