Jân 7
7
1Belombo těkabe tombango, Jisus a jopakindi o Galili: A vahakindi o jopa o Judia, ’kabojana Jiu ba butakindi o weya Mâ. 2Isango ja Jiu ja meâkâ i diyakindi ja bě piělě. 3Bana ba nyangwě ba vâki na ju, na, Umwaka oviya okava, na nâvě oa ’la o Judia, ovaně nd‘ o beyokwedi beâvě be ka yěně tepě behavu beâvě be hakě. 4Ikabojana o ’bě na moto a hakě elombo ikutakuta na mâ mětě a vahaka o yowaně o bwebwe. Oningě na o hakandi belombo těkabe, levakidě nyolo ’âvě mětě he. 5(Ikabojana bana ba nyangwě bu kamakidě Mâ.) 6Jâ ndi ja Jisus ja vâ na bâ, na, Egombe ’amě e ha pâyete: ndi egombe ’anyu e te ’gombe yěhěpi kokango. 7He ya yâlě o bina inyěni; ndi e binaki ’Mba, ’kabojana Mbi langwakiyandi o pěl‘ ’a yâ, nana behavu beaju be nd‘ o beva. 8Kěkěteni o isango těkadi: Mbi ha valete o isango těkadi; ’kabojana egombe ’amě e ha timete. 9O Mâ‐a diyakidi a vâ ndaga těkadi o bâba jadi, ka Mâ‐a diyate o Galili.
10Ndi o bana ba nyangwě ba diyakidi ba vala, ka Mâ‐a vala tepě o isango, hanga o bwebwe, ndi panika ikutakuta. 11Ka Jiu ba vaha Mâ o isango, na, A l‘ ove? 12O diyakindi na ihâkâlâniyě iitě o bato ba jadi o pěl‘ ’aju: ’kabojana bâkâ ba vâkindi, na, A ndi mot‘ uyamu: bâkâ mâ, na, Nyawě; 13A yabakandi bato. Ndi moto au kalaka o bwebwe o pěl‘ ’aju, na jângâ ja Jiu.
14O hanganě e‘ isango Jisus a kěkěndi o těmpěl A ka yokwanakidě. 15Ka Jiu ba mamana, na, Moto těkaně a yowudě lě iyowě na, a yokuwe? 16Jisus a yavwanaki bâ ka Mâ‐a vâ, na, Iyokwanide jamě i ’bě ijamě, i ndi ja A lomaki ’Mba. 17Oningě moto a bâbingě o ha upango muaju, a ka yowěte o pěl‘ ’a iyokwanidě ipě i ndi ja Anyambě, ipě Mbi kalakate Umba mětě. 18A kalakě o pěl‘ ’aju mětě, a vahakandi ivenda jaju mětě: ndi a vahakě ivenda ja a lomaki mâ, mâ ndi pâkwěpâkwě, na bobe bo ’bě o ma‐a jadi. 19Mosěs au věkě inyěni belekanako, ndi o ’bě na moto n‘ umbâkâ a tatakě belekanako? Ndi e lě nde eanyu e vahakě o weyi ’Mbani? 20Ebimba e yavwanakindi ka yâ ya vâ, na, O na děvil: nja a vahakě o weya âvě? 21Jisus a yavwanakindi ka Mâ‐a vâ na bâ, na, Mbi hango ehavu yâkâ eanyu ya běhěpi e mamanakě. 22Ndi Mosěs a věkindi inyěni ihěbwě, (hanga o nyanga ya na i ndi ja Mosěs, ndi i ndi ja bahangwě;) n‘ inyěni o hěběkěndini moto o buhwa bo‘ Iyâjâ. 23Oningě moto a pahiya hěbwě o buhwa bo‘ Iyâjâ, nana elekanako ya Mosěs e weyakwě; o lingwakandini n‘ Umba, ’kabojana Mbi ma yongěndi moto yongěngo o buhwa bo‘ Iyâjâ? 24O yěkěkiděni o bwebwe, ndi yěkěkidi yěkě ya hohonganěngo.
25Jâ ndi ja ba Jěrusalěm bâkâ ja vâ, na, A ’bě mâ ekaně uabu a vahakě o weya? 26Ndi, umbwakiyate, A kalakate, A bange, na bâ‐ba vâkâ na ju elombo. Bapangiyi ba te yowěngo pâkwěpâkwě na Kraist mětě nd‘ ekaně? 27Ndi ho yowěngo pělě ea ekaně e viyedi: ndi o Kraist a ka pâyě, o ’bě na moto a ka yowě pěl‘ ’aju e viyedi. 28Ka Jisus a yama o Mâ‐a diyakidi a yokwanakidě o těmpěl, na, O yowuděti ’Mbani, o yowuděteni tepě pěl‘ ’amě e viyedi: Mbu pumanakiya Umba mětě, ndi A lomaki ’Mba, A ndi pâkwě pâkwě, uanyu a ha ’wě. 29Ndi Mbi yowuděte Mâ; ’kabojana Mbi viyango oviya Mâ‐a jadi, na Mâ tepě a ’Mba lomango. 30Jâ ndi jabu ja vaha o nângâ Mâ: ndi o ’bě na moto a kahakidě Mâ benâ, ’kabojana iwěla jaju i diyakite i t‘ o pâ. 31Baitě ba ebimba ba kamakidi Mâ, ka bâ‐ba vâ, na, O Kraist a ka pâyě, a ka handi belembo wa na ekabe bea mo‐mo těkaně be hakě? 32Farisi ba yokakindi na ebimba e kalakandi belombo těkabe o pěl‘ ’aju: ka Farisi na prist ja meolo ba loma bavengi ka bweya Mâ. 33Ka Jisus a vâ na bâ, na, Mbi te n‘ inyěni okava egombe ehâlě, vâkâna Mbi valindi o A lomaki ’Mba a jadi. 34O ka vahandi ’Mbani, ndi oa duwi ’Mba-ni: oa yâlěni o pâ o Umba‐mbi jadi. 35Jiu ba vâkindi bâ mětě na bâ mětě, na, A ka ’la l‘ ove, o hwě ho ka měndě ho duwe Mâ? a ka ’landi o ba di vanjanganango o Betomba bepâkwě be jadi, ka yokudě Betomba bepâkwě? 36I lě nj‘ ivâdi ijaju i vâkě ekadi, na, O ka vahandi ’Mbani, ndi oa duwi ’Mbani: oa yâlěni o pâ o Umba‐mbi jadi?
37O buhwa tě boněně boně bo‘ isango boa madikanido, Jisus a těměkindi ka Mâ‐a yama, na, Oningě moto a di na evělě, a vake o Umba‐mbi jadi ka mâtâ. 38A kamakidě ’Mba, pani ka ilěndwě i vâkě, na, ihuhu jaju i ka vovolandi liho la miba ma eměnâ. 39(A kalakind‘ ekae o pěl‘ ea Ilina ja ba ka kamidě Mâ i ka pahiyě; ’kabojana Ilina Iyam‘ i diyakite i t‘ o věwě, ’kabojana Jisus a diyakite A t‘ o hekudwě.) 40Baitě ba ebimba a bâba yokakidi ekae, ba vâki, na, Pâkwěpâkwě ekaně a ndi Usâki tě. 41Bâkâ mâ, na, Ekaně a ndi Kraist mětě. Bapâkwě mâ, na, Kraist a ka viyandi oviya Galili? 42Ilěndwě ja vâkâ na Kraist a ka viyandi o ibângâ ja Devid, o ibâkâ ja Běthlihěm o Devid a diyakidi? 43Ipěhě i diyakindi o ebimba e jadi o pěl‘ ’aju. 44Bâkâ o njamb‘ ’abu ba vahakind‘ o bweya Mâ, ndi moto au kahakidě Mâ benâ.
45Ka bavengi ba viya o prist ja meolo na Farisi ba jadi; ka bâ‐ba uwa bâ, na, E lě nd‘ eanyu e ha vani Mâ? 46Ka bavengi ba yavwuwa, na, O ’bě na moto a kalakě n‘ ivâkwě pani ka momo těkaně. 47Ka Farisi ba yavwana bâ, na, Inyěni o yabudwě tepěni? 48Bapangiyi n‘ umbâkâ tombe na ba Farisi, ba te Mâ kamiděngo? 49Ndi ebimba tě e ha ’wě belekanako ekae, e ndi hâkwěngo. 50Nikodimâs a vâki na bâ (a vakidi o Jisus a jadi na bulu, a diyakindi umbâkâ uabu,) na, 51Elekanako ’ahu e yěkěkiděte moto, e t‘ o yoka mâ‐a kalaka, na o yowě eaju e hakě? 52Ba yavwakindi ka bâ‐ba vâ na ju, na, O tepě oa Galili? Butaka na nâvě oa ’mbuwa; ’kabojana usaki a pumiye o Galili.
53Moto uěhěpi a kěkindi o ndabo ’aju mětě.
Okuqokiwe okwamanje:
Jân 7: BNG1895
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Published by the American Bible Society in 1895.