Amavesi eBhayibheli adumile avela kokuthi Zã 17

Dlulisela

Kɩt-y tɩ yãmb sɩdã kɩt tɩ b welg toor yãmb yĩnga. Yaa yãmb goamã la sɩdã.

La vɩɩm sẽn kõn sa wã yaa tɩ nebã na bãng yãmb sẽn ya y yen, n ya sɩd Wẽnnaamã, la b bãng a Zezi Kirist, yãmb sẽn tʋm a soabã.

Ka bãmb yĩng bal la mam pʋʋsd ye. Yaa neb nins sẽn na tẽ maam bãmb goam yĩngã yĩng me, tɩ bãmb fãa na lebg yembre, wa yãmba, m ba sẽn be mam pʋgẽ, tɩ mam be yãmb pʋgẽ wã. Bɩ bãmb me lebg yembr tõnd pʋgẽ, tɩ dũni nebã na tẽ tɩ yaa yãmb n tʋm maam.

Mam ka kot yãmb tɩ y yiis-b dũni ye, la yaa tɩ yãmb na gũ-b ne wẽng soabã.

La mam kõo bãmb ziir ning yãmb sẽn kõ maamã, tɩ bãmb na lebg yembr wa tõnd sẽn ya yembrã, tɩ mam be bãmb pʋgẽ, tɩ yãmb be mam pʋgẽ, tɩ b na lebg yembr fasɩ, la tɩ dũni neb na bãng tɩ yaa yãmb n tʋm maam, la tɩ yãmb nonga bãmb wa yãmb sẽn nong maamã.