Matta 1
1
Tuwa Yeso Almaseho wa
1U nwa likarkar tuwa Yeso Almaseho au Dauda ya, au Ibrahim ya.
2Ibrahim yǝ haa Ishaku,
Ishaku yǝ haa Yakubu,
Yakubu yǝ haa Yahuda ma koɓɓisa,
3Yahuda yǝ haa Feresa ma Zera. Maa ɓose ndǝ Tamar,
Feresa yǝ haa Hesruna, Hesruna yǝ haa Aram,
4Aram yǝ haa Amminadab, Amminadab yǝ haa Nashon, Nashon yǝ haa Salmon. 5Salmon yǝ haa Boaza. Maasi ndǝ Rahab.
Boaza yǝ haa Obida, Maasi ndǝ Rut,
Obida yǝ haa Yesse,
6Yesse yǝ haa kuɓu Dauda.
Dauda yǝ haa Sulemanu. Maasi ɗǝm ka ǝn toone Uriya ya.
7Sulemanu yǝ haa Rehobowam,
Rehobowam yǝ haa Abiya,
Abiya yǝ haa Asa,
8Asa yǝ haa Yehoshafat,
Yehoshafat yǝ haa Yoram,
Yoram yǝ haa Azariya,
9Azariya yǝ haa Yotam,
Yotam yǝ haa Ahaz,
Ahaz yǝ haa Hezekiya,
10Hezekiya yǝ haa Manassa,
Manassa yǝ haa Amon,
Amon yǝ haa Yosiya,
11Yosiya yǝ haa Yekoniya ma ɓaata ɓisa, a fer ɓaa haa ɓǝsǝ a ko a hooto Babila wa.
12Ndiira ɓaa ko ɓǝsǝ a hooto Babila wa,
Yekoniya yǝ haa Sheyaltiyel,
Sheyaltiyel yǝ haa Zarubabel,
13Zarubabel yǝ haa Abihudu,
Abihudu yǝ haa Eliyakim,
Eliyakim yǝ haa Azuro,
14Azuro yǝ haa Zadok,
Zadok yǝ haa Akimu, Akimu yǝ haa Aliyuda,
15Aliyuda yǝ haa Eleyazara,
Eleyazara yǝ haa Matana, Matana yǝ haa Yakubu,
16Yakubu yǝ haa Yusufu ker Maryamu ya, yaa yǝ haasǝ Yeso ya, yaa ɓan yarsǝsǝ me Almaseho ya.
17Tuwa Ibrahim wa awo a tuwa Dauda wa nsaad ndǝ tuwa pu nhaa kurun, niinyo a fer Dauda wa a wo a fer ɓaa koɓǝsǝ a hooto Babila wa tuwa pu nhaa kurun. Niinyo a fer haa ɓǝsǝ ko Babila wa a wo a fer Almaseho wa tuwa pu nhaa kurun.
Haa Yeso wa
18U nwa ǝn ɗǝɗa ɓaa haasǝ Yeso Almaseho ra. A fer Yusufu yǝn taasǝ Maryamu maa Yeso ya wa, si ɓaa konsǝ sundura ra, pa aa wǝr yǝ ma kuɗa u Wis Kaa wa ya. 19Si Yusufu kerisi ǝn yaa ɓongtǝra ya, ɗǝm yǝ yau me yaa na ɗuura nwaara a ɓeta ra, pa yǝ sen me kiyaa lee a nhuukǝra.
20Pa yaa senda nding, pa antimira Ankundi ya, yǝ wo a sani a rotǝma yaa nkee me, “Yusufu au Dauda ya, ngǝ kong kura kokto kon toonange Maryamu wa ra, me au a kuɗa ira ya fiɗ a Wis Kaa wa ni. 21Kiyǝ haa auwe parara, kǝnga ti ɗǝnda me Yeso me kiya kon nkweera ɓet ɓisa a tentenato ɓoso.”
22Mbu sǝsa nsaad tom me a kung mbu Ankundi nkeesǝ ma lau an nawanto ya me, 23“Autoone kiya too kuɗa yǝ haa auwe parara, ɓaa ka ti ɗǝnda me Immanuwel” Ən senme, “Kaa yǝ ke ma ndase” 24Pa Yusufu nisǝ a munda wa yǝ ɓǝɗ mbu antimira Ankundi ya nkeesǝsǝ ɓa, yǝ too Maryamu meen toonesi ɓǝ ko ɗuuru. 25Pa yǝ maasǝ me yǝ toone ra, ndub ndiira fer yǝ haasǝ auwe parara wa, pa yaa ti ɗǝnda me Yeso.
Okuqokiwe okwamanje:
Matta 1: LLA
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
©2023 Seed Company in collaboration with Language Developers and Bible Translators Association