Yoane 2
2
1NDA mbile e’isato, baolamb’elambo ea bolongai nda Kana ea Ngalilaya: ko nyango ea Yesu aki eko: 2ko baoleta Yesu l’akimi’akande nd’elambo eko. 3Ko aki vina okucwa, nyango ea Yesu aolokela, Bafa la vina mo! 4Ko Yesu aolokela, Bomoto, emi la we tole mo? Ekeke ekami etafiela. 5Nyango ekae aokela bakambi, Joi nko loswele li end’osangel’inyo lokela ngoko. 6Koko mpoke y’inene ya bikenje botoa ikemi eko ncina e’elenge ea Ba-Yuda ea mpetola, wengi mpoke ikeji la litres ntuk’inei. 7Yesu aolakela, Loyoza mpoke l’asi to. Ko baoyoz’iko to. 8Ko aolakela, Lotokol’aeyoko, ko lotomb’ele wesanyi ow’elambo. 9Ko baotomba. Ko aki wesanyi ow’elambo omekaka basi bafaningwaki vina, ko ntea lim’eki vina oyaka, (lolo bakambi batokolaki basi baolea), wesanyi ow’elambo aoleta wengi owa waji, 10ko aolokela, Wengi’onto ambezak’anto nda joso vina e’olotsi, ko ae banto omel’ouke, mpanga aambez’eko efolotsi: lolo we ofonga vina e’olotsi elaka nk’aeyoko. 11Yesu aokela lotaza lone lokae ja joso nda Kana ea Ngalilaya, ko aoleneya jilangi likae, koko bakimi’akande baoloimeza.
12Nd’afeka ba baoyi’ako aokitela nda Kapalanauma, ende la nyango ekande, l’akune ko la bakimi akande. Ko baoyal’eko betso beuke.
13Koko elambo e’Efendelo ea Ba-Yuda eotutama, ko Yesu aocwa nda Yelusalema. 14Koko aotana nd’ilombe ya Nzakomba iy’atekyaki ngombo, la mpate, la bimbenga, l’iy’aenzanyaki francs bakit’ase nk’eko: 15ko aokela boambo w’okulu, aolaoz’iy’auma lim’ilombe ya Nzakomba, la mpate, la ngombo, ko aofanzola francs, ko aokalimola mesa ikiyo bandenzanyaki francs: 16ko aokel’iy’atekyaka bimbenga, Limola bine lim’ane: talokelake ilombe ya Fafa ekami ilombe y’aoka. 17Bakimi bakae baolofwa wae joi jokotama, Mposa ea mpia e’ilombe ikawe eonsiza. 18Ba-Yuda baolamba, baolokela, Lotaza loe w’oteneya na? ele w’okela baoyi’ane. 19Yesu aolamba, aolakela, Lofit’ilomb’ine ya Nzakomba, ko mpanga njemy’iko nd’embil’esato. 20Nd’ewel’eko, Ba-Yuda baokela, Etongelo e’ilomb’ine eki années ntuku inei l’années botoa, ko we wifutoemya nd’embil’esato nde? 21Lolo aotefela la ncina ea ilombe ikae y’oeko wae jonge likae mongo: 22koko aki’nd’oetswaka lim’ele bawei, bakimi bakae baolofwa wete atefelaki joi line, ko baolimeza bikotelo bia Nzakomba ko la joi liki Yesu otefelaka.
23Koko aki’nde nda Yelusalema nd’elambo e’Efendelo bouke w’anto baolimeza nda lina likae, ek’iy’oenaka ntaza iki’nd’okelaka. 24Lolo Yesu ntimeza wae il’otema el’lyo: eki’nd’oeaka bant’auma, 25ko ntela bosangi wae osangel’ende elenge e’onto, nd’ewela eki’nde mongo oeaka betema be’anto.
Okuqokiwe okwamanje:
Yoane 2: NTMN58
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Bonkanda Wa Nzakomba W’aeyoko © Aliiance Biblique de la RD Congo, 1958.