Luka 2
2
1Ē nēẓungaña wālati lōkutaki ezzi rāẓali inzihi Kaisar Augustu walla hello āte.
2Kurēni Sūria dēshomitaki adhipati āhi mannati, īdiĕ zargiti dakkiti ezzi.
3bahētari ē ezzita (tami dōrka) rāẓali inzihi zahar zahara gāḍangki haẓẓeri.
4,5Josepu Davidu kūḍatee gōtromitee zarnātasi lakka tange ādi kōsomi raibēri kittai āhi bandita āhi maẓẓi Maria tulle ē ezzita rāẓinanaki Galilajata manni Nazaretu gāḍati Judajata manni Bethlehemu iẓẓi Davidu nāto haẓẓesi.
6evari embaa mannati, ēdāni brūta nēẓunga nenzitu lakka
7tani pānuwa mrīenaï pātiwaha, trāmbka tulle plīkhiwaha; sataruta evaraki tāju hillaataki evanaï kōḍinga dowutata trīphe.
8ē dēshomita koẓẓeka mēnḍanga gōḍka blīkaña manzihi laanga wēla tami gottati kāẓi manzaliĕ
9Prabhu dūta evari tāna wāhiwaha nittesi; prabhu mahima evari suttu līnzitaki evari hāree azziteri.
10ātihe ē dūta — azzaadu! īdikō lōku bahētaki pā’ni kazzā rāha āni suwartamānomi nānu minge punpikihi manzaï.
11Davidu gāḍata nīnzu rakshinẓinasi zarnātesi; īvasi prabhu Krīstu.
12ēdānaki īdi minge ānawa; ro brōnda trāmbka tulle plīkhasi āhi ro dowutata hunza mannani mīmbu meh’deri inzihi evari tulle westesi.
13zēẓoe lakkapuruti rāshi — samūhomi ē dūta tulle manzihi
14lekkoti wālati tājungaña Paramushreenaki mahimee, evanaki ishtomi āti lōkutaki bhūmi muhe samadhānomiĕ āpeko inzihi Paramushreelaï lākihi maẓẓe.
15ē dūtanga tami tānati lakkapuru haẓẓi dāju ē mēnḍanga gōḍka:— mliti ī kāremika prabhu mange punpi kiha manzanesi; māro Bethlemu pateka hazziwaha meh’no wādu inzihi rooni tulle roosi wessa koddihi,
16daggati hazziwaha Mariee Josepuĕ dowutata hunza manni brōndatiĕ mesteri.
17evari messiwaha wenḍe wāhiwaha e brōndati kōsomi tami tulle westi hāḍanga wēkheri.
18mēnḍanga gōḍka tami tulle westi sangatika kōsomi wennari bahē hāree iẓintromi āteri.
19ātihe Maria ē hāḍanga hallee tani hījata itta koddihi zalḍi kitte.
20embatiĕ mēnḍanga gōḍka tami tulle westi lehe tāmbu wennaskani meh’naskani kōsomi Paramushreelaï mahima tōsihi lākwihi wenḍe haẓẓeri.
21ē brōndaki pōtki dāẓali āta dina watati, bandita evasi zarna aamaẓẓati Dharmu dūta hāte westi Jesu inni dōru evari evanaki ittiteri.
22-24Mose dharmashastromi lehe evari dōka dīini nēẓu glathati —
wālati pānuwa mrīesi prabhutaki herpali inzihi lakka prabhuti dharmashastromita rāẓiti lehe, evanaï prabhutaki herpali inzihiĕ, prabhu dharmashastromita westi lehe kugguri zata ātiwa ri parwa hīpanga ātiwa pūza hījali inzihiĕ, evari evanaï Jerushalemutaki ōhi haẓẓeri.
25Jerushalemuta Simeon ro mānēiaasi maẓẓesi. evasi nītigattasiĕ bhakti gattasiĕ manzihi, Ishraelu ādarana kōsomi kātesi; parishudhātma evani muhe maẓẓe.
26evasi prabhu Kristuï mesti edehe samma hāki pān’uusi inzihi evanaki parishudhātma hāte hōte; ātma walla evasi gūḍita wātesi.
27,28embatiĕ dharmashātromi padhati lehe evani kōsomi kījali tallitanziska brōnda āti Jesuï gūdita taẓihi wātati, evasi tani keskaña evanaï perha koddiwaha Paramushreelaï lākihi īle iẓẓesi:—
29-32nābā! nīeti nī zōkoḍi lehe samadhānomiti
nī sebagattanaï hazzali hīdi.
tēḍitaraki ninnaa hōphali uzzedi lehee
nī lōku āti Ishraēlutaki mahima lehee
nīnu wālati lōku nōkita mliphi nī rakshana
nānu kanka nenze mestee.
33Josepuĕ evani talliĕ evani bakkiti westi hāḍanga wenziwaha iẓintromi āteri.
34Simeon evaraï dhōliwaha:— īdikō hāra hījati onpunga hōni lehe, Ishraēlungaña hāra zāna torginanakiĕ wenḍe ninginanakiĕ haspi ājali mōñogattasi lehe īvasi mliphasi āha mannesi.
35ōḍee, nī hījata ro tirwēli hōdhi manne inzihi evani talli āti Maria tulle westesi.
36ōḍee, Asheru gōtromi gattaiĕ Panuēlu mānga gatti Anna inni ro gūreni maẓẓe. ēdi laa wēḍati tīni kōḍi dosso barsa dokara tulle illugara kīhihi hāra kālomi glāphe.
37ri kōḍi sōto barsa rāndi āhi manzihi, gūdi pih’anaha upasa kīhihi lākihi laanga maddena sēba kitte.
38ēdiwa ē gādijata bitri wāhiwaha Paramushreenaï zohorkīhi, Jerushalemuta rakshana kōsomi kāẓi mannari bahēti tulle evani bakki zōli maẓẓe.
39ēḍāju evari prabhu dharmashāstroni lehe bahēti mlīti ḍāju Galilajata manni Nazarethu inni tami gāḍataki wenḍe haẓẓeri.
40īẓasi ēḍuti nenzihi, padda āhi blāju pāti maẓẓesi; Paramushreeni daja evani muhe maẓẓe.
41paska‐parbu mannati evani tallitanziska barsa barsataki Jerushalemu tāna hazzi maẓẓari.
42evasi bāro barsa gattasi āha mannati ē parbu kījali sabbudinati lehe evari Jerushalemu tāna haẓẓeri.
43ē nēẓunga rāthi ḍāju evari wenḍe hazzi manzaliĕ īẓasi āti Jesu Jerushalemuta nittesi.
44evani tallitanziska ē sangati punnaanaha, evasi gottanga tulle mannesi inzihi onpiwaha, ro nēẓuti prajānomi sāga hazziwaha, tami gottangañee puẓẓari tānee evanaï parri maẓẓeri.
45evasi tōnzaaki evanaï parrihi Jerushalemu tāna wenḍe wāteri.
46tīni dina āti ḍāju evasi gūdita gūrka maddi kuggihi evari hāḍanga wenzihi evaraï parḍanga wenzihi mannani mesteri.
47evani hānḍanga weẓẓari bahē evani parḍatakiĕ wenḍe utromitakiĕ iẓintromi āteri.
48evani tallitanziska evanaï messiwaha hāree addazakka āteri. evani talli:— mrīenatī! mange ēnaataki īle kījati? īdikō nī tanziĕ nānuĕ līhihi ninnaa parri maẓẓomi inzihi evani tulle wessaliĕ
49evasi:— mīmbu ēnikihi nannaa parri maẓẓeri? nānu nā tanzi kammanga muhe manzali inzihi mīmbu punnuuderikī? inzihi evari tulle westesi.
50ātihe evasi tami tulle westi hāḍa evari telhaateri.
51embatiĕ evasi evari tulle hōẓiwaha Nazarethu tāna wāhiwaha evaraki lōbāḍa maẓẓesi. evani talli ī sangatinga bahee tani hījata taẓa koddite.
52Jesu ēdutee, hōdutee Paramushreeni dajatee lōku dājatee padda āhi maẓẓesi.
Okuqokiwe okwamanje:
Luka 2: KUVI
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Published by the British and Foreign Bible Society in 1916.