Amavesi eBhayibheli adumile avela kokuthi Lǔka 4

Dlulisela

“Běcǎdû̌ Yôla Plò̌shǐ ô̌ dǒ hekû, ma̤titè̌hî̌dě a rû̌htò̌ he kû̌ he gǔ shôbǐǐ bǎ kòyò pwa̤shèwè̤phû̌ tokhlǒ kû̌ ta̤sǎlě̤we̤kènu hǒ. Kòyò dǒ a pṳ̂̌ dǒlò̤tě̤ lû̌û dǒ apô̤kû tokhlǒ gǔ nǐ̤bǎ ta̤hǎplǎge aya, kòyò dǒ a mǐ̤sǎkhǐ tokhlǒ gǔ mǐ̤sǎlî sô̌ aya, kû̌ kòyò dǒ a ma̤jî̌ma̤jû̌ lû̌û tokhlǒ gǔ nǐ̤bǎ ta̤hǎplǎge ayanu a nohè he dǒ he gǔ shôbǐǐ bǎ asî hǒ. Kǎtô̤̌ Cǒmara nohè he dǒ he gǔ shôbǐǐ dǔsî̌ya bǎ kòyò kû̌ Běcǎ gǔ ma̤hǎplǎge ǐtûû̌ a kòyò nu ashěakhǎ hètǒ̤hǒ.”

Yeshǔ hî̌shěshu lû̌û kû̌, “Cǒmara alě̤ayô̤̌ hî̌ pô̤̌o, ‘cabahtò̌ pwǎtǒ̤ na Běcǎ Cǒmara dě ma̤pwǎtǒ̤ ata̤ma̤ pwǎ nî̌,’” a hî̌ pô̤̌nu.

Dě Yeshǔ hî̌shěshu a kû̌, “Cǒmara alě̤ayô̤̌ hî̌ kû̌, ‘kòyòhǎkhû̌phû̌ htûpwa̤ kû̌ shǎǎshǎônu mè̤̌tô̤̌.’”

Bǎ Běcǎ Yeshǔ ô̌ dǒ Jòda shilô̤̌mǒ̤ dě a ge akhanu, a lǒbe kû̌ Yôla Plò̌shǐ Běcǎ. Dě Yôla Plò̌shǐ Běcǎ ô̌cu kû̌ lû̌û dě a sûcû̌ lû̌û dǒ lǒ̤mî̌shô̌kla.

Bǎbǎkǎlè Yeshǔ hî̌shěshu lû̌û kû̌, “Cǒmara alě̤ayô̤̌ hî̌ kû̌, ‘na bǎ tili̤tôlô̌ na Běcǎ Cǒmara tô̤̌.’”

Bǎ hǎkhû̌tana tili̤tôlô̌pṳ̂̌ htobò Běcǎ Yeshǔ akhanu, hǎkhû̌tana hǎhtò̌cû̌ tephekè kû̌ Yeshǔ tashò̌phû̌nô̤̌ dě a ô̌pô̤̌kè̌ pô̤̌ dǒ ashěakhǎ wô̌ dǒ a gǔ lô̌ǐ sô̌ lû̌û tôplǎ.

Htodě hǎkhû̌tana kaǎcû̌ Yeshǔ dǒ gûlǎ̤htò̌yô̤̌ tûkû dě a dǔlè̌lṳ̌bò lû̌û kû̌ shigǎ pṳ̂̌tôgǎ dǒ a ô̌ bǎ hǎkhû̌ tôběbò. Hǎkhû̌tana hî̌ a kû̌, “lǒ̤꤮ bò ta̤siwi̤sòwò̤ nutokhlǒ kû̌ ta̤lîta̤kakha nutokhlǒ nî̌, he gǔ ǐ kû̌ na pě. Lǒ̤bò hǒotokhlǒ numî̌ a ô̌ bò dǒ he cǔdekû hǒ, he gǔ ǐ kòyò dǒ he sǎyṳ ǐ yǎ nutokhlǒ pě. Pô̤̌nudě kè̌ na cabahtò̌ he kè̌hî̌dě, lǒ̤꤮ bò hǒtokhlǒ nî̌ he gǔ ǐbò kû̌ na pě.” Yeshǔ hî̌shěshu lû̌û kû̌, “Cǒmara alě̤ayô̤̌ hî̌ pô̤̌o, ‘cabahtò̌ pwǎtǒ̤ na Běcǎ Cǒmara dě ma̤pwǎtǒ̤ ata̤ma̤ pwǎ nî̌,’” a hî̌ pô̤̌nu.

Htodě hǎkhû̌tana kaǎcû̌ lû̌û dǒ Wî̤̌yarǔshôle dě a no ihtǒô̌ lû̌û dǒ ta̤lṳhtò̌hô a khû̌ dǒ a htò̌yô̤̌lǒ tôtô̤̌ dě a hî̌ lû̌û kû̌, “Na mî̌ Cǒmara aphû̌khû tôpwa̤ kè̌hî̌dě pě̤lò̤tě̤ mò̌! Ma̤titèhî̌dě, Cǒmara alě̤ayô̤̌ hî̌ kû̌, ‘Cǒmara no kè̌pǒ̤ǐ tègè̌tôgôǐ na kû̌ a mǒkhû̌ tanaphû̌ tokhlǒ pě.’ Kǎtô̤̌ a hî̌ pô̤̌ kû̌, ‘pô̤̌khô na khò̌lôpô̤̌ gǔ bǎsha kû̌ lǒ̤ tô̤̌nu asî gǔ phô̌htò̌shěshu na pě.’” Bǎbǎkǎlè Yeshǔ hî̌shěshu lû̌û kû̌, “Cǒmara alě̤ayô̤̌ hî̌ kû̌, ‘na bǎ tili̤tôlô̌ na Běcǎ Cǒmara tô̤̌.’”