Luke 11
11
De agoago i dagodo o talodalo
(Mat 6.9-13; 7.7-11)
1Dahi laangi gai Iesu e dalodalo i dahi mommee, gai ga lava huu ono dalodalo, gai dahi ana dangada agoago ne hai ange gi de ia, “Tagi Maolunga, agoagona mai gimaadeu i de hai omaadeu e dalodalo ai, bei de hai a John gu agoago ange ai laa hogi ana dangada agoago.”
2Iesu ne hai ange gi gilaadeu, “De masavaa naa huu oodou e dalodalo ai, gai goodou ga hai ange:
‘Tamana,#11.2 Tamana: hanu beebaa Greek ange laa e hai ange demaadeu Damana deelaa i de langi. gi dabu doo ingoo;
gi humai doo nohoanga hodooligi.#11.2 Hanu beebaa Greek ange laa e hagapuni ange gi haia oo lodo i henua i lalo, bei dono hai e hai ai i de langi.
3Gaamai gi gimaadeu gai e danuaa mai gi gimaadeu i dahi laangi ma dahi laangi.
4Gai daalaa omaadeu haisala,
bei demaadeu tala haisala olaadeu e haisala mai gi gimaadeu.
Gai gi dee dagina ange gimaadeu gi de hagatale.’ ” #11.4 Hanu beebaa Greek ange laa e hagapuni ange aagai hagaola ina gimaadeu mai i de ia baubau laa.
5Gai ia ga hai ange gi gilaadeu, “Noo dahi goodou e dahi ono soa, gai dono soa ga hano gi ono daha i lo te boo, ga hai ange, ‘Dogu soa, gaamai e dolu duudangaa pelaoaa maagu, 6go hiidinga dahi ogu soa gu humai gi ogu daha, gai au e deai donu agu gai e gaavange gi de ia.’
7Gai tangada i lo te hale ga basa ange naa i lodo, ga hai ange, ‘Aude hakoso ina ngau iainei! Dogu haitoga gu hagamakaga, gai agu dama e sseni madali au i omaadeu moenga. Au e dee maua i de hidi age e gaavadu gi de goe hanu mee.’ 8Au e hai adu gi goodou: noo tangada i lo te hale e dee hidi age e gaavange hanu mee gi de ia i hiidinga gilaau se hai soa, aagai ia e hidi age naa donu ga gaavange mee alodahi oona e lodo ai, i hiidinga dono soa tee helui dono hagammahi ga dangidangi.
9Gai au e hai adu gi goodou: dangidangi gai e gaavadu naa donu gi goodou; saalaa gai goodou ga gidee; dugidugi gai e hhuge adu naa donu gi goodou. 10Gai tangada e dangidangi e maua naa ana mee, tangada e saalaa e gidee ana mee, gai tangada e dugidugi e hhuge ange donu gi de ia.
11Gai goai tamana i oodou magavaa e gaavange gi dana dama dahi labodo, noo ia e dangidangi ange i hanu mamu? 12Aabe dana dama e dangidangi ange i dahi ngago, gai ia ga gaavange gi de ia dahi manu manga lua? 13Goodou ni dangada baubau, gai goodou e iloo de hai e gaavange ai mee danuaa gi oodou dama. Aagai doodou Damana i de langi, e kii ange donu dono lodo e gaavange de Hagasaalunga Dabu gi gilaadeu e dangidangi ange ai gi de ia!”
Iesu ma Beelzebul
(Mat 12.22-30; Mark 3.20-27)
14Iesu ne hai gi hano gee dahi hagasaalunga baubau, mai i daho dahi dangada e dee maua laa i de basa; gai ga hano gee huu de hagasaalunga baubau laa i ono daha, gai taane laa gu maua i de basa. Gai dangada gu llele mouli, 15gai hanu dangada ne hagataba, “Ia e hai gi hulo gee hagasaalunga baubau i ssauaa o Beelzebul, tagi o denga hagasaalunga baubau.” #Mat 9.34; 10.25 16E hanu hogi dangada i kilaa e llodo e hagatale Iesu; gilaadeu ne llodo ia gi hagaagona ange dahi hagailonga mai i de langi.#Mat 12.38; 16.1; Mark 8.11
17Aagai ia e iloo alaadeu maanadu, ga hai ange gi gilaadeu, “De nohoanga hodooligi e hagadau hai baasi, e dee maua donu gi sula; de huaabodu e hagadau hai baasi, e dee maua hogi gi hagadagadaga age. 18Gai noo Satan e hai baasi ange donu huu gi de ia, gai dee hee de hai e maua ai gi duu dono nohoanga hodooligi? Go hiidinga goodou e hagataba bolo au e hai gi hulo gee denga hagasaalunga baubau i ssauaa o Beelzebul. 19Gai noo au e hai gi hulo gee denga hagasaalunga baubau i ssauaa o Beelzebul, gai niioai ai ssauaa a oodou dangada agoago e hai ai gi hulo gee denga hagasaalunga baubau? Deenei ai, go oodou dangada agoago e hagamodu ina oodou muna. 20Gai noo au e hai gi hulo gee denga hagasaalunga baubau i ssauaa o de Maadua, gai de nohoanga hodooligi o de Maadua gu dae mai donu gi oodou daha.
21De masavaa o taane mmahi e hagauda ai ono goloa hebagi ga hagaloosi ai dono hale, gai ono goloa e daakodo danuaa. 22Aagai de masavaa naa huu o dahi e mmahi ange laa i de ia e humai ai ga hebagi ange ga hagadee kii ia, gai ia ga kave goloa hebagi a taane laa e tali hagalodolodo ange laa aagena, ga duha ana goloa ne hai gi de mahi.
23Be goai e dee noho madali au e hai baasi mai donu gi de au; gai be goai e dee hagabudu madali au e hagassiia saele.#Mark 9.40
De aahe mai o denga hagasaalunga baubau
(Mat 12.43-45)
24“De masavaa naa huu o de hagasaalunga baubau e sao ai ga hano gee mai i daho tangada, gai ia ga hano laa mommee e deai vai iai e ssala ai dono mommee e hagamabu ai. Gai ga dee gidee huu e ia dahi mommee, gai ia ga hagadaba, ‘Au ga ahe nei gi de hale oogu ne humai ai nei.’ 25Gai de masavaa huu oona ne ahe mai ai, gai ia gu gidee bolo de mommee laa gu lava i de hagagilimalali ma gu hagadanuaa. 26Gai ia ga hano ga ssala mai ange e dogohidu hagasaalunga e baubau ange i de ia, gai gilaadeu ga ulu i kilaa ga nnoho ai. Gai dagodo o tangada laa i muli mai gu kii ange de baubau i taamada age.”
De manuuia abodonu
27De masavaa a Iesu ne tala ai mee laa, gai dahi hahine i magavaa o dangada ne hagaleo laumalie ga hai ange gi de ia, “E manuuia de hine ne hanaua goe ma de hakaa unuunu goe!”
28Iesu ne hai ange gi de ia, “Gai e kii ange donu de manuuia o dangada e hagalaangona muna a de Maadua ga daudali ai!”
De hagailonga o Jonah
(Mat 12.38-42)
29Gai ga hagadaga ange huu de soa dangada, aagai Iesu ga daamada de basa ga hai ange, “De atangada nei se atangada baubau! Gilaadeu e ssala dahi hagailonga, gai e deai ange donu se hagailonga e hagaago ange gi gilaadeu, go de hagailonga donu huu o Jonah.#Mat 16.4; Mark 8.12 30Jonah se hagailonga ange gi dangada o Nineveh, aagai Tama a Tangada se hagailonga ange gi dangada o de atangada nei.#Jon 3.4 31De hine hodooligi mai i Ngaage e hidi age naa i de laangi hagamodu muna ga hagabaubau dangada o de atangada nei, go hiidinga ia ne humai i de bido laa o henua i lalo e hagallongo dagodo de heiangi o Solomon, gai tilo, dahi e maolunga ange i Solomon gu i kinei.#1 Ki 10.1-10; 2 Ch 9.1-12 32Dangada o Nineveh e hiihidi age naa ga hagabaubau de atangada nei i de laangi hagamodu muna, go hiidinga gilaadeu ne daahuli olaadeu lodo i agoago a Jonah, gai tilo, dahi e maolunga ange i Jonah gu i kinei!#Jon 3.5
De laama o de angaanga
(Mat 5.15; 6.22-23)
33“E deai se dangada e haulasia de laama ga dugu i de mommee lilo aabe go lalo dahi bagede; aagai e gaavange gi honga de mommee dugu laama, gi gidee ai e dangada e ulu i de hale de maalama.#Mark 4.21; Luke 8.16 34De ganomada go de laama o de angaanga; ga danuaa naa huu doo ganomada gai doo angaanga alodahi gu maalama; aagai ga magi naa huu doo ganomada gai doo angaanga alodahi e gohu. 35Gai goodou dagidiiloo gi dee hagagohu de maalama i oodou lodo. 36Gai noo doo angaanga alodahi e maalama, e deai se mommee gohu iai, gai gu maalama alodahi, bei de masavaa o de laama e hagamaalama ai laa goe.”
Iesu e hagabaubau denga Pharisee ma de gau agoago o de hainga
(Mat 23.1-36; Mark 12.38-40)
37De masavaa o Iesu e agoago ai, gai dahi Pharisee ne ssala ange ia gi hanadu e gaimee i dono hale; aagai Iesu ne hano ga ulu i kilaa ga noho e gaimee. 38Gai de Pharisee laa ne lele ono mouli i dana gide bolo Iesu tee hhui luoono lima i mua dono gaimee.
39Aagai Tagi Maolunga ga hai ange gi de ia, “Goodou denga Pharisee e hagagilimalali laa daha o de ubu ma de gumedi, gai oodou lodo e hoohonu i de nnoo hagamau mee ma de baubau. 40Goodou ni dangada llodo ssenga! E dee go de Maadua ne haia ngaadahi oodou lodo ma oodou angaanga? 41Aagai goodou ngadi gaavange mee i lodo oodou ubu gi de gau hagaau aloha, gai tilo, mee alodahi e odi naa i de gilimalali adu gi goodou.
42E vakaa naa goodou e denga Pharisee! Goodou e gaavange dahi diba i diba e madaangahulu o oodou mint ma rue aama mee mai i denga manu ssomo, gai e hagangadi mee de hagamodu muna heohi ma de aloha o de Maadua. E heohi donu doodou hai mee nei, gai e dee tili mee ange laa.#Lev 27.30
43E vakaa naa goodou e denga Pharisee! Goodou e llodo e nnoho i duulanga danuaa i lodo synagogue, ma de hagaboo adu o dangada gi goodou i denga mommee hagao mee.
44E vakaa naa goodou! Go hiidinga goodou e bei dagodo o denga daanunga e dee gidee laa e dangada, gai dangada e dee iloo bolo gilaadeu e seesee i olaadeu elunga.”
45Dahi dangada agoago o de hainga ne hai ange hogi gi de ia, “Tangada Agoago, koe e hagadookaa donu hogi gimaadeu i au muna!”
46Iesu ne hai ange gi de ia, “E vakaa naa hogi goodou e de gau agoago o de hainga! Goodou e hagauda ange mee daemaha gi honga o dangada, gai goodou e dee hagauda donu mee nei i dahi oodou madannia daudahi.
47E vakaa naa goodou! Goodou e hagatuu denga daanunga o denga pelaabisi a oodou dubuna madagidagi ne daa laa ga maakau. 48Gai goodou e tala hagadonu ma de hagabuni ange gi hegau a oodou dubuna madagidagi ne hai; gilaadeu ne daa ga maakau denga pelaabisi, gai goodou ne hagatuu olaadeu daanunga. 49Deenei ai, de Maadua e hagadaba i dono heiangi, ‘Au e hai naa gi hulo gi olaadeu daha denga pelaabisi ma gau tala, gai gilaadeu e daa naa hanu ga maakau gai ga vaivai hai hanu.’ 50Deenei ai, de atangada nei e hagaduasala naa hogi i hiidinga delaadeu daa ga maakau denga pelaabisi alodahi mai i taamada age de hai o henua i lalo, 51mai i dodo o Abel ga dae ai gi dodo o Zechariah, ne daa ga magau i magavaa de mommee o ssigidaumaha ma de Aabi Dabu. Ni muna abodonu aagu e hai adu nei gi goodou: de atangada nei e hagaduasala naa donu i hiidinga dodo nei.#Gen 4.8; 2 Ch 24.20-21
52E vakaa naa goodou e de gau agoago o de hainga! Go hiidinga goodou gu kave gee de gii o de iloo mee; goodou tee ulu i de nohoanga hodooligi, gai goodou e buibui hogi dangada e llodo e ulu ai!”
53De masavaa o Iesu ne sao ai e hano gee i kilaa, gai de gau sisi ma denga Pharisee ga usuusu ange ia, ma de ssili ange hanu muna lagolago e hagatale ai ia, 54gai gilaadeu ga hagabaubau ai ia.
© 2022, Wycliffe Bible Translators, Inc. All rights reserved.
Luke 11
11
De agoago i dagodo o talodalo
(Mat 6.9-13; 7.7-11)
1Dahi laangi gai Iesu e dalodalo i dahi mommee, gai ga lava huu ono dalodalo, gai dahi ana dangada agoago ne hai ange gi de ia, “Tagi Maolunga, agoagona mai gimaadeu i de hai omaadeu e dalodalo ai, bei de hai a John gu agoago ange ai laa hogi ana dangada agoago.”
2Iesu ne hai ange gi gilaadeu, “De masavaa naa huu oodou e dalodalo ai, gai goodou ga hai ange:
‘Tamana,#11.2 Tamana: hanu beebaa Greek ange laa e hai ange demaadeu Damana deelaa i de langi. gi dabu doo ingoo;
gi humai doo nohoanga hodooligi.#11.2 Hanu beebaa Greek ange laa e hagapuni ange gi haia oo lodo i henua i lalo, bei dono hai e hai ai i de langi.
3Gaamai gi gimaadeu gai e danuaa mai gi gimaadeu i dahi laangi ma dahi laangi.
4Gai daalaa omaadeu haisala,
bei demaadeu tala haisala olaadeu e haisala mai gi gimaadeu.
Gai gi dee dagina ange gimaadeu gi de hagatale.’ ” #11.4 Hanu beebaa Greek ange laa e hagapuni ange aagai hagaola ina gimaadeu mai i de ia baubau laa.
5Gai ia ga hai ange gi gilaadeu, “Noo dahi goodou e dahi ono soa, gai dono soa ga hano gi ono daha i lo te boo, ga hai ange, ‘Dogu soa, gaamai e dolu duudangaa pelaoaa maagu, 6go hiidinga dahi ogu soa gu humai gi ogu daha, gai au e deai donu agu gai e gaavange gi de ia.’
7Gai tangada i lo te hale ga basa ange naa i lodo, ga hai ange, ‘Aude hakoso ina ngau iainei! Dogu haitoga gu hagamakaga, gai agu dama e sseni madali au i omaadeu moenga. Au e dee maua i de hidi age e gaavadu gi de goe hanu mee.’ 8Au e hai adu gi goodou: noo tangada i lo te hale e dee hidi age e gaavange hanu mee gi de ia i hiidinga gilaau se hai soa, aagai ia e hidi age naa donu ga gaavange mee alodahi oona e lodo ai, i hiidinga dono soa tee helui dono hagammahi ga dangidangi.
9Gai au e hai adu gi goodou: dangidangi gai e gaavadu naa donu gi goodou; saalaa gai goodou ga gidee; dugidugi gai e hhuge adu naa donu gi goodou. 10Gai tangada e dangidangi e maua naa ana mee, tangada e saalaa e gidee ana mee, gai tangada e dugidugi e hhuge ange donu gi de ia.
11Gai goai tamana i oodou magavaa e gaavange gi dana dama dahi labodo, noo ia e dangidangi ange i hanu mamu? 12Aabe dana dama e dangidangi ange i dahi ngago, gai ia ga gaavange gi de ia dahi manu manga lua? 13Goodou ni dangada baubau, gai goodou e iloo de hai e gaavange ai mee danuaa gi oodou dama. Aagai doodou Damana i de langi, e kii ange donu dono lodo e gaavange de Hagasaalunga Dabu gi gilaadeu e dangidangi ange ai gi de ia!”
Iesu ma Beelzebul
(Mat 12.22-30; Mark 3.20-27)
14Iesu ne hai gi hano gee dahi hagasaalunga baubau, mai i daho dahi dangada e dee maua laa i de basa; gai ga hano gee huu de hagasaalunga baubau laa i ono daha, gai taane laa gu maua i de basa. Gai dangada gu llele mouli, 15gai hanu dangada ne hagataba, “Ia e hai gi hulo gee hagasaalunga baubau i ssauaa o Beelzebul, tagi o denga hagasaalunga baubau.” #Mat 9.34; 10.25 16E hanu hogi dangada i kilaa e llodo e hagatale Iesu; gilaadeu ne llodo ia gi hagaagona ange dahi hagailonga mai i de langi.#Mat 12.38; 16.1; Mark 8.11
17Aagai ia e iloo alaadeu maanadu, ga hai ange gi gilaadeu, “De nohoanga hodooligi e hagadau hai baasi, e dee maua donu gi sula; de huaabodu e hagadau hai baasi, e dee maua hogi gi hagadagadaga age. 18Gai noo Satan e hai baasi ange donu huu gi de ia, gai dee hee de hai e maua ai gi duu dono nohoanga hodooligi? Go hiidinga goodou e hagataba bolo au e hai gi hulo gee denga hagasaalunga baubau i ssauaa o Beelzebul. 19Gai noo au e hai gi hulo gee denga hagasaalunga baubau i ssauaa o Beelzebul, gai niioai ai ssauaa a oodou dangada agoago e hai ai gi hulo gee denga hagasaalunga baubau? Deenei ai, go oodou dangada agoago e hagamodu ina oodou muna. 20Gai noo au e hai gi hulo gee denga hagasaalunga baubau i ssauaa o de Maadua, gai de nohoanga hodooligi o de Maadua gu dae mai donu gi oodou daha.
21De masavaa o taane mmahi e hagauda ai ono goloa hebagi ga hagaloosi ai dono hale, gai ono goloa e daakodo danuaa. 22Aagai de masavaa naa huu o dahi e mmahi ange laa i de ia e humai ai ga hebagi ange ga hagadee kii ia, gai ia ga kave goloa hebagi a taane laa e tali hagalodolodo ange laa aagena, ga duha ana goloa ne hai gi de mahi.
23Be goai e dee noho madali au e hai baasi mai donu gi de au; gai be goai e dee hagabudu madali au e hagassiia saele.#Mark 9.40
De aahe mai o denga hagasaalunga baubau
(Mat 12.43-45)
24“De masavaa naa huu o de hagasaalunga baubau e sao ai ga hano gee mai i daho tangada, gai ia ga hano laa mommee e deai vai iai e ssala ai dono mommee e hagamabu ai. Gai ga dee gidee huu e ia dahi mommee, gai ia ga hagadaba, ‘Au ga ahe nei gi de hale oogu ne humai ai nei.’ 25Gai de masavaa huu oona ne ahe mai ai, gai ia gu gidee bolo de mommee laa gu lava i de hagagilimalali ma gu hagadanuaa. 26Gai ia ga hano ga ssala mai ange e dogohidu hagasaalunga e baubau ange i de ia, gai gilaadeu ga ulu i kilaa ga nnoho ai. Gai dagodo o tangada laa i muli mai gu kii ange de baubau i taamada age.”
De manuuia abodonu
27De masavaa a Iesu ne tala ai mee laa, gai dahi hahine i magavaa o dangada ne hagaleo laumalie ga hai ange gi de ia, “E manuuia de hine ne hanaua goe ma de hakaa unuunu goe!”
28Iesu ne hai ange gi de ia, “Gai e kii ange donu de manuuia o dangada e hagalaangona muna a de Maadua ga daudali ai!”
De hagailonga o Jonah
(Mat 12.38-42)
29Gai ga hagadaga ange huu de soa dangada, aagai Iesu ga daamada de basa ga hai ange, “De atangada nei se atangada baubau! Gilaadeu e ssala dahi hagailonga, gai e deai ange donu se hagailonga e hagaago ange gi gilaadeu, go de hagailonga donu huu o Jonah.#Mat 16.4; Mark 8.12 30Jonah se hagailonga ange gi dangada o Nineveh, aagai Tama a Tangada se hagailonga ange gi dangada o de atangada nei.#Jon 3.4 31De hine hodooligi mai i Ngaage e hidi age naa i de laangi hagamodu muna ga hagabaubau dangada o de atangada nei, go hiidinga ia ne humai i de bido laa o henua i lalo e hagallongo dagodo de heiangi o Solomon, gai tilo, dahi e maolunga ange i Solomon gu i kinei.#1 Ki 10.1-10; 2 Ch 9.1-12 32Dangada o Nineveh e hiihidi age naa ga hagabaubau de atangada nei i de laangi hagamodu muna, go hiidinga gilaadeu ne daahuli olaadeu lodo i agoago a Jonah, gai tilo, dahi e maolunga ange i Jonah gu i kinei!#Jon 3.5
De laama o de angaanga
(Mat 5.15; 6.22-23)
33“E deai se dangada e haulasia de laama ga dugu i de mommee lilo aabe go lalo dahi bagede; aagai e gaavange gi honga de mommee dugu laama, gi gidee ai e dangada e ulu i de hale de maalama.#Mark 4.21; Luke 8.16 34De ganomada go de laama o de angaanga; ga danuaa naa huu doo ganomada gai doo angaanga alodahi gu maalama; aagai ga magi naa huu doo ganomada gai doo angaanga alodahi e gohu. 35Gai goodou dagidiiloo gi dee hagagohu de maalama i oodou lodo. 36Gai noo doo angaanga alodahi e maalama, e deai se mommee gohu iai, gai gu maalama alodahi, bei de masavaa o de laama e hagamaalama ai laa goe.”
Iesu e hagabaubau denga Pharisee ma de gau agoago o de hainga
(Mat 23.1-36; Mark 12.38-40)
37De masavaa o Iesu e agoago ai, gai dahi Pharisee ne ssala ange ia gi hanadu e gaimee i dono hale; aagai Iesu ne hano ga ulu i kilaa ga noho e gaimee. 38Gai de Pharisee laa ne lele ono mouli i dana gide bolo Iesu tee hhui luoono lima i mua dono gaimee.
39Aagai Tagi Maolunga ga hai ange gi de ia, “Goodou denga Pharisee e hagagilimalali laa daha o de ubu ma de gumedi, gai oodou lodo e hoohonu i de nnoo hagamau mee ma de baubau. 40Goodou ni dangada llodo ssenga! E dee go de Maadua ne haia ngaadahi oodou lodo ma oodou angaanga? 41Aagai goodou ngadi gaavange mee i lodo oodou ubu gi de gau hagaau aloha, gai tilo, mee alodahi e odi naa i de gilimalali adu gi goodou.
42E vakaa naa goodou e denga Pharisee! Goodou e gaavange dahi diba i diba e madaangahulu o oodou mint ma rue aama mee mai i denga manu ssomo, gai e hagangadi mee de hagamodu muna heohi ma de aloha o de Maadua. E heohi donu doodou hai mee nei, gai e dee tili mee ange laa.#Lev 27.30
43E vakaa naa goodou e denga Pharisee! Goodou e llodo e nnoho i duulanga danuaa i lodo synagogue, ma de hagaboo adu o dangada gi goodou i denga mommee hagao mee.
44E vakaa naa goodou! Go hiidinga goodou e bei dagodo o denga daanunga e dee gidee laa e dangada, gai dangada e dee iloo bolo gilaadeu e seesee i olaadeu elunga.”
45Dahi dangada agoago o de hainga ne hai ange hogi gi de ia, “Tangada Agoago, koe e hagadookaa donu hogi gimaadeu i au muna!”
46Iesu ne hai ange gi de ia, “E vakaa naa hogi goodou e de gau agoago o de hainga! Goodou e hagauda ange mee daemaha gi honga o dangada, gai goodou e dee hagauda donu mee nei i dahi oodou madannia daudahi.
47E vakaa naa goodou! Goodou e hagatuu denga daanunga o denga pelaabisi a oodou dubuna madagidagi ne daa laa ga maakau. 48Gai goodou e tala hagadonu ma de hagabuni ange gi hegau a oodou dubuna madagidagi ne hai; gilaadeu ne daa ga maakau denga pelaabisi, gai goodou ne hagatuu olaadeu daanunga. 49Deenei ai, de Maadua e hagadaba i dono heiangi, ‘Au e hai naa gi hulo gi olaadeu daha denga pelaabisi ma gau tala, gai gilaadeu e daa naa hanu ga maakau gai ga vaivai hai hanu.’ 50Deenei ai, de atangada nei e hagaduasala naa hogi i hiidinga delaadeu daa ga maakau denga pelaabisi alodahi mai i taamada age de hai o henua i lalo, 51mai i dodo o Abel ga dae ai gi dodo o Zechariah, ne daa ga magau i magavaa de mommee o ssigidaumaha ma de Aabi Dabu. Ni muna abodonu aagu e hai adu nei gi goodou: de atangada nei e hagaduasala naa donu i hiidinga dodo nei.#Gen 4.8; 2 Ch 24.20-21
52E vakaa naa goodou e de gau agoago o de hainga! Go hiidinga goodou gu kave gee de gii o de iloo mee; goodou tee ulu i de nohoanga hodooligi, gai goodou e buibui hogi dangada e llodo e ulu ai!”
53De masavaa o Iesu ne sao ai e hano gee i kilaa, gai de gau sisi ma denga Pharisee ga usuusu ange ia, ma de ssili ange hanu muna lagolago e hagatale ai ia, 54gai gilaadeu ga hagabaubau ai ia.
© 2022, Wycliffe Bible Translators, Inc. All rights reserved.