Maitiú 10
10
Caibidil X
Cuireann Críost an dáréag Abstal amach ar fud na tíre, agus bheir sé cumhacht dóibh míorbhailte a dhéanamh. Bheir sé teagasc dóibh.
1Agus nuair a ghoir sé chuige a dhá dheisciobal déag,#Marc. 3, 13; Lúc. 6, 13 agus 9, 1. thug sé cumhacht dóibh ar spioraid neamhghlana, chun iad a theilgean amach, agus chun gach galar agus gach tinneas a leigheas.
2Agus is iad seo ainmneacha an dá Abstal déag: Síomon, dá ngoirtear Peadar, an chéad duine, agus Aindrias, a dhearbhráthair.
3Séamus, mac Shebede, agus Eoin a dhearbhráthair, Pilip agus Partholán, Tomás agus Maitiú, an puibliocánach, agus Séamus, mac Alpheuis agus Taddéus.
4Síomon, an Cananéach, agus fosta Iúdas Iscariot, an té a bhraith é.
5Agus chuir Íosa uaidh an dáréag seo, agus thug sé aithne dóibh, ag rádh: Ná gabhaigidh go bealach na gcinidheach, agus ná téighigidh isteach i gcathracha na Samáiriteánach:
6Acht ina ionad sin téighigidh chuig na caoirigh seachráin as tigh Israéil.#Gníomh. 13, 46.
7Agus ar imtheacht díbh, déanaigidh seanmóireacht, agus abraigidh go bhfuil ríoghacht na bhflaitheas druidthe linn.
8Leigheasaigidh na h-easláin, tógaigidh na mairbh, glanaigidh na lobhair, teilgigidh amach deamhain. I n-aiscidh a fuair sibh, tabhairigidh uaibh i n-aiscidh.
9Ná soláthruighigidh ór, ná airgead geal, ná airgead ruadh i bhur gcriosa,#Marc. 6, 8; Lúc. 9, 3 agus 10, 4.
10Ná mála le h-aghaidh an bhóthair, ná dhá chóta, ná bróga, ná bata: óir is fiú a chuid bídh an t-oibridhe.
11Agus cibé ar bith cathair nó baile ina rachaidh sibh isteach, cuirigidh tuairisc déagh-dhuine ann, agus fanaigidh annsin nó go bhfágaidh sibh.
12Agus ag dul isteach i dtigh díbh, beannuighigidh dó, ag rádh: Go raibh síothcháin ag an tigh seo.
13Agus má’s fiú é an teach sin, tiocfaidh bhur síothcháin air; acht munar fiú é, pillfidh bhur síothcháin thar ais chugaibh.
14Agus muna bhfáiltighidh duine rómhaibh, cibé ar bith é, agus muna n-éistidh sé le bhur mbriathra, téighigidh amach as an tigh, nó as an chathair sin, agus craithigidh an dusta de bhur gcosa.
15Amén adeirim libh, béidh sócamhal ag tír Shodoim agus Ghomorra ar lá an bhreitheamhnais thar mar bhéas ag an chathair sin.
16Féach, cuirim-se sibh mar chaoirigh imeasc mac tíre.#Lúc. 10, 3. Ar an adhbhar sin, bígidh glic mar na naithreacha nimhe, agus sodhanta#10, 16 Sodhanta. Is é sin, gan choir, fíor, dá ríribh, agus gan cheilg. mar na colmháin.
17Acht bígidh ar bhur gcoimhéad ar na daoine. Óir bhéarfaidh siad ar láimh sibh i gcómhairleacha, agus sciúrsálfaidh siad sibh ina sineagóga:
18Agus bhéarfar os cómhair uachtarán, agus ós cómhair ríghthe sibh ar mo shon-sa, mar fhaidhnaise dóbhtha-san, agus do na cinidheacha.
19Agus nuair a bhéarfar ar láimh sibh, ná bígidh imnidheach fá’n dóigh ná fá’n nídh a labharfas sibh:#Lúc. 12, 11. óir bhéarfar díbh an uair sin cad é a labharfas sibh.
20Óir ní sibh-se a labhras, acht Spiorad bhur n-Athar, a labhras ionnaibh.
21Agus bhéarfaidh dearbhráthair dearbhráthair suas chun báis, agus athair mac, agus éireochaidh clann i n-aghaidh aithreach agus máithreach, agus cuirfidh siad chun báis iad.
22Agus béidh fuath ag an uile dhuine oraibh ar son m’ainme se. Acht an té a fhulaingeochas go dtí an deireadh, is é a shlánóchar.
23Agus nuair a ghéirleanfas siad sibh san chathair seo, teichigidh go cionn eile. Amén adeirim libh, ní bhéidh cathracha Israéil críochnuighthe agaibh go dtí go dtigidh Mac an Duine.
24Ní fhuil an deisciobal ós cionn a mháighistir,#Lúc. 6, 40; Eoin 13, 16, agus 15, 20. ná an seirbhíseach ós cionn a thighearna.
25Is leor do’n deisciobal a bheith mar a mháighistir, agus do’n tseirbhíseach mar a thighearna. Má thug siad Beelsebub ar fhear an tighe, nach lugha go mór sin a thabhairt ar mhuinntir a thighe?
26Ar an adhbhar sin, ná bíodh eagla oraibh rompa. Óir ní fhuíl dadamh foluighthe nach bhfoillseochar, ná aon nídh fá cheilt nach mbéidh fios air.#Marc. 4, 22; Lúc. 8, 17, agus 12, 2.
27An rud a deirim-se libh san dorchadas, abraigidh é san tsolus, agus an rud a chluin sibh i gcogar, craobhscaoiligidh é ó mhullaigh na dtighthe.
28Agus ná bíodh eagla oraibh rompa siúd a mharbhas an corp, agus nach dtig leo an t-anam a mharbhadh; acht go mba mhó bhur n-eagla roimh an té a dtig leis anam agus corp a mhilleadh i n-ifreann.
29Nach ndíoltar dhá ghealbhán ar fheoirling? Agus ní thuitfidh aon cheann acu ar an talamh gan bhur n-Athair.
30Acht tá cómháireamh#2 Rígh. 14, 11; Gníomh. 27, 34. fiú ar ruibeacha bhur gcinn go h-uile.
31Ná bíodh eagla oraibh, dá bhrígh sin; Is feárr sibh-se ná mórán gealbhán.
32Gach aoinneach, ar an adhbhar sin, a admhóchas mise ós cómhair na ndaoine, admhóchaidh#Marc. 8, 38; Lúc. 9, 26, agus 12, 8; 2 Tim. 2, 12. mise eisean fosta ós cómhair m’Athar atá ar neamh.
33Acht cibé a shéanfas mise ós cómhair na ndaoine, séanfaidh mise eisean fosta ós cómhair m’Athar atá ar neamh.
34Ná measaigidh go dtáinic mise#Lúc. 12, 51. a chur síothchána ar an talamh: ní tháinic mé a chur síothchána, acht claidheamh.
35Óir tháinic mé chun duine a chur i n-achrann#10, 35 Tháinig mé chun duine a chur i n-achrannic. Ní h-ionann sin agus a rádh gurbh é sin an fáth go dtáinic ár Slánuightheoir, acht go mbéadh an toradh sin ar a theacht agus ar a theagasc: óir chuirfeadh mórán i n-aghaidh a theagaisc agus chuirfeadh siad géirleanamhaint ar an méid a ghéillfeadh do Chríost. le n-a athair, agus inghean le n-a máthair, agus bainchliamhain le máthair a céile.
36 #
Micheas 7, 6. Agus is iad muinntir a theaghlaigh féin náimhde an duine.
37An té ar annsa leis#Lúc. 14, 26. athair nó máthair ná mise, ní fiú mise é; agus an té ar annsa leis mac nó inghean ná mise, ní fiú mise é.
38Agus an té nach nglacann a chros,#Marc. 8, 34; Lúc. 14, 27. agus nach leanann mise, ní fiú mé é.
39An té a gheibh a anam, caillfidh sé é, agus an té a chaillfeas a anam ar mo shon-sa, gheobhaidh sé é.#Lúc. 9, 24, agus 17, 33; Eoin 12, 25.
40An té a ghlacas libh-se, glacann sé liom-sa,#Lúc. 10, 16; Eoin 13, 20. agus an té a ghlacas liom-sa, glacann sé leis an té a chuir uaidh mé.
41An té a ghlacas le fáidh i n-ainm fáidh, gheobhaidh sé luach saothair fáidh, agus an té a ghlacas le fíréan i n-ainm fíréin, gheobhaidh sé luach saothair fíréin.
42Agus cibé ar bith a bhéarfas fiú cupa uisce fhuair#Marc. 9, 40. le h-ól do chionn de na daoine is lugha acu seo i n-ainm deisciobail, amén adeirim libh, ní chaillfidh sé a luach saothair.
Okuqokiwe okwamanje:
Maitiú 10: ASN1943
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
rights held by the Bible Society in Northern Ireland