Arabic, North Levantine Spoken: العامية اللبنانية بالقافية (Portions)

العامية اللبنانية بالقافية

ودعا النبي يونس (عليه السلام) ربّه من بطن الحوت وقال:
"اللهمّ يا حيّ يا قيّوم
ربّي منّي قريب، ولدعوتي مُجيب!
رمَيتني يا ربّ العالمين
لإنّي كنت من الظالمين
فكَّرت إنَّك عم تعاقبني لأنَّي عصيت أمرَك!
سألت حالي كيف بقدَر إرجع لعندَك،
بعد ما فكَّرت إنّك بعَّدتني عنَّك
بلعني البحر وخنقتني الميّ وكنت متت أبشع موتة!
واندفنت بقاعه، لكنَّك خلَّصتني وسمعت صوتي!
استجبت لدعائي وأنا عم بستجير فيك يا حنّان،
لمّا حفظتني بأحسن مكان
يا ربّ أنا حزين عكلّ يلّي بيعبدوا الأوثان،
وبيتخلّوا عنّك يا الله يا رحمان
أمّا أنا رح قدّملَك الأضاحي
يلّي بقدرتك كلّ ذنوبي ماحي،
بشكرك خلّصتني،
وغير طير بدربَك مش رح يرفّ جناحي".
وبعد كمّ يوم أمر ربّ الأكوان
الحوت يرمي يونس عشطّ الأمان.

Lalela قصة النبي يونس 2