Amavesi eBhayibheli adumile avela kokuthi Luka 14

Dlulisela

“Umvwe muntu waiya kwi amiwa kwakubula kushikwa bashanji ne bainanji ne, ne mukazhi ne baana ne, ne balongo ne banyenga yanji, ee kine ne mweo wanji ne, kechi wakonsha kwikala ke mwanami wabwanga ne.

Awa wabula kusenda musalabu wanji mwine ne kundondela amiwa ne, kechi wakonsha kwikala ke mwana wabwanga ne.

Mambo yense witumbijika ukapelulwa, ne yewa wipelula ukatumbijikwa.”

Byonkabyo, awa wa mwi anweba wabula kuleka byonse byo aji naabyo kechi wakonsha kwikala ke mwanami wabwanga ne.”

“Mambo ng'anyi mwi anweba, wasaka kushimika kyamba, ubula kwikala panshi ne kubajila jimo mali akataikilapo, kana uji nao a kwikipwisha nyi? Kuchiina amba, byo apwisha kwala kitendekesho wakankalwa kupwisha, ne bonse pa kwikimona bakatatula kumuseka, amba, ‘Uno muntu watatwile kushimika bino wakankalwa kupwisha.’”

Bino pa kuteeka kijiilo, itai balanda, balemana, basunkuta ne bampofu, ne anweba mukatokwa, mambo abo kechi baji nabyo bakemubwezhezha ne. Ba kemubwezhezhabyo mu lusanguko lwa baoloka.”

“Mukele wawama, bino inge mukele wa aluka ke wasamuka, ukamubwezha byepi mu bu mukele bwanji? Kechi wawama kubiika mu mushiji nangwa kwikala mbolesha ne. Ke bya kutayatu. Uji na matwi a kumvwa, omvwe!”