GÉNESIS 1
1
Mbaembae Tumpa oyapo iyɨpɨ ete pe vae
1Iyɨpɨ ete pe Tumpa oyapo ara jare ɨvɨ. 2Jare ɨvɨ ndeiño oyekuaa kavi jare ipombae oiko. Pɨtumimbi ɨvɨ iárambo rupi jare Tumpa iEspíritu omɨi ɨguasu iárambo rupi.
3Jare Tumpa jei: “¡Toiko tembipe!”#2 Co 4.6. #Jn 1.1-3.
Jare oiko tembipe. 4Jare Tumpa oecha tembipe ikavi yae; Tumpa omboyao tembipe pɨtumimbi güi. 5Jare ombojee jókuae tembipe “ara”. Jare ombojee jókuae pɨtumimbi “pɨ̈tu”. Jökorai pɨ̈tu jare ara, jae ko tenondegua ara pe.
6Jaɨkue rupi Tumpa jei: “Toiko ara oasavi vae ɨ ipäu pe, omboyao vaerä ɨ reta oyougüi.” 7Jare Tumpa oyapo ara oasavi vae, jare omboyao ɨ, ara oasavi vae igüɨ pe ñogüɨnoi vae, ɨ amapɨtu ara oasavi vae re ñogüɨnoi vae güi.
Jare oiko jökorai. 8Tumpa oenɨi jókuae oasavi vae “ara”.#2 P 3.5. Jökorai ou pɨ̈tu jare ara, jae ko mokoía ara pe.
9Jei vi körai Tumpa: “Toyemboatɨ ɨ reta ara igüɨ pe oï vae meteia peño, jare toyekuaa otini vae.”
Jare oiko jökorai. 10Tumpa ombojee jókuae otini vae “ɨvɨ” jare ɨ yatɨ vae ombojee “ɨguasu reta”.
Jare oecha ikavi yae ko. 11Jaɨkue rupi Tumpa jei: “Ɨvɨ tomoñemuña ñana jokɨ vae, temitɨ jäɨ vae reta; ɨvɨra ia vae, metei ñavo ambuaeyee ia oyougüi vae: Jare toï ia iyɨvɨte pe jäɨ, ɨvɨ iárambo.”
Jare oiko jökorai. 12Jare ɨvɨ omoñemuña opaete ñana jokɨ vae, jare temitɨ ñavo ñavo ambuaeyee ia jare jäɨ vae, güɨnoi ia iyɨvɨte pe jäɨ vae. Jare oecha ikavi yae ko. 13Jökorai ou pɨ̈tu jare ara, jae ko mboapɨa ara pe.
14Javoi Tumpa jei: “Toime omoembipe vae reta ara oasavi vae re. Omboyao vaerä ara pɨ̈tu güi; jökorai ipuere vaerä oyepapa ara reta jare año reta, iroɨ jare araku iara. 15Jökorai omoembipe reta vaerä ɨvate ara oasavi vae güi ɨvɨ kotɨ.”
Jare oiko jökorai. 16Tumpa oyapo jókuae mókoi tuichagüe omoembipe vae reta; jókuae tuicha yae vae, omoembipe vaerä ara pe. Jókuae michi äve vae, omoembipe vaerä pɨ̈tu yave. Oyapo vi yasɨtata reta. 17Jökorai Tumpa oñono ara oasavi vae re, omoembipe reta vaerä ɨvate güi ɨvɨ iárambo. 18Jare omoembipe reta vaerä ara pe jare pɨ̈tu yave. Jare omboyao vaerä tembipe pɨtumimbi güi. Jare oecha ikavi yae ko. 19Jökorai ou pɨ̈tu jare ara, jae ko irundɨa ara pe.
20Tumpa jei: “Tomoñemuña ɨ mbaembae oikove vae reta, jare güɨra reta oveve ɨvɨ iárambo rupi vae, ara oasavi vae rupi.”
21Jare Tumpa oyapo mbaemɨmba tuichagüe ɨ rupigua reta. Jare opaete oikove vae jare omɨi vae, ɨ omoñemuña opaete ambuaeyee metei ñavo ñavo ïru reta güi vae. Jaeramiño vi opaete güɨra ambuaeyee ye oyougüi vae.
Jare oecha ikavi yae ko. 22Jare iporerekua jese reta, jei körai: “Peñemuña jeta jare pemotɨnɨe ɨguasu. Güɨra reta, peñemuña jeta kuae ɨvɨ iárambo.”
23Jökorai ou pɨ̈tu jare ara, jae ko pandepoa ara pe.
24Tumpa jei: “Tomoñemuña ɨvɨ mbae oikove vae reta ñavo ñavo ambuaeyee vae: Mbaemɨmba reta tëta rupigua jare ñana rupigua, jare opaete ïru mɨmba ɨvɨ iárambo omɨi vae.”
Jare oiko jökorai. 25Körai Tumpa oyapo opaete kuae mɨmba reta. Jare oecha ikavi yae ko.
26Jayave Tumpa jei: “Yayapo kuimbae yande rami,#1 Co 11.7. togüɨnoi mbaepuere jevae reta ɨguasu rupigua re, güɨra reta re, mbaemɨmba reta ɨvɨ pegua re, jare opaete mɨmba reta ipɨtía re oguata vae re.”
27Tumpa oyapo kuimbae jae rami
kuimbae jare kuña oyapo.#Mt 19.4; Mc 10.6.
28Jare iporerekua jese reta;#Gn 5.1-2. jei chupe reta:
“Peñemuña jare pemotɨnɨe jare peiporu ɨvɨ;
peyangareko jare penoi mbaepuere jevae reta ɨ rupigua re,
güɨra reta re,
jare opaete mbaemɨmba reta omɨi ɨvɨ rupi vae re.”
29Jare Tumpa jei: “Ko amee peve opaete temitɨ oime jäɨ vae, ɨvɨ re oï vae. Jare opaete ɨvɨra ia vae jare oime jäɨ vae; amee peve perembiurä. 30Jare opaete mɨmba ɨvɨ pegua reta, jare güɨra reta, jare opaete ɨvɨ iárambo oime jekove vae, ñana togüɨreko jembiurä.”
Jare oiko jökorai. 31Tumpa omae opaete oyapogüe re, oecha ikavi yae ete jembiapo reta. Jökorai ou pɨ̈tu jare ara, jae ko ovaa ara pe.
Biblia DC Guaraní Bolivia © Bolivian Bible Society, 2001.