John 10
10
De mee hagasengasenga o tangada hagaloosi ssiibi
1“Ni muna abodonu, ni muna abodonu aagu e hai adu nei gi goodou, tangada e dee ulu mai gi lo te buibui o denga ssiibi i de haitoga, aagai e gage mai gi lodo i dahi mommee gee, se dangada gaiaa ma de daa dangada. 2Gai tangada e ulu mai i de haitoga, go tangada hagaloosi abodonu o denga ssiibi. 3Tangada hagaloosi o de haitoga e hhuge ange de abaaba gi de ia, gai denga ssiibi e hagallongo dono leo. Gai Ia e hagahi ange ana ssiibi i olaadeu ingoo donu, ga dagi gilaadeu gi duaahaho. 4Gai de masavaa naa huu e odi ai ana ssiibi i de hagassao gi duaahaho, gai ia ga hano i olaadeu mada i mua, gai gilaadeu e daudali ange i de ia, go hiidinga gilaadeu e madea dono leo. 5Aagai gilaadeu e dee daudali ange donu i dahi dangada gee, gilaadeu e saavini ga hulo gee mai i de ia, go hiidinga gilaadeu e dee madea de leo o dahi dangada gee.” 6Iesu ne tala ange de mee hagasengasenga nei gi gilaadeu, aagai gilaadeu tee tonu ange gi mee aana ne tala ange gi gilaadeu.
Iesu tangada hagaloosi ssiibi danuaa
7Deelaa ai, Iesu ne hai ange hogi gi gilaadeu, “Ni muna abodonu, ni muna abodonu aagu e hai adu nei gi goodou, go au de haitoga o denga ssiibi. 8Gilaadeu alodahi ne loomai i ogu mua ni dangada gaiaa ma de daa dangada, gai denga ssiibi tee hagallongo ange gi gilaadeu. 9Go au de haitoga abodonu; be goai e ulu mai i de au, gai ia e hagaola. Ia e ulu mai naa ma de sao ga hano, gai ia e gidee naa de mommee iai helii. 10Tangada gaiaa se humai e gaiaa, ma de daa gi maakau aama de oha; au ne humai gi maua ai e gilaadeu de mouli, go de mouli e honu abodonu.
11Go au donu tangada hagaloosi ssiibi danuaa. Tangada hagaloosi danuaa, e gaavange dono mouli i hiidinga o denga ssiibi. 12Tangada hagaloosi hagao e dee go tangada hagaloosi ssiibi abodonu, niiana laa denga ssiibi. Deelaa ai, de masavaa naa huu aana e gidee ai de humai o de wolf, gai ia ga tili denga ssiibi, gai ga savini ga hano. Gai de wolf ga humai ga daa de hagabuulingaa ssiibi ga hagamavaevae saele. 13Tangada laa e savini naa ga hano, go hiidinga ia se dangada hagaloosi hagao, ia e dee anga ange donu gi denga ssiibi.
14Go au donu tangada hagaloosi ssiibi danuaa; au e iloo agu ssiibi, gai agu ssiibi e iloo donu au, 15bei de hai a Tamana e iloo ai laa au, gai au e iloo Tamana. Gai au e gaavange dogu mouli i hiidinga o denga ssiibi.#Mat 11.27; Luke 10.22 16E hanu ange donu agu ssiibi, e dee nnoho i lo te buibui nei. Aagai au e gaamai naa donu hogi gilaadeu. Gilaadeu e hagallongo naa hogi dogu leo, gai gi dahi ai donu huu hagabuulingaa ssiibi, gai e dahi dangada hagaloosi. 17Dogu Damana e aloha i de au, go hiidinga au e gaavange dogu mouli, gai au e ahe ange naa ga hagaahe mai. 18E dee se dangada gee donu ne gaavee dogu mouli, aagai go au donu ne dugua ange dogu mouli. Gai e dahi donu ogu ssauaa e gaavange ai dogu mouli, aama de hagaahe mai ange ai. Aanei muna a dogu Damana ne tala mai gi de au.”
19Gai de gau Ssuu gu dee buni ange hogi i hiidinga o muna nei. 20Gai e soa gilaadeu ne hagataba, “Dahi hagasaalunga baubau e noho i ono daha, gai ia gu senga. Gai gu aha gu hagallongo ai gidaadeu ana muna?”
21Gai hanu ne hagataba, “Muna nei e dee bei muna a tangada e noho de hagasaalunga baubau i ono daha. Gai e maua naa e tangada e noho de hagasaalunga baubau i ono daha i de hai gi gide dahi dangada dee gide?”
De hagangadi mee a de gau Ssuu Iesu
22De masavaa laa gai gu hai Taonga o de Hagadabu o de temple i Jerusalem. Gai go de masavaa hagamagalili. 23Gai Iesu ne hano ga seesee i de temple, i honga de velanda o Solomon. 24Gai de gau Ssuu ga hagabuni mai gi ono daha ga ssili ange gi de ia, “Dee hee maa taulooloa dau dee tala mai gi iloo e gimaadeu? Noo go koe de Klisdo, gai koe daalaa mai.”
25Iesu ne hai ange, “Au gu lava i de tala adu gi goodou, aagai goodou e dee hagadonu. Denga hegau aagu e hai i de ingoo o dogu Damana, go gilaadeu e daalaa hagadonu ogu dagodo, 26gai goodou e dee hagadonu, go hiidinga goodou e dee ni ssiibi niiagu. 27Agu ssiibi e langona dogu leo; au e iloo gilaadeu, gai gilaadeu e daudali mai i de au. 28Au e gaavange gi gilaadeu de mouli e dee ngado mai, gai gilaadeu e dee haihai naa donu ga maakau; gai e deai donu se dangada e maua i de aau gee gilaadeu mai i lo togu lima. 29Dogu Damana, de ia ne gaamai gilaadeu gi de au, e maolunga ange i mee alodahi, gai e deai donu e maua i de aau gee gilaadeu mai i lo te lima o Tamana. 30Gimaau ma dogu Damana e dahi donu huu.”
31Gai de gau Ssuu ne poo age hogi denga hadu e maga ai ia, 32aagai Iesu ga hai ange gi gilaadeu, “Au gu hagaago adu gi goodou hegau danuaa lagolago mai i daho dogu Damana. Gai dee hee de hegau i mee nei, oodou ga maga ai naa au i hadu?”
33Gai de gau Ssuu ga hai ange, “Gimaadeu e dee maga goe i hadu, i hiidinga o dahi hegau danuaa nei, gai go hiidinga koe gu hagangadi mee de Maadua i au muna. Koe se dangada bei omaadeu dagodo, gai koe e hagahedae ange goe gi de Maadua.” #Lev 24.16
34Iesu ne hai ange gi gilaadeu, “E aha, tigi sisi i oodou hainga, e hai ange, ‘Au e hagadaba bolo goodou ni maadua donu’?#Psa 82.6 35Gidaadeu e iloo bolo muna a de Beebaa Dabu e dee maua donu i de oha ga hano ai; gai de Maadua tee hagabinga gilaadeu ne gaavange aagena ana muna bolo ni maadua? 36Gai gu aha goodou gu hai ange ai naa gi de ia a Tamana ne hagadabu ga hai gi humai gi henua i lalo, ‘Koe e hagangadi mee de Maadua i au muna’, i hiidinga au e hagadaba, ‘Go au Tama Daane a de Maadua’? 37Noo au e dee hai hegau a dogu Damana, gai goodou e dee hagadonu donu au; 38gai noo au e hai hegau a dogu Damana, gai e dee galemu naa donu doodou dee hagadonu au, gai goodou hagadonusia agu hegau, gi iloo ai e goodou, aama de tonu ange bolo Tamana e noho i ogu daha, gai au e seesee i lodo o Tamana.” 39Gai gilaadeu ne hagatale ange hogi de poo ia, gai ia ga hagaui i olaadeu lima, ga hano gee i kilaa.
40Gai Iesu ne ahe ga hano gi de baasi laa o Jordan, i de mommee a John nogo babudaisi ai laa i laangi i mua.#John 1.28 41Gai dangada soa ne loomai gi ono daha, ga hai ange, “John teai donu ana hagailonga ne hai, gai mee alodahi aana gu tala, i dagodo o Taane nei ni muna abodonu.” 42Gai ne soa dangada ne hagadonusia ia i kilaa.
© 2022, Wycliffe Bible Translators, Inc. All rights reserved.
John 10
10
De mee hagasengasenga o tangada hagaloosi ssiibi
1“Ni muna abodonu, ni muna abodonu aagu e hai adu nei gi goodou, tangada e dee ulu mai gi lo te buibui o denga ssiibi i de haitoga, aagai e gage mai gi lodo i dahi mommee gee, se dangada gaiaa ma de daa dangada. 2Gai tangada e ulu mai i de haitoga, go tangada hagaloosi abodonu o denga ssiibi. 3Tangada hagaloosi o de haitoga e hhuge ange de abaaba gi de ia, gai denga ssiibi e hagallongo dono leo. Gai Ia e hagahi ange ana ssiibi i olaadeu ingoo donu, ga dagi gilaadeu gi duaahaho. 4Gai de masavaa naa huu e odi ai ana ssiibi i de hagassao gi duaahaho, gai ia ga hano i olaadeu mada i mua, gai gilaadeu e daudali ange i de ia, go hiidinga gilaadeu e madea dono leo. 5Aagai gilaadeu e dee daudali ange donu i dahi dangada gee, gilaadeu e saavini ga hulo gee mai i de ia, go hiidinga gilaadeu e dee madea de leo o dahi dangada gee.” 6Iesu ne tala ange de mee hagasengasenga nei gi gilaadeu, aagai gilaadeu tee tonu ange gi mee aana ne tala ange gi gilaadeu.
Iesu tangada hagaloosi ssiibi danuaa
7Deelaa ai, Iesu ne hai ange hogi gi gilaadeu, “Ni muna abodonu, ni muna abodonu aagu e hai adu nei gi goodou, go au de haitoga o denga ssiibi. 8Gilaadeu alodahi ne loomai i ogu mua ni dangada gaiaa ma de daa dangada, gai denga ssiibi tee hagallongo ange gi gilaadeu. 9Go au de haitoga abodonu; be goai e ulu mai i de au, gai ia e hagaola. Ia e ulu mai naa ma de sao ga hano, gai ia e gidee naa de mommee iai helii. 10Tangada gaiaa se humai e gaiaa, ma de daa gi maakau aama de oha; au ne humai gi maua ai e gilaadeu de mouli, go de mouli e honu abodonu.
11Go au donu tangada hagaloosi ssiibi danuaa. Tangada hagaloosi danuaa, e gaavange dono mouli i hiidinga o denga ssiibi. 12Tangada hagaloosi hagao e dee go tangada hagaloosi ssiibi abodonu, niiana laa denga ssiibi. Deelaa ai, de masavaa naa huu aana e gidee ai de humai o de wolf, gai ia ga tili denga ssiibi, gai ga savini ga hano. Gai de wolf ga humai ga daa de hagabuulingaa ssiibi ga hagamavaevae saele. 13Tangada laa e savini naa ga hano, go hiidinga ia se dangada hagaloosi hagao, ia e dee anga ange donu gi denga ssiibi.
14Go au donu tangada hagaloosi ssiibi danuaa; au e iloo agu ssiibi, gai agu ssiibi e iloo donu au, 15bei de hai a Tamana e iloo ai laa au, gai au e iloo Tamana. Gai au e gaavange dogu mouli i hiidinga o denga ssiibi.#Mat 11.27; Luke 10.22 16E hanu ange donu agu ssiibi, e dee nnoho i lo te buibui nei. Aagai au e gaamai naa donu hogi gilaadeu. Gilaadeu e hagallongo naa hogi dogu leo, gai gi dahi ai donu huu hagabuulingaa ssiibi, gai e dahi dangada hagaloosi. 17Dogu Damana e aloha i de au, go hiidinga au e gaavange dogu mouli, gai au e ahe ange naa ga hagaahe mai. 18E dee se dangada gee donu ne gaavee dogu mouli, aagai go au donu ne dugua ange dogu mouli. Gai e dahi donu ogu ssauaa e gaavange ai dogu mouli, aama de hagaahe mai ange ai. Aanei muna a dogu Damana ne tala mai gi de au.”
19Gai de gau Ssuu gu dee buni ange hogi i hiidinga o muna nei. 20Gai e soa gilaadeu ne hagataba, “Dahi hagasaalunga baubau e noho i ono daha, gai ia gu senga. Gai gu aha gu hagallongo ai gidaadeu ana muna?”
21Gai hanu ne hagataba, “Muna nei e dee bei muna a tangada e noho de hagasaalunga baubau i ono daha. Gai e maua naa e tangada e noho de hagasaalunga baubau i ono daha i de hai gi gide dahi dangada dee gide?”
De hagangadi mee a de gau Ssuu Iesu
22De masavaa laa gai gu hai Taonga o de Hagadabu o de temple i Jerusalem. Gai go de masavaa hagamagalili. 23Gai Iesu ne hano ga seesee i de temple, i honga de velanda o Solomon. 24Gai de gau Ssuu ga hagabuni mai gi ono daha ga ssili ange gi de ia, “Dee hee maa taulooloa dau dee tala mai gi iloo e gimaadeu? Noo go koe de Klisdo, gai koe daalaa mai.”
25Iesu ne hai ange, “Au gu lava i de tala adu gi goodou, aagai goodou e dee hagadonu. Denga hegau aagu e hai i de ingoo o dogu Damana, go gilaadeu e daalaa hagadonu ogu dagodo, 26gai goodou e dee hagadonu, go hiidinga goodou e dee ni ssiibi niiagu. 27Agu ssiibi e langona dogu leo; au e iloo gilaadeu, gai gilaadeu e daudali mai i de au. 28Au e gaavange gi gilaadeu de mouli e dee ngado mai, gai gilaadeu e dee haihai naa donu ga maakau; gai e deai donu se dangada e maua i de aau gee gilaadeu mai i lo togu lima. 29Dogu Damana, de ia ne gaamai gilaadeu gi de au, e maolunga ange i mee alodahi, gai e deai donu e maua i de aau gee gilaadeu mai i lo te lima o Tamana. 30Gimaau ma dogu Damana e dahi donu huu.”
31Gai de gau Ssuu ne poo age hogi denga hadu e maga ai ia, 32aagai Iesu ga hai ange gi gilaadeu, “Au gu hagaago adu gi goodou hegau danuaa lagolago mai i daho dogu Damana. Gai dee hee de hegau i mee nei, oodou ga maga ai naa au i hadu?”
33Gai de gau Ssuu ga hai ange, “Gimaadeu e dee maga goe i hadu, i hiidinga o dahi hegau danuaa nei, gai go hiidinga koe gu hagangadi mee de Maadua i au muna. Koe se dangada bei omaadeu dagodo, gai koe e hagahedae ange goe gi de Maadua.” #Lev 24.16
34Iesu ne hai ange gi gilaadeu, “E aha, tigi sisi i oodou hainga, e hai ange, ‘Au e hagadaba bolo goodou ni maadua donu’?#Psa 82.6 35Gidaadeu e iloo bolo muna a de Beebaa Dabu e dee maua donu i de oha ga hano ai; gai de Maadua tee hagabinga gilaadeu ne gaavange aagena ana muna bolo ni maadua? 36Gai gu aha goodou gu hai ange ai naa gi de ia a Tamana ne hagadabu ga hai gi humai gi henua i lalo, ‘Koe e hagangadi mee de Maadua i au muna’, i hiidinga au e hagadaba, ‘Go au Tama Daane a de Maadua’? 37Noo au e dee hai hegau a dogu Damana, gai goodou e dee hagadonu donu au; 38gai noo au e hai hegau a dogu Damana, gai e dee galemu naa donu doodou dee hagadonu au, gai goodou hagadonusia agu hegau, gi iloo ai e goodou, aama de tonu ange bolo Tamana e noho i ogu daha, gai au e seesee i lodo o Tamana.” 39Gai gilaadeu ne hagatale ange hogi de poo ia, gai ia ga hagaui i olaadeu lima, ga hano gee i kilaa.
40Gai Iesu ne ahe ga hano gi de baasi laa o Jordan, i de mommee a John nogo babudaisi ai laa i laangi i mua.#John 1.28 41Gai dangada soa ne loomai gi ono daha, ga hai ange, “John teai donu ana hagailonga ne hai, gai mee alodahi aana gu tala, i dagodo o Taane nei ni muna abodonu.” 42Gai ne soa dangada ne hagadonusia ia i kilaa.
© 2022, Wycliffe Bible Translators, Inc. All rights reserved.