Apanll chtarangu 10
10
Ashiriya, na Nowerini wachinllin pzapaneerangana anootssha kamanchintspa
1Nowerini wip tuchip taarangiya: Sim, Kam, Hapet, ashpa.
Na, Hapetarineetssha wip kamanchintspa
Yuwamun tsapurunasee kung purangu anumun iwaz Hapetarinshat uwshat arang pzapaneerangiya. 2Wip kamuzanand arangich tsimbun matayaru taarangiya.
Iwachiztamarini sura Gomer,
anumunshat Mangung,
Madayi,
Avana,
Tubara,
Misek,
Tirasa,
aship taarangiya.
3Sheeru, Gomershat uwshat arang iparinarangitamta.
Sur Askenasa,
anumunsha Aripata,
Tokarinee, ashpamuna.
4Avanshat uwshat arang iparinarangitamta.
Sur Elisa,
Társis,
Kitim,
Rodanin.
Aship Hapetarinchich wachinllin pzapaneerangana. 5Ashirucha, musamun wing pseertayarusin taaranganaya. Yapiri zandkana ambirisha nambeersin, watsapuneemarisha pachirtayarusin taaranganaya. Kuksha nllitaritawsha tsiyatartarangana.
Ashiriya, na kamaneena yuwaa Hapetarinchich wachinllin pzapaneerangu anootsi.
Na, Kamurineetsshat wip kamanchintspa
6Kamurinshitini uwshat arang iparinarangitamta.
Iwachiztamarini sur Kus, anumunsha
Misrayima,
Puta,
Kanaana,
aship iparinarangiya.
7Kussha uwsha wip arang iparinarangitamta
Seba, anumunsha
Apira,
Arooma,
Sapteka,
aship taarangiya. Aroomshat uwshat arang iparinarangitamta sur Sepa, anumunsha Dedana aship taarangiya.
8Kusshat uwshat arang minumari iparinarangiya Nimrodaatsimarita. Nimrodsha kizpur kurakamuna. Ashchiri tsapurunas waamari kurak kasiru taarangiya. 9Mishat, kizpur washungamuna. ¿Chakaja waapa tatsamooch? Waamari ashiru Apanll kasarangiya. Ashirucha, tputs machin zamzee pachaku anoo pakchusin, Uru shiy ashtarish. Waj shiy Nimrodarini ashirish, táranganaya. 10Nimrodarini kizpur kurakamuna, tputsee waamari ksutku taarangiya. Tsap Sinarush ipunpunar yakat taarangu anoo waamari ksutarangiya. Yakatsha sur Babel, Erek, Akat, anumunsha Kalné, ashiru taarangiya. 11Zapishsha Nimrodarini zaree puwachingaratu táshtap naatarangiya. Ambirisha yaktaam ipunpunartam wayarangiya. Yaktarini sur taarangiya: Ninipi, Areopitira, Kara, Aresema. 12Aresemsha yakat apusantaru kapung taarangiya. Ninipisha piyamaritam taarangiya; Kalsha arangich watandaram taarangiya.
13Kamurinsha wip Misrayit waanitaritamsin taaranganaya.
Ludewshuchsha tputs anchichtamta.
Anamshuchsha tputs anchichtamta.
Areopitshuchsha tputs anchichtamta.
Naptoyshuchsha tputs anchichtamta.
14Patrosewshuchsha tputs anchichtamta.
Kaslohitshuchsha tputs anchichtamta.
Kaptowitshuchsha tputs anchichtamta. Itaru, Filistewshuchsha tputs Kaptowitchichi.
Ashpisin Misraychichinandari tputs taaranganaya.
15Kanaansha wip tsimbun taarangiya. Iwachiztamarini sur Sidon, anumunsha Heta. 16Hetchichinandarita ichingaru
Jebusewshuch tputs anchichtamta.
Amorrewshuchsha tputs anchichtamta.
Gergesewshuchsha tputs anchichtamta.
17Hebewshuchsha tputs anchichtamta.
Arasshuchsha tputs anchichtamta.
Sinshuchsha tputs anchichtamta.
18Arwatshuchsha tputs anchichtamta.
Semarshuchsha tputs anchichtamta.
Hamatshuchsha tputs anchichtamta.
Anchich tputs ashpisin pzapaneeranganaya. Sheersin, ambirisha yap zandkana amb nambaranganaya. 19Ambiritam watsapuneem pachirtaranganaya. Sidonshuchshat tputs zaree puwachingaru tuwash naatarangsin, ambirisha yakat Guerarush, mishat Gasash kusaranganaya. Minchichshat tputs yap zar yaku amb naatarangsin, yakat sur Sodoma, Gomora, Átamu, Sepoyin, arangeemsha Arasa aship taarangu, amb kusataranganaya. 20Ashiriya, Kamchichinandaritam pzapaneerangusin, minchich piyam, minchich piyam ashirusin taaranganaya. Sheersin, waanitaritam kuk tsiyataranganaya.
Ashiriya, na kamaneena Kamurinchichinandari wachinllin pzapaneerangu anootsi.
Na, Semorineetsshat wip kamanchintspa
21Nowerini wip iwachiztamarini Simomuncha. Waamari zoonllee Hapetarineetsi putsisarini kasirangiya. Simorincha wip arang pzapaneengu, anchichinand zapish Eberchichsha arang pzapaneerangitamta Hebrewshucheema. 22Simorin wip zameetpa taarangiya.
Iwachiztam sura Eram,
anumunsha Asór,
Arfaksad,
Lud,
Aram
ashpamuncha ichingaru. 23Mishat, Eramurinsha wip taarangtamta. Iwachiztamarini sura Us, anumunsha Ur, Keter, Mas. Ashpamunsincha.
24Arfaksadsha uwshat wip minam wanindarangiya sura Salája. Uwshat, Salájshat wip suru Ebera. Anumari taarangiya. 25Ebersha wip tsimbun taarangiya. Iwachiztamarineetsini wip sur ísamarangiya Peleka. Anumunatsha Jokatánmuncha. Yuwapursha Pelekarini taarangu anpur zar tputs watsapunee kasatartayarusin, piyamsha pseertaranganaya. Ambirisha watsapuneem pachimbaranganaya.
26Sheeru, Jokatánarinshitini uwshat arang iparinarangitamta.
Wip iwachiztam suru Armotat,
anumunsha Selef,
Jasarmavet,
Jera,
27Adoram,
Osar,
Tikra,
28Opar,
Apimayir,
Sap,
29Opir,
Hapir,
Jobaba.
Ashpamunsincha. Waatatssincha ichingarusin Jokatánarini wipa.
30Watsapuneetssha sur ísamaranganaya Misaa. Ambirisha tsap sur taarangitamta Separa yap zar puku machpi kung katuktakatu ambi. Mang ansha anchichinandari tputs itsutaru taaranganaya.
31Ichingarusin Simorinchichinandaritcha. Anchichinandari pseertaranganaya. Minchich piyam, minchichsha piyamaritam ashirusin naatartaranganaya. Mishat, kuksha waanitawaritam tsiyataranaya. Watsapuneemsha waanitawaritam pachirtaranganaya. Sheersin, waantawari watsapuneewamarisha yambaranganaya.
32Waatatcha ini ichingarusin Nowerinchichi tputsi. Yuwamun tsapurnasee kung purangu anamunach iwaz tputs pzapaneerangana. Sheersin, ambirisha yakat pzapaneerangu, tsapurnas ztasha taaranganaya. Ashparitani iy Nowerinchichtanicha.
Ashiriya, na kamaneena yuwaa Nowerinchich pzapaneerangana anootsi.
Okuqokiwe okwamanje:
Apanll chtarangu 10: cbu
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2010, Wycliffe Bible Translators, Inc. All rights reserved.