ĠWANNI 10
10
Kapitlu 10
Il-parabbola tan-nagħaġ
1“Tassew tassew ngħidilkom, min ma jidħolx#10,1: Min ma jidħolx: billejl ir-rgħajja kienu jiġbru l-imrieħel f’għalqa mdawra b’ħajt tas-sejjieħ, u wieħed minnhom kien jibqa’ għassa magħhom mimdud jew bilqiegħda fil-bieb. Filgħodu jiġu joħorġuhom biex jirgħu; kull wieħed isejħilhom b’għajta għalih. In-nagħaġ kienu jagħrfu leħen ir-ragħaj u jmorru warajh. fil-maqjel tan-nagħaġ mill-bieb imma jaqbeż ġewwa minn naħa oħra, dak hu ħalliel u brigant. 2Imma min jidħol mill-bieb hu r-ragħaj tan-nagħaġ. 3Min ikun mal-bieb lilu jiftaħ, in-nagħaġ minn leħnu jisimgħu, u hu jsejjaħ in-nagħaġ tiegħu waħda waħda b’isimhom u joħroġhom barra. 4U meta joħroġ in-nagħaġ tiegħu, huwa jmur quddiemhom u n-nagħaġ jimxu warajh, għax jisimgħu leħnu.#Ġw 10,27. 5Imma wara wieħed barrani ma jimxux, anzi jaħarbu minnu, għax leħen barrani ma jafuhx.” 6Din il-parabbola qalhielhom Ġesù, iżda huma ma fehmux x’ried jgħidilhom biha.#Ġw 16,27.
Ġesù r-ragħaj it-tajjeb
7Għalhekk Ġesù raġa’ qalilhom: “Tassew tassew ngħidilkom li l-bieb tan-nagħaġ huwa jien. 8Dawk kollha li ġew sa issa qabli huma ħallelin u briganti. Iżda n-nagħaġ lilhom ma semgħuhomx.#Ġer 23,1-2; Eżek 34,2-3. 9Jiena hu l-bieb; jekk xi ħadd jidħol ġewwa permezz tiegħi jsalva, u jidħol u joħroġ u jsib fejn jirgħa.#S 118,20; Ġw 14,6. 10Il-ħalliel ma jidħolx jekk mhux biex jisraq u joqtol u jeqred. Jiena ġejt biex ikollkom il-ħajja, u ħajja bil-kotra. 11Jiena r-ragħaj it-tajjeb. Ir-ragħaj it-tajjeb jagħti ħajtu għan-nagħaġ tiegħu.#S 23,1; Is 40,11; Eżek 34,15; Ġw 15,13; Lhud 13,20; 1 Ġw 3,16; Apk 7,17. 12Il-mikri, li mhuwiex ir-ragħaj, u li n-nagħaġ mhumiex tiegħu, jara l-lupu ġej, u jħalli n-nagħaġ u jaħrab; u l-lupu jaħtafhom u jxerridhom.#Atti 20,29. 13Mikri hu, u ma jħabbilx rasu min-nagħaġ. 14Jiena r-ragħaj it-tajjeb; jiena nagħraf in-nagħaġ tiegħi, u n-nagħaġ tiegħi jagħrfu lili,#Ġw 10,27; 2 Tim 2,19. 15bħalma l-Missier jagħraf lili u jiena nagħraf lill-Missier; u għan-nagħaġ tiegħi nagħti ħajti.#Mt 11,27; Ġw 15,13; 1 Ġw 3,16. 16Għandi wkoll nagħaġ oħra, li mhumiex minn dan il-maqjel; lilhom ukoll jeħtieġ li niġbor, u huma jisimgħu leħni, u jkun hemm merħla waħda, ragħaj wieħed.#Is 56,8; Eżek 34,23; 37,24; Ġw 11,52; 1 Pt 2,25. 17Għalhekk iħobbni l-Missier, għax jien nagħti ħajti, biex nerġa’ neħodha.#Fil 2,8-9. 18Ħadd ma jeħodhieli, iżda jien nagħtiha minn rajja. Għandi setgħa li nagħtiha, u għandi s-setgħa li nerġa’ neħodha; din hi l-ordni li ħadt mingħand Missieri.”#Ġw 14,31; 15,10.
19Il-Lhud reġgħu ma qablux bejniethom dwar dan il-kliem.#Ġw 7,43; 9,16. 20Bosta minnhom qalu: “Dan għandu fih xitan u qiegħed jhewden; għalfejn toqogħdu tisimgħuh?”#Mk 3,21-22; Ġw 7,20; 8,48. 21Imma oħrajn qalu: “Dan mhuwiex kliem ta’ wieħed li għandu xitan fih. Mela xitan jista’ jiftaħ għajnejn l-għomja?”
Il-Lhud ma jemmnux f’Ġesù
22Imbagħad f’Ġerusalemm ħabtet il-festa tal-Konsagrazzjoni tat-tempju#10,22: Il-festa tal-Konsagrazzjoni tat-tempju: kienet issir fl-aħħar ta’ Diċembru biex tfakkar il-purifikazzjoni tat-tempju wara r-rebħa ta’ Ġuda l-Makkabi fuq Antijoku IV, sultan tas-Sirja; ara 1 Mak 4,36-59; 2 Mak 1,9. 18; 10,1-8..#1 Mak 4,59. 23Kienet ix-xitwa, u Ġesù kien miexi minn naħa għal oħra tat-tempju, fil-loġġa ta’ Salamun.#Atti 3,11; 5,12. 24Il-Lhud daru miegħu u qalulu: “Kemm se ddum taqlgħalna ruħna? Jekk inti l-Messija għidilna ċar u tond.”#Lq 22,67. 25Weġibhom Ġesù: “Għedtilkom u intom ma temmnux. L-għemejjel li nagħmel jien f’isem Missieri jixhdu għalija.#Ġw 5,36; 10,38. 26Iżda intom ma temmnux għax m’intomx min-nagħaġ tiegħi.#Ġw 6,64; 8,45. 27In-nagħaġ tiegħi jisimgħu leħni, u jiena nagħrafhom, u huma jimxu warajja.#Ġw 10,3. 28U jiena nagħtihom il-ħajja ta’ dejjem; u huma ma jintilfu qatt, u minn idejja ma jaħtafhomli ħadd.#Ġw 3,16; 6,39; 17,2-12; 18,9. 29Missieri, li tahomli, hu akbar minn kulħadd#10,29: Missieri, li tahomli, hu akbar minn kulħadd: test ieħor jgħid: Dak li tani Missieri hu akbar minn kollox., u ħadd ma jista’ jaħtafhom minn id il-Missier. 30Jien u l-Missier aħna ħaġa waħda.”#Ġw 17,21.
31Il-Lhud reġgħu qabdu l-ġebel biex iħaġġruh.#Ġw 8,59. 32Imma Ġesù qalilhom: “Kien hemm ħafna għemejjel tajba li jiena wrejtkom mingħand il-Missier; għal liema għemil minnhom tridu tħaġġruni?” 33Weġbuh il-Lhud: “Mhux għal xi għemil tajjeb irridu nħaġġruk, iżda minħabba d-dagħwa li dgħajt, u għax int, li m’intix ħlief bniedem, qiegħed tagħmel lilek innifsek Alla.”#Lev 24,16; Mt 26,65; Mk 14,64; Ġw 5,18. 34Qalilhom Ġesù: “Fil-Liġi tagħkom ma hemmx miktub, ‘Jiena għedt: Intom allat’?#S 82,6. 35Issa jekk il-Liġi ssejjaħ allat lil dawk li waslitilhom il-kelma ta’ Alla - u l-Iskrittura ma tistax titħassar -#Mt 5,18; Lq 16,17. 36mela lili, li l-Missier ikkonsagrani u bagħatni fid-dinja, kif tgħiduli, ‘Qiegħed tidgħi,’ għax għedtilkom li jien Bin Alla?#Ġw 5,17-20. 37Jekk jien m’iniex nagħmel l-għemejjel ta’ Missieri, temmnunix; 38imma jekk qiegħed nagħmilhom, jekk ma temmnux lili, għallinqas emmnu l-għemejjel, biex tkunu tafu u tagħrfu li l-Missier huwa fija u jiena fil-Missier.”#Ġw 14,10-11; 17,21. 39Għal darb’oħra fittxew li jaqbduh, imma hu ħarbilhom minn taħt idejhom.#Lq 4,30; Ġw 7,30; 8,20.
40U raġa’ mar in-naħa l-oħra#10,40: In-naħa l-oħra: ara nota 3,23. tal-Ġordan, fejn qabel kien hemm Ġwanni jgħammed, u baqa’ hemm.#Ġw 1,28. 41Kienu ħafna dawk li marru ħdejh, u qalu: “Ġwanni ma għamel ebda sinjal, imma kollu minnu kulma qal Ġwanni fuq dan il-bniedem.”#Ġw 1,29-34; 3,27. 42U hemmhekk ħafna emmnu fih.#Ġw 2,23; 7,31; 8,30; 11,45; 12,42.
Okuqokiwe okwamanje:
ĠWANNI 10: MB20
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Maltese DC Bible © Malta Bible Society, 2020.