Amavesi eBhayibheli adumile avela kokuthi Luku 17

Dlulisela

Aonu, gnafa teuna mae Jisas ne cheke eghu ka mana, “Kegra haghe tei nou. Iagho kela keli fapulo naugna iagho ne fatutuani ghau iara.”

Te eꞌei kmana puhi diꞌa mana ranghi nigho fitu fata kaisei narane, eghuteuna fitu fata mei cheke eghu ka iagho, ‘Ghema, iara kela tughu nagnafahi’ teuna, iagho hata fadelei nakhibogna mana re.”

Kaisei mae ka mare, kate filoni mana teke salhu thinigna na, mana neke pulo mei ka mae Jisas, eha balu kilo fnaknoni God. Mana mei ne tuturupuku ke ulugna mae Jisas ne tegio ka mana. Mae igne theome mae Jiu, nu mae gna Samaria.

Eghume, filo fakeli ghami themi ka unha te edi ghotilo re. “Jame kaisei mae kheramu iagho eni kaisei glepo te diꞌa ranghi nigho iagho, iagho cheke faheta ranghini mana eigna najafra igne. Eghuteuna te tughu mana gaoghathogna na, iagho hata fadelei nakhibogna na.

Mae Jisas ne ghusna eghu ka mana, “Neke nabotho mae si teke salhu ra, aheva si keha nhevai ra?

Mae Jisas ne cheke eghu ka mare, “Neubane ikoi fara nomi fatutuani ka God na ne jateula sisi gaju mastad neu, ghotilo tangomana te cheke eghu ka gaju biꞌo na, ‘Krathu balu glathimu tei kegra ka thongna gno’ teu ghotilo na, gaju biꞌo tuana ginauna leghuni unha te chekeni ghotilo na.

Eghume jateula tuana eghu, jame ihei te magnahaghei fakarhini kolho nakarhagna thegna na, mana ginauna jojokei thofno nakarha na, nu mae ihei te snakreni karhagna na, ginauna na hatini thofno nakarha na.

Kaisei narane mae Jisas ne cheke eghu ka nogna mae fanomhore, “Naikno te goigonidi nagnafami ghotilo re ginauna mei. Nu ihei te edi ka ghotilo glepo igre, God ginauna fatedi mare. Mae ihei te batu fadiꞌani kaisei sua kate fatutuani ghau iara igre nabagna na haru kaisei thina biꞌo ka graragna na mala faknoknoho ka nhorora gno. Tutuani, jame te eghu mana na, puhi igne ke keli fara uluni God te parani mana ginauna, naugna mana neke batu fadiꞌani sua ikoi tuana.

“Kate mei iara na, ginauna jateula teke eni ka narane gna mae Noa tifa ia eghu. Filo si ghotilo ka narane gna mae Noa ia, naiknore neke ima ghedi, koꞌu ghedi nei tolaghi nodi neku kolho neke ghilei thokei thofno narane te saghe mae Noa ka vaka na. Aonu, nabritha na mei ne kafe falelehedi naiknore.