JENESIS 2
2
1Bad kumta la pyndep ïa ka pyrthei baroh kawei. 2#Eks. 20:11#Heb. 4:4,10Ha ka sngi kaba hynñiew U Blei u la pyndep ïa kaei kaba u la trei bad u la sangeh treikam. 3U la kyrkhu ïa ka sngi kaba hynñiew bad u la pynkyrpang ïa ka kum ka sngi bakyrpang, namar ha kata ka sngi, U Blei u la pyndep ïa ka jingpynlong jong u; bad u la sangeh treikam. 4Bad kata ka long kumno ba la pynlong ïa ka pyrthei.
Ka kper Eden
Mynba U Trai#2:4 U Trai: Ha kiba bun ki bynta jong ka Testament Barim yn shem ïa kane ka kyrteng ba la thoh ha ki dak khraw. Kane ka long ka jingkdew kyrpang ïa ka kyrteng jong U Blei (YHWH ne YAHWEH ne JEHOBAH) ïa kaba ki Jiw haba ki pule kim ju kynnoh ïa kata ka kyrteng namar ki ñiewkor shikatdei eh hynrei ki pyndonkam da ka kyntien Adonai. Kumta, ha kane ka Baibl la pyndonkam da ka kyrteng kaba da ki dak khraw. Hynrei ha kiwei pat ki bynta ha kaba ka don ka kyntien Adonai ym ka kyntien YHWH ne YAHWEH ne JEHOBAH la pyndonkam da ka kyntien Trai ym ha ki dak khraw. U Blei u la thaw ïa ka pyrthei, 5ym shym don kino kino ki jingthung ha ka khyndew, bad ym shym don symbai ba la shylluit, namar um pat shym la pynhap slap, bad ym pat shym la don mano mano ban rep ha ka khyndew; 6hynrei ka um ka la mih napoh ka sla khyndew bad ka ai um ïa ka. 7#1 Kor. 15:45Nangta U Trai U Blei u la shim katto katne ka dewmet na ka khyndew bad thaw ïa u briew na ka; u la pyrsad ka jingpyrsad ba ai jingim ha ki thliew khmut jong u bad uta u briew u la kylla long u jingthaw ba-im.
8Nangta U Trai U Blei u la buh ka kper ha Eden, shaphang mihngi, bad hangta u buh ïa u briew uba u la lah thaw. 9#Jpw. 2:7; 22:2,14U la pynlong ïa ki jait dieng ba-itynnat baroh ban mih hangta bad kiba pynmih ïa ki soh kiba bha. Hapdeng jong kata ka kper la ïeng u dieng uba ai jingim bad u dieng uba ai jingtip ïa kaba bha bad ïa kaba sniew.
10Ka don ka wahduid kaba tuid ha Eden bad kaba ai um ïa kata ka kper; shabar ka Eden, ka khlad ha ki saw tylli ki wah. 11Ka wah kaba nyngkong ka dei ka Pishon; ka tuid sawdong ka ri Habilah. 12(La shem hangta ïa ka ksiar nylla bad ruh ïa ka jingiwbih bym ju kham ïoh bad ïa ki mawlynnai.) 13Ka wah kaba ar ka dei ka Gihon; ka tuid sawdong ïa ka ri Kush. 14Ka wah kaba lai ka dei ka Tigris, kaba tuid shaphang mihngi jong ka Assyria. Bad ka wah kaba saw ka dei ka Ïuphratis.
15Nangta U Trai U Blei u buh ïa u briew ha ka Kper Eden ban rep bad sumar ïa ka. 16U la bthah ïa u, “Me lah ban bam ïa u soh jong uno uno u dieng ha ka kper, 17lait noh u dieng uba ai jingtip ïa kaba bha bad ïa kaba sniew. Mem bit ban bam ïa u soh jong uta u dieng, lada me bam, men ïap ha kata hi ka sngi.”
18Nangta U Trai U Blei u la ong, “Kam long kaba bha ïa u briew ban im marwei. Ngan thaw ka nongsynran babiang ban ïarap ïa u.” 19Kumta u la shim katto katne ka dewmet na ka khyndew bad u la thaw ïa baroh ki mrad bad ki sim. Nangta u la wallam ïa ki ha u briew ba un khmih aïu un khot kyrteng ïa ki; bad kata keiñ ka long kumno ba ki baroh ki ïoh ïa la ki kyrteng. 20Kumta u briew u la khot kyrteng ïa baroh ki sim bad ki mrad; hynrei ym don kawei ruh na ki kaba long ka nongsynran babiang ban ïarap ïa u.
21Nangta U Trai U Blei u la pynlong ïa u briew ban ïohthiah lyngngai, bad katba u dang ïohthiah, u la shim kawei na ki shyieng krung jong u briew bad u set pyndap pat da ka doh. 22U la thaw ïa ka briew na ka shyieng krung, bad u la wallam ïa ka ha u. 23Nangta u briew u la ong,
“Ha kaba khatduh, hangne don kawei na ka jait ka kynja jong nga —
Ka shyieng ba la shim na ka shyieng jong nga, bad ka doh na ka doh jong nga.
‘Ka Briew’ ka dei ka kyrteng jong ka namar la shim ïa ka na u briew.”
24 #
Mat. 19:5; Mrk. 10:7,8; 1 Kor. 6:16; Eph. 5:31 Dei kata keiñ balei ba u briew u iehnoh ïa la u kpa bad ka kmie bad la pynïasoh bad ka tnga jong u, bad ki kylla long kawei.
25U briew bad ka briew ki la ïalong kiba lyngkhuit, hynrei kim shym la sngewlehrain.
Okuqokiwe okwamanje:
JENESIS 2: KHACLBSI
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Khasi CL Bible
Copyright © Bible Society of India, 2016.
Used by permission. All rights reserved worldwide.