Luke 12
12
De hagakana ange i dagodo o denga Pharisee
(Mat 10.26-27)
1De masavaa huu ne kona ai de soa dangada ne hagabuni mai, gai gu dee oo dangada, gai ia ga daamada de hai ange gi ana dangada agoago, “Goodou dagidiiloo goodou i mee hagahua a denga Pharisee, go delaadeu daahanga dangada.#Mat 16.6; Mark 8.15 2Mee alodahi e hagammuni e hagaago mai naa donu, aagai mee alodahi e dee iloo e hai naa donu ga iloo.#Mark 4.22; Luke 8.17 3Gai mee alodahi oodou gu tala i lo te gohu e tala naa ga langona i de maalama, gai mee alodahi oodou gu musumusu i de aabi i lodo e tala naa i tua denga hale.
Goai oodou e maatagu ai
(Mat 10.28-31)
4“Ogu soa, au e hai adu gi goodou, goodou gi dee maatagu i gilaadeu e daia ga magau de angaanga, gai muli mai gu deai ange alaadeu mee e mau i de hai. 5Aagai au e tala adu be goai e heohi doodou maatagu ai: goodou maatagu i de ia e maua i de daa gi maakau, gai muli mai e dahi ono sauaa e tili ange ai goodou gi lo te ahi. Au e hai adu gi goodou: goodou maatagu i de ia! 6E dee lua laa donu huu sseene e hagao ai e lima sparrow? Gai de Maadua e dee ngalo donu dahi gilaadeu. 7Ngaangaaulu alodahi i oodou biho gu odi i de dau. Deenei ai, goodou gi dee maatagu, i hiidinga goodou e hagamogomogo ange i denga sparrow lagolago!
De tala hagadonu Klisdo i madamada o dangada
(Mat 10.32-33; 12.32; 10.19-20)
8“Au e hai adu gi goodou, be goai e daalaa bolo ia se dangada niiogu i madamada o dangada, gai Tama a Tangada e tala naa hogi bolo ia se dangada niiona i madamada o denga dangada de langi o de Maadua. 9Aagai be goai e hagadee iloo ina au i madamada o dangada, gai au e hagadee iloo naa hogi ia i madamada o de gau de langi o de Maadua. 10Gai be goai e hagangadi mee ina Tama a Tangada i ana muna, gai de Maadua e tala donu ono haisala. Aagai be goai e hagangadi mee ina de Hagasaalunga Dabu i ana muna, gai e dee tala donu ono haisala.#Mark 3.29
11Noo gilaadeu gu kave goodou gi synagogue e hagamodu ai oodou muna i mada i mua o denga dagi ma gilaadeu iai ssauaa, gai goodou aude manavasaa i doodou hai e pasa ange ai gi gilaadeu, aabe go oodou muna e tala ange gi gilaadeu.#Mark 13.11; Luke 21.14-15 12Go hiidinga de Hagasaalunga Dabu e gaavadu naa donu gi goodou mee e heohi doodou tala i de aoaa laa donu huu.”
De mee hagasengasenga o taane lava lodo senga
13Dahi dangada i magavaa o dangada ne hai ange gi Iesu, “Tangada Agoago, hai ange gi dogu daina daane gi vaaea gimaau i mee a demaau damana.”
14Iesu ne hai ange gi de ia, “Taane nei, goai ne haia ngau gi se dangada hagamodu muna aabe se dangada e vaaea ooluu mee ma doo daina?” 15Gai ia ga hai ange gi dangada, “Goodou kana ange dagidiiloo gi dee nnoo hagamau mee goodou; go hiidinga de mouli o tangada e dee go goloa lagolago.”
16Iesu ne tala ange hogi gi dangada dahi mee hagasengasenga, ga hai ange, “De alahenua o dahi daane lava ne lagolago mmao huamanu ne hagihagi ai. 17Gai taane laa ne hagadaba i ono lodo, ‘Ni aha aagu ga hai, go hiidinga gu deai donu se mommee e doange ai agu huamanu?’
18Gai ia ga hagadaba, ‘Deenei dagu mee e hai: au e oha naa ogu hale doange gai, gai au ga hagatuu age hanu gi kii ange de nnui, gai au ga doange ai agu huamanu aama agu mee alodahi. 19Gai au ga basa iho donu huu gi de au, ga hai mai, “Gu lagolago mee ne doange e mouli ai goe i ngadau lagolago e loomai; koe gi noho baba, gaimee ma de unu ma de malangilangi.” ’
20Aagai de Maadua ga hai ange gi de ia, ‘Taane lodo senga! Aaboo nei gai au ga kave nei doo mouli, gai goai ai naa e hagadanuaa i mee aau gu hagadabena adu naa gi de goe?’
21E bei ai hogi dagodo o tangada e hagabudu ina laa ga doange goloa lagolago, gai e dee lava i mee o de Maadua.”
Goodou aude manavasaa
(Mat 6.25-34)
22Iesu ne hai ange gi ana dangada agoago, “Deenei ai, au e hai adu gi goodou, goodou aude manavasaa i oodou mouli, ma oodou mee e gai, aabe gi manavasaa i oodou angaanga, i mee oodou e kahu ai. 23De mouli o tangada e hagamogomogo ange i denga gai, gai de angaanga e hagamogomogo ange i mee e kahu ai. 24Goodou kalo ange diiloo denga raven: gilaadeu e dee doo, be hagihagi; e deai hogi olaadeu hale doange aabe ni mommee doange gai; gai de Maadua e haangai ange gilaadeu. Gai goodou e hagamogomogo ange i denga raven! 25Gai goai i oodou magavaa e maua i de hagapuni ange dahi ange aoaa e looloa ai dono mouli, i dana maanadu ga manavasaa ai? 26Noo goodou e dee maua i de hai de mee damaa mee nei, gai gu aha gu manavasaa ai naa oodou lodo i mee ange laa?
27Goodou kalo ange diiloo denga lilii: gilaadeu e dee hai hegau aabe e llanga olaadeu malo. Aagai au e hai adu gi goodou: Solomon, i dono mahamaha alodahi tee gahu hagadanuaa donu bei dagodo o dahi lilii nei.#1 Ki 10.4-7; 2 Ch 9.3-6 28Aagai noo de Maadua e hakahu denga helii, e mouli laa ailaa nei i lo te duu malaelae, gai daiao gu tili ange gi lo te ahi, gai dee hee maa naa de kii ange dana lodo e hakahu goodou — goodou e vaaligiligi oodou kai! 29Gai goodou gi dee saalaa donu oodou mee e gai ma de unu, aabe gi manavasaa oodou lodo i mee nei. 30Gai denga huaahenua alodahi e hagadee saohia ange gi mee nei alodahi, gai doodou Damana e iloo donu e ia bolo goodou e duasala i mee nei. 31Aagai goodou saalaa i mua de nohoanga hodooligi o de Maadua, gai mee nei e odi naa donu hogi i de gaavadu gi goodou.
De lava i de langi
(Mat 6.19-21)
32“Dagu hagabuulingaa ssiibi damaa mee, goodou gi dee maatagu, go hiidinga doodou Damana e malangilangi donu i de gaavadu gi goodou de nohoanga hodooligi. 33Hagao ina oodou goloa gi daha, ga gaavange sseene gi de gau hagaau aloha. Haia gi hanu oodou mee hhao sseene e dee maua laa gi pobo, go goloa hagamogomogo i de langi e dee maua laa gi odi, go de mommee a tangada gaiaa e dee humai aagena gai de goa e dee maua i de oohaa. 34Go hiidinga be go hee naa huu iai oodou goloa hagamogomogo, gai go kilaa hogi iai oodou lodo.
De gau hai hegau e kana ange ma e dagitilo
35“Goodou kahu hagadaabena ange e hai hegau ma de haula oodou laama.#Mat 25.1-13 36Goodou gi bei dagodo o de gau hai hegau e daalia laa delaadeu dangada aamua gi ahe mai i taonga hagahai bodu, gi maua ai e gilaadeu i de hhuge ange de haitoga gi de ia i de masavaa oona e humai ai ga dugidugi.#Mark 13.34-36 37E manuuia de gau hai hegau a tangada aamua e humai ga gidee bolo gilaadeu e dagitilo, i de masavaa oona e dae mai ai. Ni muna abodonu aagu e hai adu nei gi goodou, ia e gahu naa ga hagadabena ga hai gilaadeu gi hakaogao i teebele gi gaimee ai, gai ia ga gaavange alaadeu gai. 38E manuuia de gau hai hegau e nnoho laa ga dagitilo, ga dae ai gi de ahe mai o delaadeu dangada aamua, noo ia e dae mai i de lua aabe go tolu masavaa dagitilo. 39Goodou gi iloo de mee nei: noo tangada niiona de hale e iloo de masavaa o tangada gaiaa e humai ai, aagai ia e dagitilo naa ga buibui gi dee oohaa dono hale.#Mat 24.43-44 40Goodou gi haia gi paba goodou, go hiidinga Tama a Tangada e humai naa i de masavaa oodou e dee maanadu ai bolo ia e dae mai.”
Tangada e hai hegau i de mee abodonu ma tangada e deai
(Mat 24.45-51)
41 Peter ne ssili ange gi de ia, “Tagi Maolunga, koe ne tala mai naa donu huu de mee hagasengasenga naa gi gimaadeu aabe ange gi dangada alodahi?”
42Gai Tagi Maolunga ne basa ange ga hai ange, “Gai goai naa huu tangada e hai hegau i de mee abodonu gai se dagi e heiangi, go ia a dono dangada aamua e dugu ange mee alodahi i dono hale ia gi diiloo ange, gai ia ga gaavange ai gi de gau hai hegau alaadeu gai i de masavaa heohi? 43E manuuia tangada hai hegau a dono dangada aamua e gidee bolo ia gu hagassula ana muna i dono masavaa e humai ai! 44Ni muna abodonu aagu e hai adu nei gi goodou, tangada aamua e hai naa ia go tagi o ana mee alodahi. 45Aagai noo tangada hai hegau laa e hagadaba i ono lodo, ‘Dogu dangada aamua e mmule naa donu de ahe mai,’ gai ia ga daamada de daa denga daane ma haahine hai hegau ma de gaimee ga unu gu senga, 46gai tangada aamua o tangada hai hegau laa e humai naa i de laangi aana e dee maanadu ai bolo ia e humai, ma de aoaa aana e dee iloo laa. Gai ia e hagaduasala naa ia ga hai ia gi noho madali gilaadeu e dee hagadonusia.
47Tangada hai hegau e iloo laa e ia mee o dono dangada aamua e lodo ai, aagai ia e dee hagadabena ange aagena aabe e hai gi bei lodo o dono dangada aamua e hagailiili naa donu i hanonga lagolago. 48Aagai tangada e dee iloo, gai ia ga hai mee e heohi ai dono hagailiilia, e dee kona naa donu dono hagailiili. Gai be goai ne gaavange aagena mee lagolago, aagai e hai naa hogi ia gi gaavange mee lagolago. Gai tangada ne lanea mee ne gaavange gi de ia, e kii ange naa hogi de lanea mee e hai ia gi gaavange.
Iesu e vvae magavaa o dangada
(Mat 10.34-36)
49“Au ne humai e tili ange de ahi gi honga henua i lalo, gai mee naa de ahi gu lava donu i de haula! 50E dahi babudaisi oogu gu baba ange e babudaisi ai, gai au e daemaha ogu lodo ga dae ai gi de hagalava!#Mark 10.38 51Goodou e maanadu bolo au ne humai e gaamai de baba gi henua i lalo? E deai, au e hai adu gi goodou, au ne humai e vvae magavaa o dangada. 52Dua iainei gai e hagadaumee naa e dogolima dangada i dahi hale, e dogodolu e hai baasi ange naa gi e dogolua gai e dogolua ange gi e dogodolu. 53Tamana gi hai baasi ange gi dana dama daane, gai tama daane ange gi dono damana; tinana gi hai baasi ange gi dana damaa hine, gai tamaa hine ange gi dono dinana; tinana o tama daane gi hai baasi ange gi dono saulaba, gai dono saulaba gi hai baasi ange gi de ia.” #Mic 7.6
De tonu ange gi dagodo o de masavaa
(Mat 16.2-3)
54Iesu ne hai ange gi dangada soa, “De masavaa oodou e gidee ai de hagausinga gu hanage i dai, gai goodou e hagataba, ‘Gu dai pala de langi,’ gai e bei donu oodou muna. 55Aagai de masavaa oodou e gidee ai de madangi e ssau mai i ngaage gai goodou e hagataba, ‘E hagavvela naa de mee,’ gai e bei donu oodou muna. 56Goodou ni dangada e daahangadia dangada! Goodou e tonu ange gi dagodo mee o henua i lalo ma de langi, aagai goodou e dee tonu ange gi dagodo o de masavaa go iainei?
Hagaheloongoi ina ooluu magavaa ma doo hagadaumee
(Mat 5.25-26)
57“Gu aha goodou gu dee iloo ai i de hagamodu be se aha e heohi i de hai? 58Noo gu seesee gooluu ma doo hagadaumee e hulo gi de mommee hagamodu muna, gai koe hagamoolau hagaheloongoi ina ooluu magavaa i mua dooluu tae gi de mommee hagamodu muna, kana gaavange naa e ia goe gi de ia hagamodu muna, gai tangada hagamodu muna ga hai tangada hagaloosi gi dilia ange goe gi lo te hale pono. 59Au e hai adu gi de goe, koe e dee sao mai naa donu ga dae ai gi dau hagao ga odi au muli.”
© 2022, Wycliffe Bible Translators, Inc. All rights reserved.
Luke 12
12
De hagakana ange i dagodo o denga Pharisee
(Mat 10.26-27)
1De masavaa huu ne kona ai de soa dangada ne hagabuni mai, gai gu dee oo dangada, gai ia ga daamada de hai ange gi ana dangada agoago, “Goodou dagidiiloo goodou i mee hagahua a denga Pharisee, go delaadeu daahanga dangada.#Mat 16.6; Mark 8.15 2Mee alodahi e hagammuni e hagaago mai naa donu, aagai mee alodahi e dee iloo e hai naa donu ga iloo.#Mark 4.22; Luke 8.17 3Gai mee alodahi oodou gu tala i lo te gohu e tala naa ga langona i de maalama, gai mee alodahi oodou gu musumusu i de aabi i lodo e tala naa i tua denga hale.
Goai oodou e maatagu ai
(Mat 10.28-31)
4“Ogu soa, au e hai adu gi goodou, goodou gi dee maatagu i gilaadeu e daia ga magau de angaanga, gai muli mai gu deai ange alaadeu mee e mau i de hai. 5Aagai au e tala adu be goai e heohi doodou maatagu ai: goodou maatagu i de ia e maua i de daa gi maakau, gai muli mai e dahi ono sauaa e tili ange ai goodou gi lo te ahi. Au e hai adu gi goodou: goodou maatagu i de ia! 6E dee lua laa donu huu sseene e hagao ai e lima sparrow? Gai de Maadua e dee ngalo donu dahi gilaadeu. 7Ngaangaaulu alodahi i oodou biho gu odi i de dau. Deenei ai, goodou gi dee maatagu, i hiidinga goodou e hagamogomogo ange i denga sparrow lagolago!
De tala hagadonu Klisdo i madamada o dangada
(Mat 10.32-33; 12.32; 10.19-20)
8“Au e hai adu gi goodou, be goai e daalaa bolo ia se dangada niiogu i madamada o dangada, gai Tama a Tangada e tala naa hogi bolo ia se dangada niiona i madamada o denga dangada de langi o de Maadua. 9Aagai be goai e hagadee iloo ina au i madamada o dangada, gai au e hagadee iloo naa hogi ia i madamada o de gau de langi o de Maadua. 10Gai be goai e hagangadi mee ina Tama a Tangada i ana muna, gai de Maadua e tala donu ono haisala. Aagai be goai e hagangadi mee ina de Hagasaalunga Dabu i ana muna, gai e dee tala donu ono haisala.#Mark 3.29
11Noo gilaadeu gu kave goodou gi synagogue e hagamodu ai oodou muna i mada i mua o denga dagi ma gilaadeu iai ssauaa, gai goodou aude manavasaa i doodou hai e pasa ange ai gi gilaadeu, aabe go oodou muna e tala ange gi gilaadeu.#Mark 13.11; Luke 21.14-15 12Go hiidinga de Hagasaalunga Dabu e gaavadu naa donu gi goodou mee e heohi doodou tala i de aoaa laa donu huu.”
De mee hagasengasenga o taane lava lodo senga
13Dahi dangada i magavaa o dangada ne hai ange gi Iesu, “Tangada Agoago, hai ange gi dogu daina daane gi vaaea gimaau i mee a demaau damana.”
14Iesu ne hai ange gi de ia, “Taane nei, goai ne haia ngau gi se dangada hagamodu muna aabe se dangada e vaaea ooluu mee ma doo daina?” 15Gai ia ga hai ange gi dangada, “Goodou kana ange dagidiiloo gi dee nnoo hagamau mee goodou; go hiidinga de mouli o tangada e dee go goloa lagolago.”
16Iesu ne tala ange hogi gi dangada dahi mee hagasengasenga, ga hai ange, “De alahenua o dahi daane lava ne lagolago mmao huamanu ne hagihagi ai. 17Gai taane laa ne hagadaba i ono lodo, ‘Ni aha aagu ga hai, go hiidinga gu deai donu se mommee e doange ai agu huamanu?’
18Gai ia ga hagadaba, ‘Deenei dagu mee e hai: au e oha naa ogu hale doange gai, gai au ga hagatuu age hanu gi kii ange de nnui, gai au ga doange ai agu huamanu aama agu mee alodahi. 19Gai au ga basa iho donu huu gi de au, ga hai mai, “Gu lagolago mee ne doange e mouli ai goe i ngadau lagolago e loomai; koe gi noho baba, gaimee ma de unu ma de malangilangi.” ’
20Aagai de Maadua ga hai ange gi de ia, ‘Taane lodo senga! Aaboo nei gai au ga kave nei doo mouli, gai goai ai naa e hagadanuaa i mee aau gu hagadabena adu naa gi de goe?’
21E bei ai hogi dagodo o tangada e hagabudu ina laa ga doange goloa lagolago, gai e dee lava i mee o de Maadua.”
Goodou aude manavasaa
(Mat 6.25-34)
22Iesu ne hai ange gi ana dangada agoago, “Deenei ai, au e hai adu gi goodou, goodou aude manavasaa i oodou mouli, ma oodou mee e gai, aabe gi manavasaa i oodou angaanga, i mee oodou e kahu ai. 23De mouli o tangada e hagamogomogo ange i denga gai, gai de angaanga e hagamogomogo ange i mee e kahu ai. 24Goodou kalo ange diiloo denga raven: gilaadeu e dee doo, be hagihagi; e deai hogi olaadeu hale doange aabe ni mommee doange gai; gai de Maadua e haangai ange gilaadeu. Gai goodou e hagamogomogo ange i denga raven! 25Gai goai i oodou magavaa e maua i de hagapuni ange dahi ange aoaa e looloa ai dono mouli, i dana maanadu ga manavasaa ai? 26Noo goodou e dee maua i de hai de mee damaa mee nei, gai gu aha gu manavasaa ai naa oodou lodo i mee ange laa?
27Goodou kalo ange diiloo denga lilii: gilaadeu e dee hai hegau aabe e llanga olaadeu malo. Aagai au e hai adu gi goodou: Solomon, i dono mahamaha alodahi tee gahu hagadanuaa donu bei dagodo o dahi lilii nei.#1 Ki 10.4-7; 2 Ch 9.3-6 28Aagai noo de Maadua e hakahu denga helii, e mouli laa ailaa nei i lo te duu malaelae, gai daiao gu tili ange gi lo te ahi, gai dee hee maa naa de kii ange dana lodo e hakahu goodou — goodou e vaaligiligi oodou kai! 29Gai goodou gi dee saalaa donu oodou mee e gai ma de unu, aabe gi manavasaa oodou lodo i mee nei. 30Gai denga huaahenua alodahi e hagadee saohia ange gi mee nei alodahi, gai doodou Damana e iloo donu e ia bolo goodou e duasala i mee nei. 31Aagai goodou saalaa i mua de nohoanga hodooligi o de Maadua, gai mee nei e odi naa donu hogi i de gaavadu gi goodou.
De lava i de langi
(Mat 6.19-21)
32“Dagu hagabuulingaa ssiibi damaa mee, goodou gi dee maatagu, go hiidinga doodou Damana e malangilangi donu i de gaavadu gi goodou de nohoanga hodooligi. 33Hagao ina oodou goloa gi daha, ga gaavange sseene gi de gau hagaau aloha. Haia gi hanu oodou mee hhao sseene e dee maua laa gi pobo, go goloa hagamogomogo i de langi e dee maua laa gi odi, go de mommee a tangada gaiaa e dee humai aagena gai de goa e dee maua i de oohaa. 34Go hiidinga be go hee naa huu iai oodou goloa hagamogomogo, gai go kilaa hogi iai oodou lodo.
De gau hai hegau e kana ange ma e dagitilo
35“Goodou kahu hagadaabena ange e hai hegau ma de haula oodou laama.#Mat 25.1-13 36Goodou gi bei dagodo o de gau hai hegau e daalia laa delaadeu dangada aamua gi ahe mai i taonga hagahai bodu, gi maua ai e gilaadeu i de hhuge ange de haitoga gi de ia i de masavaa oona e humai ai ga dugidugi.#Mark 13.34-36 37E manuuia de gau hai hegau a tangada aamua e humai ga gidee bolo gilaadeu e dagitilo, i de masavaa oona e dae mai ai. Ni muna abodonu aagu e hai adu nei gi goodou, ia e gahu naa ga hagadabena ga hai gilaadeu gi hakaogao i teebele gi gaimee ai, gai ia ga gaavange alaadeu gai. 38E manuuia de gau hai hegau e nnoho laa ga dagitilo, ga dae ai gi de ahe mai o delaadeu dangada aamua, noo ia e dae mai i de lua aabe go tolu masavaa dagitilo. 39Goodou gi iloo de mee nei: noo tangada niiona de hale e iloo de masavaa o tangada gaiaa e humai ai, aagai ia e dagitilo naa ga buibui gi dee oohaa dono hale.#Mat 24.43-44 40Goodou gi haia gi paba goodou, go hiidinga Tama a Tangada e humai naa i de masavaa oodou e dee maanadu ai bolo ia e dae mai.”
Tangada e hai hegau i de mee abodonu ma tangada e deai
(Mat 24.45-51)
41 Peter ne ssili ange gi de ia, “Tagi Maolunga, koe ne tala mai naa donu huu de mee hagasengasenga naa gi gimaadeu aabe ange gi dangada alodahi?”
42Gai Tagi Maolunga ne basa ange ga hai ange, “Gai goai naa huu tangada e hai hegau i de mee abodonu gai se dagi e heiangi, go ia a dono dangada aamua e dugu ange mee alodahi i dono hale ia gi diiloo ange, gai ia ga gaavange ai gi de gau hai hegau alaadeu gai i de masavaa heohi? 43E manuuia tangada hai hegau a dono dangada aamua e gidee bolo ia gu hagassula ana muna i dono masavaa e humai ai! 44Ni muna abodonu aagu e hai adu nei gi goodou, tangada aamua e hai naa ia go tagi o ana mee alodahi. 45Aagai noo tangada hai hegau laa e hagadaba i ono lodo, ‘Dogu dangada aamua e mmule naa donu de ahe mai,’ gai ia ga daamada de daa denga daane ma haahine hai hegau ma de gaimee ga unu gu senga, 46gai tangada aamua o tangada hai hegau laa e humai naa i de laangi aana e dee maanadu ai bolo ia e humai, ma de aoaa aana e dee iloo laa. Gai ia e hagaduasala naa ia ga hai ia gi noho madali gilaadeu e dee hagadonusia.
47Tangada hai hegau e iloo laa e ia mee o dono dangada aamua e lodo ai, aagai ia e dee hagadabena ange aagena aabe e hai gi bei lodo o dono dangada aamua e hagailiili naa donu i hanonga lagolago. 48Aagai tangada e dee iloo, gai ia ga hai mee e heohi ai dono hagailiilia, e dee kona naa donu dono hagailiili. Gai be goai ne gaavange aagena mee lagolago, aagai e hai naa hogi ia gi gaavange mee lagolago. Gai tangada ne lanea mee ne gaavange gi de ia, e kii ange naa hogi de lanea mee e hai ia gi gaavange.
Iesu e vvae magavaa o dangada
(Mat 10.34-36)
49“Au ne humai e tili ange de ahi gi honga henua i lalo, gai mee naa de ahi gu lava donu i de haula! 50E dahi babudaisi oogu gu baba ange e babudaisi ai, gai au e daemaha ogu lodo ga dae ai gi de hagalava!#Mark 10.38 51Goodou e maanadu bolo au ne humai e gaamai de baba gi henua i lalo? E deai, au e hai adu gi goodou, au ne humai e vvae magavaa o dangada. 52Dua iainei gai e hagadaumee naa e dogolima dangada i dahi hale, e dogodolu e hai baasi ange naa gi e dogolua gai e dogolua ange gi e dogodolu. 53Tamana gi hai baasi ange gi dana dama daane, gai tama daane ange gi dono damana; tinana gi hai baasi ange gi dana damaa hine, gai tamaa hine ange gi dono dinana; tinana o tama daane gi hai baasi ange gi dono saulaba, gai dono saulaba gi hai baasi ange gi de ia.” #Mic 7.6
De tonu ange gi dagodo o de masavaa
(Mat 16.2-3)
54Iesu ne hai ange gi dangada soa, “De masavaa oodou e gidee ai de hagausinga gu hanage i dai, gai goodou e hagataba, ‘Gu dai pala de langi,’ gai e bei donu oodou muna. 55Aagai de masavaa oodou e gidee ai de madangi e ssau mai i ngaage gai goodou e hagataba, ‘E hagavvela naa de mee,’ gai e bei donu oodou muna. 56Goodou ni dangada e daahangadia dangada! Goodou e tonu ange gi dagodo mee o henua i lalo ma de langi, aagai goodou e dee tonu ange gi dagodo o de masavaa go iainei?
Hagaheloongoi ina ooluu magavaa ma doo hagadaumee
(Mat 5.25-26)
57“Gu aha goodou gu dee iloo ai i de hagamodu be se aha e heohi i de hai? 58Noo gu seesee gooluu ma doo hagadaumee e hulo gi de mommee hagamodu muna, gai koe hagamoolau hagaheloongoi ina ooluu magavaa i mua dooluu tae gi de mommee hagamodu muna, kana gaavange naa e ia goe gi de ia hagamodu muna, gai tangada hagamodu muna ga hai tangada hagaloosi gi dilia ange goe gi lo te hale pono. 59Au e hai adu gi de goe, koe e dee sao mai naa donu ga dae ai gi dau hagao ga odi au muli.”
© 2022, Wycliffe Bible Translators, Inc. All rights reserved.