Amavesi eBhayibheli adumile avela kokuthi Yohanes 17

Dlulisela

Hat hane egetek iti, ebe weneat. Nen, hane ebe wene iti baga, it inebe hat hekarek hasigat dogoak nen wenago 'bisan o.

It akhuni nen, Allah hogorasusak ebe meke arlik-arlegat motok welagarek, iluk, hebe inilu ageik, nen an Yesus Kristus la'ani agaginmo wagagi meke yi nebe inilu ageik, hagariogei iti re, iniluk motok welageikharek erlo itiat o.

Nopase. It iti inarligat hasik anek sembayan ekhe lagei 'buk. Dek o. It aperek ninat meke, it nen wene yakulisa lugun oba inetaiken an noba hakotdugun meke inomat inobasik sembayan ekhe lagei o. Nopase. An nen kino yokhekhe lagei yi, men iluk. An nen nopase hat nipisak hunik, nen, nopase hat nen an nipisak hunik, welagorek iti hak, it itithogonat inebe tha'bokhogonat opakiat dogoagaluk kino yokhekhe lagei o. Itithogon werekma, it akhuni agat oba meke nen, ekhe dogolik, At he, opase nenat la'i ageikhe iti eberogonat, iluk hutduagaluk, it inebe nit ninom hunigat dogouok o.

Hat nen, it akhuni agat oba meke inakla nen it anek kigilogo woginabinok nen iluk kino yokhekhe lagei 'buk. At weak meke etnogo nen weagarinabigiluk inoba wagunem, hat nen therisik dogonok nen iluk yokhekhe lagei o.

Nit ninebe opakiat welagorek iti hak, it itithogonat inebe opakiat dogoagaluk, an nebe hat nen kogotdanhigin hak, an nen it arat kogotdisigi o. It eberogonat inebe opakiat dogoak nen, it nen an ninom hunik, nen hat nen an nipisak hunik dogouok o. Itithogon dogogun halok, it akhuni agat oba meke nen ekhe dogolik, At he, opase nen la'i ageikhesik ebe etaiken hunik welagarek iti hak, it inebe at wogokhikhe meke etaiken hunik welagarek o, iluk inilu atluk hutdugun.