Amavesi eBhayibheli adumile avela kokuthi Luka 7

Dlulisela

Epo nkokweba ukuti pamulandu wakuti alintemenwe ukwinekantu, amabifyo akwe nangu apakile shani, anakililwa. Nomba umuntu uyo banakilila apanini, eukotemwa panini.” Yesu asosele kumwanakashi ngulya ati, “Amabifyo obe anakililwa.”

Nomba Yesu aebele umwanakashi ati, “Ukuchetekela kobe kwakupulusha. Endelapo umutende.”

Alishile nokwimakana kunuma yaku Yesu kumakasa, akolila nokuponya iminsoshi pamakasa aku Yesu. Elo nokuasumuna nemishishi yakwe. Nakambi alifyomfyontele amakasa aku Yesu nokuasuba namafuta.

Echo nshimwene uulingile ukwisa kuli mwe. Nomba soseni bwaka ishiwi, umubomfi wanji akupola. Pakuti nandibo ndikwete isambu ishafuma kubakulu banchito. Elo ndikwete abashilikali abo ntungulula. Njeba kuli ngu, ‘Koya!’ naye kaya, nakuli umbi, ‘Isa!’ naye kaisa. Nakumupyungi wanji, ‘chita nchi!’ naye kachita.” Yesu alishimbilwe pakumfwa nchi. Apilibukile kwibumba ilyamukonkele nokusosa ati, “Nkomweba nati, tanshabala nsangapo ichichetekelo ichaba mfi nangu nimubena Isilaeli!”

Panshita yenka njilya, Yesu alikuposeshe abantu abenji kumalwele nakumyalu nambalya abali nemipashi iibi, nempofu nasho shalikubona. Elo ayasukile abatuminwe ati, “Bwelelenimo mukamushimikileko Yohane ifyo mwabona nokumfwa: impofu shikobona, abalemana bakoyenda, abafyona bakopola, bankoma-matwi bakoumfwa, abafwa nabo bakobuka, nabachula bakoshimikilwa Ubutumi Bwawama.