John 11
11
De magau o Lazarus
1Gai dahi daane dono ingoo go Lazarus ne magi i Bethany, de aduhale damaa mee o Mary ma dono daina hahine go Martha.#Luke 10.38-39 2Deenei Mary ne hagasulu ina laa Iesu i dahi vai manongi ma de hagammasa luoono vae i ono ngaangaaulu, gai Lazarus se daina daane niiona.#John 12.3 3Gai de hai daina haahine laa ne hai dahi dangada gi hano gi daho Iesu, gi hai ange, “Tagi Maolunga, taane oou e aloha ai laa gu magi.”
4Gai ga langona huu e Iesu de mee laa gai ia ga hagadaba, “De magi nei e dee duu ange gi de magau, gai se hai e hagamahamaha ai de Maadua, gai gi hagamahamaha ai hogi Tama Daane a de Maadua i de mee nei.” 5Gai Iesu e aloha i Martha ma dono daina hahine aama Lazarus. 6Aagai dana masavaa huu ne langona ai bolo Lazarus gu magi, gai ia ne noho i de mommee laa i e lua ange laangi.
7Dua luu langi laa, gai ia ga hai ange gi ana dangada agoago, “Gidaadeu ga ahe e hulo gi Judea.”
8Gai gilaadeu ne hai ange gi de ia, “Tangada Agoago, de gau Ssuu ne hagatale de maga goe i hadu i kilaa, gai koe ga ahe ange naa hogi gi de mommee mau?”
9Iesu ne hai ange, “E aha, e dee madaangahulu ma lua aoaa e ao ai de mee? Tangada e seesee i de laangi e dee baguu, go hiidinga ia e gidee de maalama o henua i lalo. 10Gai tangada e seesee i de boo e baguu, go hiidinga e deai se maalama oona e gide ai.”
11Gai ga lava huu i dana tala ange mee nei gi gilaadeu, gai ia ga hai ange, “Taadeu soa go Lazarus gu moe, gai au e hano e hhango ia.”
12Ana dangada agoago ne hai ange gi de ia, “Tagi Maolunga, noo ia e seni, gai ia e ieiangi naa donu.” 13Gai Iesu ne basa i de magau o Lazarus, gai ana dangada agoago e maanadu bolo ia e basa i de seni o tangada.
14Gai Iesu ga tala hagasoe ange gi gilaadeu ga hai ange, “Lazarus gu magau; 15gai au e malangilangi i oodou hiidinga, i dogu dee maleva i kilaa i de masavaa laa, gi hagadonusia ai goodou. Gidaadeu ga hulo e tilo ia.”
16Gai Thomas (e hagaingoo ange laa hogi go Didymus#11.16 Didymus i muna Greek e bei go de Maasanga.) ne hai ange gi denga dangada agoago ange laa, “Gidaadeu ga hulo hogi, gi maakau ai gidaadeu madali ia.”
Iesu go de mouli age aama de mouli
17Gai ga dae huu Iesu gi kilaa, gai ia gu iloo bolo Lazarus gu haa ono boo ne dagodo ai i lo te daanunga. 18De aduhale go Bethany e baa ange donu gi Jerusalem, se lua donu huu maele mai i kilaa. 19Gai gu soa dangada Ssuu ne loomai gi daho Martha ma Mary e hagaaneane ange ai gilaau, i hiidinga de magau o delaau daina daane. 20Gai ga langona huu e Martha bolo Iesu gu humai, gai ia ga hano e hedae ange gi de ia, gai Mary ne noho i de hale.
21Gai Martha ga hai ange gi Iesu, “Tagi Maolunga, noo koe ne noho i kinei, gai dogu daina daane tee magau donu. 22Gai au e iloo bolo iainei gai de Maadua e hai donu gi bei dau mee e dangidangi ange ai gi de ia.”
23Iesu ne hai ange gi de ia, “Doo daina daane e mouli age naa donu.”
24Martha ne hai ange gi de ia, “Au e iloo bolo ia e mouli age naa i de masavaa o de mouli age i de laangi hagaodi.”
25Iesu ne hai ange gi de ia, “Go au donu de mouli age aama de mouli. Be goai e gai mai gi de au e mouli donu, e dee galemu donu ia gu magau; 26gai be goai e mouli ma de gai mai gi de au e dee magau donu. Koe e hagadonusia de mee nei?”
27Gai Martha ne hai ange gi de ia, “Uaa, Tagi Maolunga, au e hagadonusia bolo go koe donu de Klisdo, Tama Daane a de Maadua, gu tala laa bolo e humai gi henua i lalo.”
De dangi o Iesu
28Dua dana tala muna laa gai ia ga ahe ga musumusu ange gi dono daina hahine go Mary, ga hai ange, “Tangada Agoago gu humai gai ia e ssili goe.” 29Gai ga langona huu e Mary, gai ia ga hagamoolau ga hidi age e hano gi ono daha. 30De masavaa laa gai Iesu tigi dae mai donu gi de aduhale, gai ia goi noho donu huu i de mommee o Martha ne hedae ange ai gi de ia. 31Gai ga gidee huu e de gau Ssuu e nnoho laa madali Mary i de hale ma e hagaaneane ange ai ia, bolo Mary gu hagamoolau ma gu sao ma gu hano, gai gilaadeu ga daudali ange i de ia. Gilaadeu ne maanadu bolo ia e hano gi taanunga e dangi ai.
32Gai ga dae huu Mary gi de mommee o Iesu iai laa, gai ia ga duuduli i gaogao luoono vae ga hai ange gi de ia, “Tagi Maolunga, noo koe ne noho i kinei, gai dogu daina tee magau donu.”
33Gai ga gidee huu e Iesu Mary ma de gau Ssuu ne loomai madali ia e tangi, gai gu hagangalue ina ono lodo ma de daemaha. 34Gai ia ga ssili ange, “Go hee oodou ne danu ai ia?”
Gai gilaadeu ne hai ange gi de ia, “Tagi Maolunga, humai diiloo.”
35Gai Iesu ga dangi.
36Gai de gau Ssuu ne hagataba, “Ia e aloha mmao i Lazarus!”
37Aagai hanu gilaadeu ne ssili, “E aha, e dee maua hogi e Taane ne hagaieiangi ina taane nogo dee gide laa i de hai gi dee magau taane nei?”
De hagamouli age o Lazarus
38Gai Iesu gu kona ange hogi de daemaha ono lodo, ga hano gi taanunga; taanunga laa se haonga i lo te baba, gai e pono i dahi hadu. 39Iesu ne hai ange, “Aaua gee de hadu.” Gai Martha, taina hahine o taane gu magau laa, ga hai ange gi de ia, “Tagi Maolunga, iainei gai de angaanga gu pilo donu, go hiidinga gu haa laangi ne dagodo ai i kilaa.”
40Iesu ne hai ange gi de ia, “Gu lava i dagu hai adu gi de goe, noo koe e hagadonusia gai koe e gidee donu de mahamaha o de Maadua!”
41Gai hanu ga aau de hadu laa. Gai Iesu ga galo age gi de langi ga hai ange, “Tamana, au e hagaahe adu de abodonu gi de goe, go hiidinga koe e langona donu agu muna. 42Au e iloo bolo koe e langona agu muna i masavaa alodahi, gai au e tala muna nei i hiidinga o dangada e tuu nei i kinei, gi hagadonusia ai e gilaadeu bolo go koe donu ne gaamai au gi humai.”
43Gai ga lava huu i dana tala muna laa, gai ia ga oo i de leo mmahi ga hai ange, “Lazarus, sao mai.” 44Gai taane magau laa gu sao mai. Gai luoono lima ma luoono vae e saabini i malo e danu ai laa tangada, gai luoono mada e saabini i dahi malo.
Iesu ne hai ange gi gilaadeu, “Daalaa malo oona e saabini ai naa, mage haia gi maua e ia i de seesee e hano.”
De hagasaele ange de hai e daa ai Iesu gi magau
(Mat 26.1-5; Mark 14.1-2; Luke 22.1-2)
45Gai e soa dangada Ssuu ne loomai laa madali Mary ga gidee e gilaadeu ana mee ne hai gu hagadonusia ia. 46Gai hanu gilaadeu ne hulo ga tala ange gi denga Pharisee mee a Iesu gu hai. 47Gai de gau haimeedabu maolunga ma denga Pharisee ne hagabuni mai de hagabuulinga hagasaele ga ssili ange, “Ni aha adaadeu ga hai? Taane nei gu lagolago ana hagailonga ne hai. 48Noo gidaadeu e dugu ange ia gi haia mee nei, gai e soa naa dangada e hagadonusia ia, gai de gau Rome e loomai naa ga oha taadeu mommee#11.48 taadeu mommee, aabe go taadeu temple. aama taadeu huaahenua.”
49Gai Caiaphas, dahi daane i olaadeu magavaa, gai go ia hogi tangada haimeedabu maolunga i de ngadau laa, ga hai ange gi gilaadeu, “Goodou e deai donu oodou mee e iloo! 50Goodou tigi tonu ange laa donu bolo e danuaa ange de magau o dahi dangada daudahi e sui ai dangada, i de maakau o de huaahenua alodahi.”
51Gai Caiaphas tee ngadi tala donu huu muna nei, aagai i hiidinga go ia tangada haimeedabu maolunga i de ngadau laa, gai ia ne tala pelaabisi bolo Iesu e magau e sui ai de huaahenua o de gau Ssuu, 52gai e dee se mee ange donu huu gi de huaahenua laa, aagai ange hogi gi dama a de Maadua gu mavaevae saele laa, gai ia e hagabuni mai ai gilaadeu ga hai gi dahi donu huu. 53Mai i de laangi laa gai gilaadeu ne hagasaele delaadeu hai e daa ai Iesu gi magau.
54Deelaa ai, Iesu gu dee hagasula ange gi de gau Ssuu. Aagai ia ne hano gi dahi mommee i gaogao de vao, gi de aduhale go Ephraim, gai ia ga noho i kilaa madali ana dangada agoago.
55Gai ga dai dae mai huu Taonga Hagasili a de gau Ssuu, gai dangada soa gu loomai i mommee ange laa gi Jerusalem e hai ai tahulinga o de hagagilimalali i mua Taonga Hagasili. 56Gai dangada ne dagitilo de humai o Iesu, gai gilaadeu ne hagadau ssili i delaadeu tuu i de mommee iai de temple ga hagataba, “Dee hee doodou maanadu? Ia e humai naa gi Taonga be deai?” 57Gai de gau haimeedabu maolunga ma denga Pharisee gu hai ange gi dangada gi dagidiiloo be go hee o Iesu iai gi hagailoo ange gi gilaadeu, gai gilaadeu ga poo ai ia.
© 2022, Wycliffe Bible Translators, Inc. All rights reserved.
John 11
11
De magau o Lazarus
1Gai dahi daane dono ingoo go Lazarus ne magi i Bethany, de aduhale damaa mee o Mary ma dono daina hahine go Martha.#Luke 10.38-39 2Deenei Mary ne hagasulu ina laa Iesu i dahi vai manongi ma de hagammasa luoono vae i ono ngaangaaulu, gai Lazarus se daina daane niiona.#John 12.3 3Gai de hai daina haahine laa ne hai dahi dangada gi hano gi daho Iesu, gi hai ange, “Tagi Maolunga, taane oou e aloha ai laa gu magi.”
4Gai ga langona huu e Iesu de mee laa gai ia ga hagadaba, “De magi nei e dee duu ange gi de magau, gai se hai e hagamahamaha ai de Maadua, gai gi hagamahamaha ai hogi Tama Daane a de Maadua i de mee nei.” 5Gai Iesu e aloha i Martha ma dono daina hahine aama Lazarus. 6Aagai dana masavaa huu ne langona ai bolo Lazarus gu magi, gai ia ne noho i de mommee laa i e lua ange laangi.
7Dua luu langi laa, gai ia ga hai ange gi ana dangada agoago, “Gidaadeu ga ahe e hulo gi Judea.”
8Gai gilaadeu ne hai ange gi de ia, “Tangada Agoago, de gau Ssuu ne hagatale de maga goe i hadu i kilaa, gai koe ga ahe ange naa hogi gi de mommee mau?”
9Iesu ne hai ange, “E aha, e dee madaangahulu ma lua aoaa e ao ai de mee? Tangada e seesee i de laangi e dee baguu, go hiidinga ia e gidee de maalama o henua i lalo. 10Gai tangada e seesee i de boo e baguu, go hiidinga e deai se maalama oona e gide ai.”
11Gai ga lava huu i dana tala ange mee nei gi gilaadeu, gai ia ga hai ange, “Taadeu soa go Lazarus gu moe, gai au e hano e hhango ia.”
12Ana dangada agoago ne hai ange gi de ia, “Tagi Maolunga, noo ia e seni, gai ia e ieiangi naa donu.” 13Gai Iesu ne basa i de magau o Lazarus, gai ana dangada agoago e maanadu bolo ia e basa i de seni o tangada.
14Gai Iesu ga tala hagasoe ange gi gilaadeu ga hai ange, “Lazarus gu magau; 15gai au e malangilangi i oodou hiidinga, i dogu dee maleva i kilaa i de masavaa laa, gi hagadonusia ai goodou. Gidaadeu ga hulo e tilo ia.”
16Gai Thomas (e hagaingoo ange laa hogi go Didymus#11.16 Didymus i muna Greek e bei go de Maasanga.) ne hai ange gi denga dangada agoago ange laa, “Gidaadeu ga hulo hogi, gi maakau ai gidaadeu madali ia.”
Iesu go de mouli age aama de mouli
17Gai ga dae huu Iesu gi kilaa, gai ia gu iloo bolo Lazarus gu haa ono boo ne dagodo ai i lo te daanunga. 18De aduhale go Bethany e baa ange donu gi Jerusalem, se lua donu huu maele mai i kilaa. 19Gai gu soa dangada Ssuu ne loomai gi daho Martha ma Mary e hagaaneane ange ai gilaau, i hiidinga de magau o delaau daina daane. 20Gai ga langona huu e Martha bolo Iesu gu humai, gai ia ga hano e hedae ange gi de ia, gai Mary ne noho i de hale.
21Gai Martha ga hai ange gi Iesu, “Tagi Maolunga, noo koe ne noho i kinei, gai dogu daina daane tee magau donu. 22Gai au e iloo bolo iainei gai de Maadua e hai donu gi bei dau mee e dangidangi ange ai gi de ia.”
23Iesu ne hai ange gi de ia, “Doo daina daane e mouli age naa donu.”
24Martha ne hai ange gi de ia, “Au e iloo bolo ia e mouli age naa i de masavaa o de mouli age i de laangi hagaodi.”
25Iesu ne hai ange gi de ia, “Go au donu de mouli age aama de mouli. Be goai e gai mai gi de au e mouli donu, e dee galemu donu ia gu magau; 26gai be goai e mouli ma de gai mai gi de au e dee magau donu. Koe e hagadonusia de mee nei?”
27Gai Martha ne hai ange gi de ia, “Uaa, Tagi Maolunga, au e hagadonusia bolo go koe donu de Klisdo, Tama Daane a de Maadua, gu tala laa bolo e humai gi henua i lalo.”
De dangi o Iesu
28Dua dana tala muna laa gai ia ga ahe ga musumusu ange gi dono daina hahine go Mary, ga hai ange, “Tangada Agoago gu humai gai ia e ssili goe.” 29Gai ga langona huu e Mary, gai ia ga hagamoolau ga hidi age e hano gi ono daha. 30De masavaa laa gai Iesu tigi dae mai donu gi de aduhale, gai ia goi noho donu huu i de mommee o Martha ne hedae ange ai gi de ia. 31Gai ga gidee huu e de gau Ssuu e nnoho laa madali Mary i de hale ma e hagaaneane ange ai ia, bolo Mary gu hagamoolau ma gu sao ma gu hano, gai gilaadeu ga daudali ange i de ia. Gilaadeu ne maanadu bolo ia e hano gi taanunga e dangi ai.
32Gai ga dae huu Mary gi de mommee o Iesu iai laa, gai ia ga duuduli i gaogao luoono vae ga hai ange gi de ia, “Tagi Maolunga, noo koe ne noho i kinei, gai dogu daina tee magau donu.”
33Gai ga gidee huu e Iesu Mary ma de gau Ssuu ne loomai madali ia e tangi, gai gu hagangalue ina ono lodo ma de daemaha. 34Gai ia ga ssili ange, “Go hee oodou ne danu ai ia?”
Gai gilaadeu ne hai ange gi de ia, “Tagi Maolunga, humai diiloo.”
35Gai Iesu ga dangi.
36Gai de gau Ssuu ne hagataba, “Ia e aloha mmao i Lazarus!”
37Aagai hanu gilaadeu ne ssili, “E aha, e dee maua hogi e Taane ne hagaieiangi ina taane nogo dee gide laa i de hai gi dee magau taane nei?”
De hagamouli age o Lazarus
38Gai Iesu gu kona ange hogi de daemaha ono lodo, ga hano gi taanunga; taanunga laa se haonga i lo te baba, gai e pono i dahi hadu. 39Iesu ne hai ange, “Aaua gee de hadu.” Gai Martha, taina hahine o taane gu magau laa, ga hai ange gi de ia, “Tagi Maolunga, iainei gai de angaanga gu pilo donu, go hiidinga gu haa laangi ne dagodo ai i kilaa.”
40Iesu ne hai ange gi de ia, “Gu lava i dagu hai adu gi de goe, noo koe e hagadonusia gai koe e gidee donu de mahamaha o de Maadua!”
41Gai hanu ga aau de hadu laa. Gai Iesu ga galo age gi de langi ga hai ange, “Tamana, au e hagaahe adu de abodonu gi de goe, go hiidinga koe e langona donu agu muna. 42Au e iloo bolo koe e langona agu muna i masavaa alodahi, gai au e tala muna nei i hiidinga o dangada e tuu nei i kinei, gi hagadonusia ai e gilaadeu bolo go koe donu ne gaamai au gi humai.”
43Gai ga lava huu i dana tala muna laa, gai ia ga oo i de leo mmahi ga hai ange, “Lazarus, sao mai.” 44Gai taane magau laa gu sao mai. Gai luoono lima ma luoono vae e saabini i malo e danu ai laa tangada, gai luoono mada e saabini i dahi malo.
Iesu ne hai ange gi gilaadeu, “Daalaa malo oona e saabini ai naa, mage haia gi maua e ia i de seesee e hano.”
De hagasaele ange de hai e daa ai Iesu gi magau
(Mat 26.1-5; Mark 14.1-2; Luke 22.1-2)
45Gai e soa dangada Ssuu ne loomai laa madali Mary ga gidee e gilaadeu ana mee ne hai gu hagadonusia ia. 46Gai hanu gilaadeu ne hulo ga tala ange gi denga Pharisee mee a Iesu gu hai. 47Gai de gau haimeedabu maolunga ma denga Pharisee ne hagabuni mai de hagabuulinga hagasaele ga ssili ange, “Ni aha adaadeu ga hai? Taane nei gu lagolago ana hagailonga ne hai. 48Noo gidaadeu e dugu ange ia gi haia mee nei, gai e soa naa dangada e hagadonusia ia, gai de gau Rome e loomai naa ga oha taadeu mommee#11.48 taadeu mommee, aabe go taadeu temple. aama taadeu huaahenua.”
49Gai Caiaphas, dahi daane i olaadeu magavaa, gai go ia hogi tangada haimeedabu maolunga i de ngadau laa, ga hai ange gi gilaadeu, “Goodou e deai donu oodou mee e iloo! 50Goodou tigi tonu ange laa donu bolo e danuaa ange de magau o dahi dangada daudahi e sui ai dangada, i de maakau o de huaahenua alodahi.”
51Gai Caiaphas tee ngadi tala donu huu muna nei, aagai i hiidinga go ia tangada haimeedabu maolunga i de ngadau laa, gai ia ne tala pelaabisi bolo Iesu e magau e sui ai de huaahenua o de gau Ssuu, 52gai e dee se mee ange donu huu gi de huaahenua laa, aagai ange hogi gi dama a de Maadua gu mavaevae saele laa, gai ia e hagabuni mai ai gilaadeu ga hai gi dahi donu huu. 53Mai i de laangi laa gai gilaadeu ne hagasaele delaadeu hai e daa ai Iesu gi magau.
54Deelaa ai, Iesu gu dee hagasula ange gi de gau Ssuu. Aagai ia ne hano gi dahi mommee i gaogao de vao, gi de aduhale go Ephraim, gai ia ga noho i kilaa madali ana dangada agoago.
55Gai ga dai dae mai huu Taonga Hagasili a de gau Ssuu, gai dangada soa gu loomai i mommee ange laa gi Jerusalem e hai ai tahulinga o de hagagilimalali i mua Taonga Hagasili. 56Gai dangada ne dagitilo de humai o Iesu, gai gilaadeu ne hagadau ssili i delaadeu tuu i de mommee iai de temple ga hagataba, “Dee hee doodou maanadu? Ia e humai naa gi Taonga be deai?” 57Gai de gau haimeedabu maolunga ma denga Pharisee gu hai ange gi dangada gi dagidiiloo be go hee o Iesu iai gi hagailoo ange gi gilaadeu, gai gilaadeu ga poo ai ia.
© 2022, Wycliffe Bible Translators, Inc. All rights reserved.