St. Mark 6
6
CHAP. VI.
1Neoni sahhayàkeáne wàreghde, neoni et‐ho sàrawe tsi raouhha agwagh ranakere, neoni Raotyoughkwa roewaghnonderattye.
2Neoni ne ònea Wa‐aweandadogeaghdàne, tahhadaghsawea waghsakorihhonnyea et‐hòne Syno?-?gogue: neoni yawetowànea yakott‐hòende na‐ah, wa‐akorighwaneghràgoh, waìrouh, Kàh oughde?-?nòe tahhawe nekea‐ea Tsinikarihhòdease? neoni oghna Kanikoughròdea oughde ne roewàwyh, ne kì nong?-?keah n’agwagh Kayodeaghseràs‐hatsde yoyòdeh ne Rasnònke?
3Wahhy yagh kea nè dègeah ne Ranoughsò?-?nighs, Royèa‐ahy ne Mary, ne Yadadegea‐ah ne James neoni Joses, neoni ne Judas, neoni Simon? neoni wahhy yagh kea ne Rondeanoseahhah keant‐ho oghseròeni deweanderouh? neoni t’ha‐hodi?-?keaghràdea raouhhàge.
4Ok Jesus waghsakaweahhaghse ronouhha, Prophet et‐ho nòewe ok yaght‐ha hoewàkon?-?nyeghsde, tsi agwagh ne raouhha ranakere, neoni ok Otyoùghgwákouh ne Radàddénoughwe, neoni tsi?-?Konoughsode ne raouhha.
5Neoni yagh nè et‐ho tehhotyèrea Akayo?-?deaghseràs‐hatsdège, ne kìok na‐ah nene Waghs?-?hakonisnoughsarea toghkarra Niyongwèdake n’Ya?-?konoughwakdanyh, neoni saghs‐hakotsynde.
6Neoni wahhoneghràgo ne wakarihhòeny tsi?-?Yagh‐detyakaweghdàghkouh. Neoni wahhaghdeàndy wahatkwadóewe et‐ho tsikanadayèndo nà‐ah, shakorighhonnyèny.
7Neoni yaghsakònonke raouhhàge ne Teke?-?nis‐hadìre, neoni tahhadaghsawea ne yaghsakonhàne ronouhha teyongwèdakehhattye, neoni waghs‐ha?-?gàouh Kaes‐hatsdeaghtsera n’eayoghtòrarake ne wahhetkea Ranigòera.
8Neoni waghsakaweahhaghse ronouhha nene yaghot‐hènoh t’hahadíhhawe ne Raonat‐hahhì?-?nonke, ne ok n’Adeànits yadekayàdyh: yagh‐oni ne Scrip, (Kàyare) yaghtea oni ne Kanàdarohk, yaghtea oni n’Oghwìsda aondaghke n’Akoghna?-?datseràgouh:
9Ok ne ok ne teayakoghdarryonke Aghta: neoni yaghtea ne takenìhake n’Akodyàdawid.
10Neoni wahhearouh n’onouhhàge, ot’hok Ni?-?wadoughwentsyodeàhak tsinòe n’eassewawe easewa?-?daweyade Kanoughsagouh, et‐ho easeweanderòndake tsi‐èrea n’eatsisseweghde ne et‐ho Wadough?-?whentsyàde.
11Neoni oughka kì‐ok ne yaght‐ha yets‐hi?-?yèna, yagh oni t’heayets‐hiyat‐hòndeke, ne ònea èreah eatsisseweghde, ne et‐ho tsyakeàrawak ne Ogeàrare ne Tsyaghsìdakouh, Ikea ne eawatrorih?-?heke ronouhhàge nonkàdy. Agwagh wagweahhaghse, seahha na‐ah teayonoughyanìghdáne ne tsiniyaweà‐ouh ne Sodom neoni Gomorrha n’eaweghniseràdeke Tsinadeayondattyadòreghde, n’et‐ho Kanàdayea.
12Neoni wahhoughdeàndy neoni waghderigh?-?waghnòdouh ne Ongwe ne onsayondatrewághde.
13Neoni ronouhha sahhadiyadinnegeawe yawetowànea Oneghs‐houghrònouh, neoni waghs‐ha?-?konoughkawe Geàyéh yawetowànea nene Yakonough?-?wákdany, neoni saghsakoditsyende.
14Neoni Kòragh Herod wahhàronke raouhha Jesus (Ikea ne Raoghseàna wadewaderighwarènyh wakarihhowànha) neoni wahheàrouh, nene John ne Sakoghnegosseraghs shotketsgweah tsihaweahhe?-?youghne, ne gadi wahhòeni Kayodeaghseràs‐hatsde tsinahontyérea wahhaderihhòwanaghde ronouhha raouha‐tseràgouh.
15T’higàde ne waìrouh, ne wahhy Elias. Neoni t’higàde oni waìrouh Prophet nè keà‐eah, kea deas gàyea nè‐e easkagh ne Prophet‐hògouh.
16Ok ne ònea ne Herod wahhàronke na‐ah, wahheàrouh, John negea‐eah raouhha ne Renìyarri?-?yàgouh, raouhha shotketsgwea Keahhéyàdne.
17Ikea Herod raouhha yeghs‐hakonhàouh neoni roewayèna ne John, neoni roewànerea raouhha roewanhòdouh Ranaghskwa Ikea Herodias orìwa, raouhha Yadadegea‐ah Philip Ròne; ikea raouhha rodinyàkouh n’aouhha.
18Ikea ne John raweàny ne Herodeghne, kea det’karighwayèry ne kea n’ìse doesetsyaderàne ne Tsyadadegeà‐ah Ròne.
19Ne gàdy wahhoèni ne Herodias teyori?-?warhèouh raouhhàge nongadyh, neoni ahhorryoke raouhha, ok yagh deyokwennyouh.
20Ikea Herod wahotsàníge ne John, roder?-?yèndáre Yongwedìyoh, neoni Royadadogeaghty, ne rodeanikòerare raouhha; neoni ònea rodeweanat?-?hònde, èso Yorìwake tsinahhàyere, neoni tsirode?-?weanat‐hònde wahats‐heanòenyh.
21Neoni ne ònea waoweyeastàne yahhondegh?-?nìseríhhewe, nene Herod Weghnisera tsinihonake?-?ràdouh waghs‐hakaweanyòdea ne Raoyanetdaòkouh, Radighseanowàneaghse, neoni ne T’hadiyadagwenìyose ne radinakere Galilee:
22Neoni ne ònea n’Akoyéyah ne Herodias dondaweyade, neoni watkanonnyagh‐kwe, neoni tah?-?haweridiyòne Herod, neoni ronouhha ne easkaghne radìderouh ne raouhha, ne Kòrah waghreahhaghse ne Kayàdase, Takerighwanòndouh tsiok nahhòtea eaghsérheke, eankòeyouh.
23Neoni yorighwaghnìrouh wahhaweaneàndáse, tsioknahhòtea eaghskerighwanòndoughse, ne eankòe?-?yoh n’ìsse, èt‐ho ne sadewaghseànea niyekanihharàne Tsiniwakyaneghtsera.
24Neoni soughdeàndy, neoni wa‐aweahhaghse n’Onisteahhah, ot‐oughde nahhòtea eankerighwanòn?-?doh? neoni wageàrouh ne Raonòntsy ne John ne Shakoghnegosseraghs.
25Neoni sàwéghde agwagh oksaok watyoghs?-?terihhea et‐ho Koraghne, neoni wakarighwanòndoh, wageàrouh, kenòewese nene ìse a‐aghskouh oewah Kèghratne ne Ra‐onòentsy ne John ne Shakoghnekosseraghs.
26Neoni ne Kòrah yoneghrackwaght wahha?-?weryendakshea: ok shègoh sàne ikea ne ne Aorìwa tsiniyorighwaghnìrouh rodàdyh, neoni ikea ne Ra?-?odirìwa ne raouhha easkaghne radìderouh, yagh?-?deh‐hanòewese n’ahaweanóndyh.
27Neoni yokondattye ne Kòrah yaghshakonhàne ne Shakòdirryoghs, neoni waghshageaweahhaghse n’eantyénhawe ne Raonòentsyh: neoni wàreghde neoni yahhonnyàrriake raouhha et‐ho Tsinanàghs?-?gwayea.
28Neoni wa‐ehhewe ne Raonòentsy Keghràtne karattye, neoni yakòeyouh ne Kayàdase: neoni ne ya‐à‐ouh ne Onisteahhah.
29Neoni ne ònea ne Raotyoughkwa wahhòeronke, et‐ho whhònewe neoni wat‐hàdighkwe ne Raoyeroendakeahha, ne oni et‐ho yahhadìdea Tsiyondattyadada‐àghst‐ha.
30Ne oni ne Apostlehògouh wahhontkeanissà oghseròenih et‐ho Jesusne, neoni wahhoewagh?-?ròry agwègouh n’othènouh, detsyàrouh ne tsinah?-?hontyere, neoni tsinaghsákodirihhonnyeh.
31Neoni was‐hasaweahhaghse kàro kasseneght t’hatsyouhhà‐hak Karhàgouh noewe, eadesewadorìss?-?hea nyàre: Ikea àsé yawetowànea yagohattyeh neoni tsyakoghdeandyouhhattyeh, neoni ne ronouhha yaghde‐yàweght ahonoerisseàndáne are oni ne ok ne dahontskàhouh.
32Neoni èreah wahhòneghde et‐ho Karhàgouh noewe Kahhonweyagowaghne ok adaghsegh?-?dòenke.
33Neoni wahhoewadìgea n’Ongweh ronouhha tsi‐èrea wahhòneghde, neoni yotkàde ne wahhoewayènderéne raouhha, neoni watyòeraghdade egh?-?dageghshouh et‐ho nongadih tayoughdeantyònkoh agwègouh tsi‐Kanadayèndouh, neoni yahhoe?-?wàdy yatòreane, neoni wàoewe oghseròenih raouhhàge.
34Neoni Jesus, ne ònea tahhayàgeane, ne wagh?-?sakotkaght‐ho Sakotyoughkowànea, neoni ne wa?-?honikoughràreke ne Keandearouh ronouhhàge, ne wahhoni ronouhha aniyought Teyodinagaron?-?dòe‐ah yagh‐eas‐hìgea deyodìyea n’Akoewadikagh?-?datyèseke: neoni tahhadaghsawea waghsakorihhonnyeh ronouhha èso Yorìwage.
35Neoni ne ònea ìnouh Ondeghnisereaháwe noewa, Raotyoughkwa raouhhàge wahhònewe, neoni wahhóeweaghse, Karhàgouh wahhy ne keànt‐hoh, neoni nonwa ne n’isinih tsi Ondeghniserìne.
36Sas‐heyadègwaght, soughdeàndyh nene yoe?-?sahhònewe Tsityenakeronnyoh, neoni et‐ho tsi‐Ka?-?nadayendòe‐a, neoni ahondatnìnoese Kanadarohk: Ikea yaghot‐hènoe dehhodìyea n’ahàdige.
37Raouhha tondahhadàdy wahheàrouh ne ronouhàge, yetshìyoh n’ìse n’eahhàdige. Neoni sahhoe?-?weahhaghse raouhha, Eayagwaghninoehha kea nàah tekeni Teweanyawe (penny) tsinea‐yoghs‐heagh?-?seraghske ne Kanadarohk, neoni eayahhìyouh ronouhha ne eahhàdeke?
38Raouhha waghsakaweahhaghse ne ronouhha, do ni‐Kanadaràge sewàyea? wàsene yatsyat‐kaght?-?hoh. Neoni ne onea waditòkeaghse, wahhonnìrouh wisk, neoni Teckeantsyàge.
39Neoni raouhha waghsaweahhah agwègouh eghdàge yondedaràyea Eakeantyoghkwadogeahhà?-?donke et‐ho Ohhondàge.
40Neoni waondedaràyea Tekaneàradennyouh, ne Teweanyawe‐ehattye neoni wisksouh Niwaghs?-?heahhattye.
41Neoni ne ònea wàtraghkwe ne wisk ni’Ka?-?nadaràge, neoni ne Teckeantsyàge, Karoughyàge ya?-?hat’kaght‐hoh, neoni wahhayadadìrihsde, neoni wàt?-?hayàk‐hoe ne Kanadaroh’k, neoni yaghshagàouh ne Raotyoughkwa, ne oheandou àghsakodiyeàhaghse: neoni ne Teckeantsyàge wahak‐haghsyoènkoh Rao?-?dityoughgwakouh agwègouh.
42Neoni ronouhha agwègouh wahhàdike, neoni wahhonaghdàne.
43Neoni doesahàdighkwe tekeni yaweàre Ni?-?wat‐hèrake ne Wa‐akokwìne, neoni ne Keantsyoh.
44Neoni ronouhha nene wahhàdike ne Kanadarohk wisk Niweanyawe‐eghtseraghsea oughde Ongwe (niyongwèdake).
45Neoni agwagh oksaok raouhha t’hondagh?-?sakonough dòese ne Raodyoughkwa n’oesahhonditta ne Kahhoeweyakowaghne, neoni n’ahhoughdeandy ne èrea nongadighkouh ohheàndou ne et‐ho Bethsaida, aghsouh ne raouhha easeghsakodègwaghde tsini‐Keantyoughkwa n’eatsyoughdeàndyh.
46Neoni ònea tsyakoghdeantyonke, raouhha aèrea wàreghde Onontohharàge ne et‐ho yahadereà?-?nayea.
47Neoni ne onea Yokaraghskha, ne Kahhoeweyakòwah ’nea Sadekanyadarrhea nòewe, neoni rà?-?ouhhà‐tsiwa et‐ho Eghdiyògeh.
48Neoni waghsakot‐kaght‐ho ronatoriànerouh rodikawehhattyeh: (ikea akde tsinityowereáhha ro?-?diweraghraouhhattyea) neoni ònea oughdeh kayè?-?rihhadont Tsiniyodaghsondadihhea et‐ho wàreghde ronouhhàge, ìreh Kanyadaràge, neoni ashakotohhets?-?deany ronouhha.
49Ok ne ònea ronouhha wahhoewatkaght‐ho raouhha ìreh Kanyadarage, wahhònere ok Adonhets kea? neoni wat‐houghseant‐ho oksa.
50(Ikea ronouhha agwègouh wahhoewat‐kaght?-?ho, wahhonaderoughyeaghtea:) neoni yokondattyeh raouhha waghshakoweànaráne, neoni washakaweah?-?hase, sewanìgoghraghnirouhhak, I‐ih ne keà‐eah, toghsa a‐esewaghderòne.
51Neoni et‐ho wàreghde ronouhhàge et‐ho Kahhòewakouh; neoni wa‐atkewearìyáke tsiyaòde: neoni ne‐e nè koewàyats wahhodinikoughrinnegeane ronouhhatseràgouh, neoni yeyottohhetsdouh wahho?-?dineghràgo.
52Ikea ronouhha yat’ha tehhodiyadoreghdouh ne tsiniyotyanàdouh ne wisk ni‐Kanadaràge: ikea ronouhha Raoneriane nà‐ah kaniràdouh.
53Neoni ne ònea wat‐hondohhersde ne reanoe?-?gàdy, wahhòne et‐ho Oghwentsyàge ne na‐ah Gen?-?nesaret, neoni Atsyàkta wahhòneghde.
54Neoni ne ònea ronadidàghkweáne Kahoewe?-?yagowàghne, agwagh oksaok wahhoewayènderéne nené raouhha,
55Neoni watyoraghdade Enakeraghserakoughs?-?houh nene agwègouh Tsiniyenakeraghsera okt‐hade?-?yogwadasèdouh, neoni dayondaghsawea ne yehhawe?-?nondyèse Kanakdàge ne n’et‐ho n’Yakonoughwakdany, tsinòewe n’ìre waòerónke.
56Neoni tsioknòewe yehhadaweyade, et‐ho tsi?-?Kanadayendòe‐ah, Kanadakoh deas, agwagh ne deas nok t’hiyenakeronnyouh, et‐ho wa‐èyea n’Yakonoughwakdany Tsidekanadogeaghserouh, neoni wahhoewarighwanègea nenè ne ok oni togah oghstòeha yayeyèna tsiyotsde ne Raodyadawid: neoni asè tsi?-?nikouh ne oghstoeha yaoro‐oghde raouhhàge, sy?-?yeyadagwekhene sayòendouh.
Okuqokiwe okwamanje:
St. Mark 6: MOH1774
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
First published by the Society for Promoting Christian Knowledge in 1774. This historical text maintained by the British and Foreign Bible Society.