Yowano 3
3
Yesu naNyikotemu
1Jino kwapwile mutu wamuli vaFwaliseu, lijina lyenyi #7:50; 19:39Nyikotemu, apwile #7:26, 48; Luka 23:13muka-kuyula muli vaYuleya.
2Ikiye ejile kuli Yesu naufuku nakwamba ngwenyi, Ove Lapi#3:2 Tala ha1:38., tunatachikiza umuka-kunangula wafuma kuli Kalunga, mwomwo naumwe mwahasa kulinga #2:11vinjikizo evi weji kulinganga wauchi, kuvanga #Vili 10:38Kalunga ali naikiye.
3Yesu amukumbulwile ngwenyi, Mwamuchano vene nangukulweza ngwami, Kuvanga mutu #1:13; 1 Pet 1:23; Yako 1:18; 1 Yowa 3:9; 2 Koli 5:17asemuwe chachihya#3:3 Chipwe chakufuma mwilu., mokomoko keshi kuhasa kumona wangana waKalungako.
4Nyikotemu amuhulishile ngwenyi, Mutu mwahasa ngachilihi kusemuka shimbu nakulu lyehi? Mwahasa kwingila kamuchivali mujimo lyanaye nakusemuwa numba?
5Yesu amukumbulwile ngwenyi, Mwamuchano vene nangukulweza ngwami, Kuvanga mutu asemuwe #Ezek 36:25-27; Efwe 5:26; Chitu 3:5kumeya nakuli Shipilitu, mokomoko keshi kuhasa kwingila muwangana waKalungako.
6 #
1:13; 1 Koli 15:50 Ocho chakusemuwa kumujimba wanyama chapwa mujimba wanyama, kaha ocho chakusemuwa kuli Shipilitu chapwa shipilitu.
7Kanda ulikomokela omu ngwakwambanga ngwami, kuvanga musemuwe chachihya.
8 #
Kwamb 11:5; Ezek 37:9 Peho yeji kuhuhwanga kweshokwo nayisaka, kaha kuhuhwa chayo weji kuchivwanga, oloze okwo yeji kufumanga noku yeji kuyanga kawatachikizako. Ngocho vene mwanapu weshowo nasemuwa kuli Shipilitu.
9Nyikotemu amuhulishile ngwenyi, Vyuma evi navihashiwa ngachilihi?
10Yesu amukumbulwile ngwenyi, Ove umuka-kunangula vaIsalele, kaha kumana vyuma evi kavyakulumbunukilako?
11Mwamuchano vene nangukulweza ngwami, #7:16-17; 8:26, 28; 12:49; 14:24Tweji kuvulukanga chize twatachikiza, nakuhana unjiho hachize twamona, kaha kamweshi nakwitavila unjiho wetuko.
12Omu ngunamilweze vyahamavu, kamwafweleleleko, nyi nge nangumilweza vyamwilu, namuvifwelela ngachilihi?
13 #
Loma 10:6; Efwe 4:9 Naumwe aya lyehi mwilu wauchi, shina Ou kaha #3:31; 6:38, 42éjile kufuma mwilu, Ivene Mwanamutu#3:13 Mwanamutu hilijina lyauKalunga waYesu Kulishitu chipwe shimbu kanda asemuke hakaye, ngana omu vanasoneka kuNdanyele 7:13-14., [Ou átwama mwilu].
Kalunga ahambakanyine kuzanga vaka-kaye
14Kaha #Kula 21:9ngana muze azezwile Mose uze linoka mupambo, ngocho nawa naMwanamutu kuvanga #8:28; 12:34vamuzezule,
15mangana wose mwamufwelela, #20:31; 1 Yowa 5:11-13apwenga namwono wázeneka kukuma.
16 #
Loma 5:8; 8:32; Efwe 2:4; 2 Teso 2:16; 1 Yowa 4:10 Mwomwo Kalunga ahambakanyine kuzanga vaka-kaye, hakiko #Loma 8:32; 1 Yowa 4:9avasuwilile #1:18Mwanenyi umwe-lyamunwe, mangana #3:36; 6:40; 11:25-26weshowo mwamufwelela akazeneke kunonga, oloze apwenga namwono wázeneka kukuma.
17Mwomwo Kalunga #3:34; 5:36, 38; 6:29, 38, 57; 7:29; 8:42; 10:36; 11:42; 17:3, 8, 18, 21, 23, 25; 20:21katumine Mwanenyi hano hakaye #8:15; 12:47ahise vaka-kayeko, oloze #Luka 19:10; 1 Yowa 4:14mangana vaka-kaye vavalwile muli Ikiye.
18Ou mwamufwelela kaveshi kumuhisako, oloze ou keshi kumufwelelako vanamuhisa lyehi, mwomwo kafwelelele lijina lyaMwanaKalunga umwe-lyamunweko.
19Aha hakiko hanejila kuhya — mwomwo Ivene #1:4; 8:12; 9:5; 12:46Musana neza hakaye, oloze vatu vazanga milima kuhambakana musana, mwomwo vilinga vyavo vyapwa vyavipi.
20Mwomwo #Efwe 5:11, 13weshowo eji kulinganga vyavipi ahunga musana, kaha keshi kwiza kuMusanako, kuchina vilinga vyenyi navavisolola.
21Oloze ou #1 Yowa 1:6eji kulinganga vyamuchano eji kwizanga kumusana, mangana milimo yenyi yisoloke hatoma hakupwa yakuzachila muli Kalunga.
Kuvanga Kulishitu ahambakanenga muulemu
22Kufuma haze, Yesu ayile natumbaji twenyi kungalila yaYuleya, kaha azuzumanyine navo kuze #4:1-2nakujimika vatu.
23Kaha Yowano nawa apwile nakujimika kuEnone kwakamwihi naSalimi, mwomwo kuze kwapwile meya amavulu, kaha vatu vejilenga vavajimike,
24mwomwo Yowano apwile #Mat 4:12; Mako 1:14; 6:17-18kanda vamuhake mukamenga.
25Jino kwapwile kulipula jipami mukachi katumbaji twaYowano nakaYuleya umwe #2:6havilika vyakulitomesa#3:25 Hachihande chavilika vyavaYuleya vyakulitomesa nge mwaya Jishimbi jaMose..
26Kaha vejile kuli Yowano nakwamba ngwavo, Ove Lapi, Uze apwanga nayove musali yaYotau, #1:7, 28Uze wáhanyinanga unjiho, tala, Ikiye ali nakujimika, kaha vosena vali nakuumbukila kuli Ikiye.
27Yowano avakumbulwile ngwenyi, #1 Koli 4:7Mutu keshi kuhasa kulitambwila koma kamweko, kuvanga vanamuhaneko kufuma mwilu.
28Enu vavene munahase kuhana unjiho omu ngwambile ngwami, #1:20, 23Ami keshi yami Kulishituko, oloze vanangutumu kulutwe lwenyi.
29Ou áli namwenga Ikiye #Mako 2:19-20; Mat 25:1Mwenya-mwenga. Oloze sepa lyaMwenya-mwenga, ou nemana nakumwivwilila, mwawahilila chikuma halizu lyaMwenya-mwenga. Shikaho jino, echi #15:11; 16:24; 17:13; Fwili 2:2; 1 Yowa 1:4; 2 Yowa 1:12kuwahilila chami vanachitesamo.
30Kuvanga Ikiye ahambakanenga muulemu, aminyi ngukehenga.
31 #
3:13; 8:23 Ou afuma mwilu alitulaho hali vosena. #1 Yowa 4:5Ou wahamavu apwa wahamavu, kaha eji kuhanjikanga vyahamavu. Ou afuma mwilu alitulaho hali vosena.
32Eji kuhananga unjiho #3:11hachize amona nakwivwa, oloze naumwe wauchi eji kwitavilanga unjiho wenyi.
33Ou netavila unjiho wenyi nahakeko katachikijilo kenyi ngwenyi, Kalunga apwa wamuchano.
34Mwomwo Ou #3:17vatuma kufuma kuli Kalunga eji kuhanjikanga mazu aKalunga, mwomwo Kalunga #Mat 12:18; Luka 4:18; Vili 1:2; 10:38kahana Mwanenyi Shipilitu nakwesekelako.
35 #
5:20; 17:2 Ise azanga Mwanenyi, kaha amuhana vyosena mulivoko lyenyi.
36 #
3:16; 5:24 Ou mwafwelela MwanaKalunga, ali namwono wázeneka kukuma, oloze ou #Vili 14:2; Hepe 3:18mwakana MwanaKalunga keshi kukamona mwonoko, oloze utenu waKalunga wamuzengamina.
Okuqokiwe okwamanje:
Yowano 3: LUE
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Bible Society of Zambia