Yowano 1
1
Lizu himwapwa namujimba wanyama
1 #
Kupu 1:1; Kolo 1:17; 1 Yowa 1:1 Kukuputuka #1:14; Kuso 19:3Lizu apwilengako, kaha Ou #17:5; 1 Yowa 1:2Lizu apwilenga naKalunga hamwe, kaha Ou #Fwili 2:6Lizu apwilenga Kalunga.
2Ikiye apwilenga naKalunga kukuputuka.
3 #
1:10; Kolo 1:16; 1 Koli 8:6; Hepe 1:2 Vyosena vavitengelele muli Ikiye, kaha kakweshi nachimwe vatengele chakuzeneka Ikiyeko.
4 #
5:26; 11:25; 14:6 Muli Ikiye mwapwile Mwono, kaha Mwono kana wapwile #8:12; 9:5; 12:46Musana wavatu.
5 #
3:19
Musana kana wamunyika mumilima, oloze milima kayauhonesako#1:5 Mokomoko ngwavo, Omu wapwa Musana milima kayatachikijilemoko. Mokomoko ngwavo, Milima kayahasa kujima Musanako..
6 #
Mako 1:4; Mat 3:1; Luka 3:3 Kwapwile mutu vatumine kufuma kuli Kalunga, lijina lyenyi Yowano.
7Ikiye ejile apwenga chinjiho wakulumbununa Musana naunjiho wenyi, mangana hakwambulula chenyi vosena vafwelele.
8Ikiye kapwile Uze Musanako, oloze ejile nakuhana unjiho wakuvuluka Uze Musana.
9 #
1 Yowa 2:8
Musana wamuchano apwile nakwiza hakaye, Ou eji kumunyikilanga mutu himutu.
10Apwile hakaye, kaha #1:3kaye vakatengelele muli Ikiye, oloze vaka-kaye kavamutachikijileko.
11Ejile kuvyenyi, kaha vaze venyi kavamutambwileko.
12Oloze veshovo vamutambwile, #3:18; 1 Yowa 5:13vaze váfwelelele lijina lyenyi, achihashishile kuli vakiko kupwa #11:52; Ngal 3:26; 1 Yowa 3:1-2vana vaKalunga —
13vaze vene #3:5; 1 Pet 1:23; Yako 1:18; 1 Yowa 2:29; 3:9vásemuwile, keshi kumanyingako, chipwe kukufwila chachisemwa chamujimba, chipwe kukufwila chalunga, shina kuli Kalunga kaha.
14Jino #Loma 1:3; Ngal 4:4; Fwili 2:7-8; 1 Chim 3:16; Hepe 2:14; 1 Yowa 4:2Lizu alilingishile Ivene kupwa wamujimba wanyama, nakuzuzumana mukachi ketu, kaha #Luka 9:32; 2 Pet 1:16-17; 1 Yowa 1:1twashishikile upahu wenyi — upahu waMwana umwe-lyamunwe kuli Ise, wakuzala nalikoji namuchano.
15Yowano ahanyinenga unjiho hali Ikiye, avilikilenga ngwenyi, Ou Ikiye ngwavulukanga ngwami, #1:27, 30; Mat 3:11Ou mweza munyima yami anguhambakana ulemu mwomwo apwako lyehi shimbu kanda ami ngupweko.
16Mwomwo #Efwe 1:23; 3:19; 4:13; Kolo 1:19; 2:9kukuzalilila chenyi kukiko tunatambwila tuvosena likoji lyakulunjika halikoji.
17Mwomwo #7:19Jishimbi vajihanyinyine muli Mose; oloze likoji namuchano vyejilile muli Yesu Kulishitu.
18Naumwe amona lyehi #6:46; Kulo 33:20; Kolo 1:15; 1 Chim 6:16; 1 Yowa 4:12Kalunga wauchi; #3:16, 18; 1 Yowa 4:9Ou, Umwe-lyamunwe#1:18 Chipwe ngwavo, Mwana umwe-lyamunwe, Ou atwama kutulo yaIse, natujimbwilayo. Ikiye Kalunga, Ou atwama #13:23; Luka 16:22kutulo yaIse, Ikiye natujimbwilayo.
Unjiho waYowano muka-kujimika vatu
(Mat 3:11-12; Mako 1:7-8; Luka 3:15-17)
19Jino ou ukiko unjiho waYowano, omu vaYuleya vakuYelusalema vatumine vapilishitu navaLevi nakumuhulisa ngwavo, Ove yoveya?
20Avalwezele, kavaswekeleleko. Avalwezele hatoma ngwenyi, #3:28; Luka 3:15-16Keshi yami Kulishituko.
21Kaha vamuhulishile ngwavo, Nyi yoveya? Yove #Mat 11:14; 16:14; Mako 9:13; Mat 17:12-13Elija tahi? Avakumbulwile ngwenyi, Keshi yamiko. Ngwavo, Yove #Lush 18:15, 18uze Kapolofweto tahi? Avakumbulwile ngwenyi, Nduma.
22Shikaho vamuhulishile ngwavo, Nyi yoveya? Mangana tukavalweze vaze vanatutumu, tulweze. Naulivuluka muka?
23Ambile ngwenyi, #Mat 3:3; Mako 1:3; Luka 3:4Yami
Lizu#1:23 Nge ngwenyi, Ivene MWATA ali nakuvilika mupambo. Yowano apwile lizu lyenyi kaha. lyayOu áli nakuvilika mupambo ngwenyi,
Ololenu jila yaMWATA,
ngana #Isa 40:3muze ambile kapolofweto Isaya.
24(Jino ava vapwile vakutuma kufuma kuli vaFwaliseu.)
25Kaha vamuhulishile ngwavo, Mwomwo ika uli nakujimikila vatu nge ove kaweshi uKulishituko, chipwe Elija, chipwe uze Kapolofweto?
26 #
Mako 1:7-9; Mat 3:11; Luka 3:16 Yowano avakumbulwile ngwenyi, Ami ngweji kujimikanga vatu mumeya. Oloze mukachi kenu munemana Ou munazeneka kutachikiza.
27Ikiye vene Ou áli nakwiza munyima yami, ukwechi kachikapa kamendelo enyi kangwatamo kukakasununako.
28Vyosena evi vyasolokelele kuMbetane, musali yaYotau, muze apwilenga Yowano nakujimika.
Talenu, Ou Mwanamukoko waKalunga!
29Omu kwachele, Yowano amwene Yesu ali nakwiza kuli ikiye, kaha himwamba ngwenyi, Talenu! #1:36; Isa 53:7; Vili 8:32; 1 Pet 1:19; Kuso 5:6Ou Mwanamukoko waKalunga, #1 Yowa 3:5Muka-kufumisa shili yavaka-kaye!
30Ou Ikiye ngwavulukanga ngwami, #Mat 3:11Munyima yami namwiza lunga anguhambakana ulemu, #1:15mwomwo apwako lyehi shimbu kanda ami ngupweko.
31Kaha ami, kangwamutachikijileko, oloze ngwejile nakujimika mumeya mangana asoloke kuli vaIsalele.
32Yowano ahanyine unjiho ngwenyi, #Mat 3:16; Mako 1:10; Luka 3:22Ngwamwene Shipilitu ali nakushikumuka kufuma mwilu nakumuwila nge katela, himwatwama hali Ikiye.
33Kaha ami, kangwamutachikijileko, oloze Ou ángutumine mangana ngujimike mumeya, angulwezele ngwenyi, Owo naukamona Shipilitu mwafuma mwilu nakutwama hali Ikiye, Ikiye vene Ou #Mat 3:11; Mako 1:8; Luka 3:16Muka-kujimika vatu muli Shipilitu Wajila.
34Jino ami ngunamono nakuhana unjiho ngwami, Ikiye vene MwanaKalunga.
Tumbaji twaYesu vakavanga
35Cheka nawa omu kwachele, Yowano emanyine #Luka 7:18natumbaji twenyi vavali.
36Hakushishika Yesu omu apwile nakutambuka, ambile ngwenyi, #1:29Talenu! Ou Mwanamukoko waKalunga!
37Kaha vaze tumbaji twenyi vavali vévwile omu ahanjikile, vakavile Yesu.
38Yesu hakwalumuka amwene vali nakumukavangiza, himwavahulisa ngwenyi, Munasake ika? Vakiko vamukumbulwile ngwavo, Ove Lapi (lizu eli lyalumbunuka ngwavo, Muka-kunangula), uli nakutwama kulihi?
39Avambile ngwenyi, Twayenu mumone. Ngocho vayile, vamwene kuze atwaminenga, kaha hinavatwama nenyi likumbi lize. Hapwile kafwe halwola lwamulikumi#1:39 Mwaya jiola javaLoma, hakiko hachimene ha10.00..
40 #
1:40-42; Mat 4:18-22; Mako 1:16-20; Luka 5:2-11 Umwe wavaze vavali vévwile omu ahanjikile Yowano numba vakavangize Yesu, apwile Andelei, ndumbwaShimona Petulu.
41Ikiye avangilile kuwana ndumbwenyi Shimona, himwamulweza ngwenyi, Tunamuwane #4:25; Ndan 9:25Meshiya (lizu eli lyalumbunuka ngwavo, Kulishitu#1:41 Nge ngwavo, Ou vawavisa. Tala hajiSamu 2:2.).
42Amunehele kuli Yesu. Yesu amushishikile, himwamba ngwenyi, #21:15-16Yove Shimona mwanaYowano — navakuvulukanga ngwavo, #1 Koli 1:12; 3:22; 9:5; 15:5; Ngal 1:18; 2:9, 11, 14Kefwase (lizu eli lyalumbunuka ngwavo, #Mat 16:18Petulu#1:42 Nge ngwavo, Yove Kalilolwa.).
Yesu mwasanyika Fwilipu naNatanyele
43Omu kwachele, Yesu ajinyine kuya kuNgalileya, kaha awanyine #12:21, 22; 14:8; Mat 10:3Fwilipu himwamwamba ngwenyi, #Mat 8:22Ngukavangize.
44Jino Fwilipu apwile wakuMbetesaita, kwimbo lyaAndelei naPetulu lyakembwe.
45Fwilipu awanyine Natanyele, himwamulweza ngwenyi, Tunamuwane Uze vavulukile #Luka 24:27kuli Mose mumikanda yaJishimbi, nakuli vapolofweto, Ikiye Yesu wakuNazaleta, #6:42; Luka 3:23; 2:48; 4:22MwanaYosefwe.
46Natanyele amwambile ngwenyi, KuNazaleta kuhase kufuma chuma chamwaza numba? Fwilipu amukumbulwile ngwenyi, Twaya utale.
47Yesu amwene Natanyele ali nakwiza kuli Ikiye, himwamba ngwenyi, Talenu, ou kaIsalele vene, muli ikiye kamweshi makuliko!
48Natanyele amuhulishile ngwenyi, Unangwijiva ngachilihi? Yesu amukumbulwile ngwenyi, Shimbu kanda Fwilipu akusanyike, ngwakumonanga omu wapwanga mwishi yamukuyu.
49Natanyele amukumbulwile ngwenyi, Ove Lapi#1:49 Tala 1:38., Ove #Samu 2:7uMwanaKalunga! #12:13; Mako 15:32UMwangana wavaIsalele!
50Yesu amukumbulwile ngwenyi, Unafwelela hakukwamba ngwami, Ngwakumonanga mwishi yamukuyu tahi? Naukamona vyakuhambakana evi.
51Kaha amulwezele ngwenyi, Mwamuchano vene nangumilweza ngwami, Namukamona #Ezek 1:1; Mat 3:16; Luka 3:21; Vili 7:56; 10:11; Kuso 19:11mwilu munasokoloka, #Kupu 28:12vangelo jaKalunga vali nakukanduka nakushikumuka hali Mwanamutu#1:51 Mwanamutu hilijina lyauKalunga waYesu Kulishitu chipwe shimbu kanda asemuke hakaye, ngana omu vanasoneka kuNdanyele 7:13-14..
Okuqokiwe okwamanje:
Yowano 1: LUE
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Bible Society of Zambia