Amavesi eBhayibheli adumile avela kokuthi Génesis 21

Dlulisela

Jeobaanö Sara a bayeliblaleyoluma, a nowa lä tano weinaja showawä. A wa̦ nö wäo balöo ja, a lä cuno weinaja, tä cublaliyoma. Bei ijilubö e cuquema.

Ijilu a ö̦cöö juobä ja, Yai Bada tänö ö̦jö a wa̦ ca̦i ji̦liledayoma. A wa̦ fa ji̦lilänö, fedu jamö culanö Yai Bada etä a̦ a̦jele bädaliyoma. Acala nija, abinaja a cudaliyoma. —¿Wedi tä tawä, Acala? A quili dijä. Quijamö ijilu a wa̦ lä cule, Yai Bada tänö a wa̦ ji̦liaö malä waiquile. Bei. Ijilufä wa jocäa fa co̦lönö, a bufi da lojodomabo. Cama nodiwä ya ebä nia bälöa malä lojodomabou wei —a cuma.

Sara a fa shibönabölönö, Ablaamö a wa̦lobada ma waiquii ma cui, a ijilubö cublou fe yadilayoma. Yai Bada tänö tä a̦ wäaö däjä, a nowa taö lä dodijiono weinaja, ö̦jö däjä showawä, Saranö bei ijilubö e tablalema.

Abinaja Sara a cuma. —Ya bufi doblalanö ya i̦cablalobä, Yai Bada tänö wale dobälema. Wale a̦fa ji̦liaöje ja, bä bluca ca̦i i̦cablalou mö feduo wä —a cuma.

A bufi ma jo̦lijiblaliyono wei ma cui, abinaja Yai Bada tänö Ablaamö a nowa tama. —Ijilu a ja, a bufi jalujo dijä. Wafäcö nosie juamobä wafä a suwä lä tabole a ja, a bufi ca̦i jalujo dijä. Sara a lä cuu wei wa wa̦ nia juaö. Afä ya bä a̦fa nodiwä bluca lä wäyäno wei, ijilufä Isaacö nija bä nia lä nodiblou wei, ya ebä a̦fa yai malä wäyäno wei.

Wafä a suwä lä tabole bä ijilubö lä cui, ya ca̦i bayeliblaö mö feduo weicätä. Afä a li yalo, cama nodiwä ya ebä fa balamalönö, ya ebä nia bälöa lojodoo yaimabou mö feduo —a nowa tama.