AMahubo 140
140
Umkhuleko Wocela Ukuvikelwa Koyisidlova
Kumholi wokuhlabelela. Ihubo likaDavide
1Simakade, ngikhulule kumuntu omubi,
ungivikele kumuntu oyisidlova.
2Baceba okubi emiqondweni yabo,
njalo baphehla udweshu.
3Ulimi lwabo balulola
lukhaliphe njengolwenyoka,
isihlungu samabululu siphansi kwezindebe zabo. Sela
4Ngivikele ezandleni zomubi,
ungilonde kumuntu oyisidlova,
oceba ukukhubekisa izinyawo zami.
5Abazidlayo bangithukusele ugibe,
ngezintambo bendlala inetha,
eceleni kwendlela, bangibekela izihibe. Sela
6Ngathi kuSimakade:
“Wena, unguNkulunkulu wami.”
Simakade, yizwa izwi lokunxusa kwami.
7Simakade, Nkosi yami,
mandla ensindiso yami,
uvikela ikhanda lami ngosuku lwempi.
8Simakade, ungazivumeli izifiso zezikhohlakali,
ungawaphumelelisi amacebo azo,
funa zizikhukhumeze. Sela
9Abangibunganyele mabasibekelwe ngububi
bomlomo wabo.
10Amalahle ashisayo mawawele phezu kwabo,
mabaphonswe emlilweni
nasemigodini ejulileyo,
bangabe besavuka.
11Umuntu ohlebayo makangavunyelwa asimame emhlabeni,
ububi mabusilandele isidlova, sibhujiswe.
12Ngiyazi ukuthi uSimakade uyabamela abahluphekayo,
abehlulele ngobulungiswa abampofu.
13Impela abalungileyo bayolibonga iGama lakho;
abaqotho bayohlala phambi kwakho.
Okuqokiwe okwamanje:
AMahubo 140: ZUL20
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Bible in isiZulu 2020 © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.
Bible in isiZulu 2020 with Deuterocanonical Books © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.