Amavesi eBhayibheli adumile avela kokuthi Matthäus 5

Dlulisela

Uk tjent em niin Läägt ön, om-t önder en Skääpstenk tö säten, mar üp en Stander, om dat alle Lid ön-t Hüs Läägt diärvan hå. Sa let ju Läägt skiin foar di Mensken, dat ja ju gud Dåden sé, en ju Våder ön Hemmel prise.

I sen dit Läägt foar di Warld. Hat kjen di Stad, diär üp en Bârig liidt, ek forborgen bliiw.

Selig sen danen, diär en riin Hart hå, ja kjen fri âplukke tö Gott.

Selig sen danen, diär hungrig en törstig sen eter Rogtfardigheid, ja skel nog sat ud.

Mar ik si ju: Hå ju Finder lew; segne danen, diär üp ju flök; dö danen Gud, diär ju håte; en bödige foar danen, diär om ju skrei en ju forfölge.

“Sēlig sen di geistlig Armen, for dit Hemmelrik es jaar.

Selig sen di Freedsåmen, ja skel Gotts Biärner näämt ud.

Selig sen danen, diär Sörrig hå, for ja skel nog tröstet ūd.

Selig sen danen, diär foar jaar Rogtfardigheid lid mut, for dit Hemmelrik es jaar.

Selig sen di Barmhartigen, for jam skel nog Barmhartigheid töwäänt ud.

Selig sen I, wan di Mensken ju om min Wel beskempe en forfölge, en allerlei Arigs van ju âplöög. Wiis blid en frügge ju fan Harten, for ju Loan wel gurt wiis ön Hemmel. Alliksa hå ja di Profeten forfölgt, diär voar ju wessen hå.

Selig sen di Gudårtigen, for ja skel dit Lönd arwe.

I sen dit Sålt foar di Öörd. Mar wan dit Sålt småkloas ud, hurme skel em da sålte? Hat doogt firder nöndt, üs dat et wegsmetten, en van di Lid tötrat ud.

Diärom skel I volkommen wiis, alliksa üs ju Våder ön Hemmel volkommen es.

Mar let ju Uurden Jå, jå! Nån, Nån wiis. Wat er aur es, dit es wat Arigs.

I hå hjert, dat er said uden es: Oog om Oog, en Ted om Ted. Mar ik si ju: I skel ju ek apsäät tögen di Krakelers; mar wanđ-ner di hokken slaid üp di rogt Sjak, da hoald höm uk di Üder hen.

Argert din rogt Oog di, da riiw-t üt, en smit et weg van di. For hat es bēter foar di, dat er jen van din Leden forlesen geid, üs dat di din hile Lif ön di Hel smetten ud. Argert din rogt Hunđ di, da hau en of, en smit en van di. For hat es bēter, dat er jen van din Lēden forlesen geid, üs dat din hile Likhäm ön di Hel fart.