Matyiu 20
20
1Ikabojana ipangiya ja Hěvěn i kwanakandi naki momo a di hangwě ’a ndabo a pundaki n‘ ubwa ka kâlâ bahayi ba hakě o mwanga muaju. 2O mâ‐a panganakidě bahayi fura o buhwa, ka mâ‐a loma bâ o mwanga muaju. 3Ka mâ‐a vala o hongodi ya mawěla ibuwa, ka mâ‐a yěně bapâkwě těmetěme o ihambanido baa haye elombo. 4Ka mâ‐a vâ na bâ, na, Kěkě tepěni o mwanga, mbi ka vět‘ inyěni o yěhěpi e di hohonganěngo. 5Ka bâ‐ba vala. Ka mâ‐a ha pě nyanga tě, o mâ‐a kěkidi o hongodi ya jomu na mawěla mabale, na ya malalo. 6Ka mâ‐a duwa pě bapâkwě těmetěme baa haye elombo, o mâ‐a kěkidi o epedi ya mawěla matano, ka mâ‐a vâ na bâ, na, E lě ndi eanyu e těměkě okava buhwa boěhěpi o hayeni elombo. 7Ka bâ‐ba va na ju, na, ’Kabojana moto a ibě hwě kâlângo. Ka mâ‐a vâ na bâ, na, Kěkě tepěni o mwanga; e di hohonganěngo yěhěpi ndi eanyu e ka pahiyě. 8Ka upangiyi mua mwanga mâ‐a vâ na yongo ’aju, o kolo pâkidi na, Ka ndakiye bahayi, na nâvě wa vě bâ ivě jabu, yalakě na ba madikanido na vala ka bweya ba bohoboho. 9O ba kâlâkudwě o mawěla matano ba pâkidi, ba pahakiyendi moto moto eaju fura. 10Ndi o ba bohoboho ba pâkidi ba yebakiyendi n’ ipě ba ka pahiyandi wa; ka bâ‐ba pahiya tepě moto moto eaju fura. 11O bâ‐ba běki pahiyango, ka bâ‐ba hâkâlâniyě moto tě a duwě ndabo ně, na, 12Ba madikanido ekaba ba ma hate iwěla jâkâ, na nâvě o ka věkě hwě ba ma bapě jumba ja yomu ya buhwa nyanga pâkâ na bâ. 13Ndi a yavwanakindi umbâkâ, na, Mbweyi ’amě, mbu ha ’vě bobe: wu panganaka n‘ umba fura? 14Nângâkâ eâvě, na nâvě wa vala, mbi ka věndi ua madikanido ekaně pani te ka ’vě. 15E ’bě hohonganěngo n‘ umba‐mbi haka nyang‘ ’amě e ka vahě n‘ ibeamě mětě? Diha jâvě i nd‘ o ’beva, ’kabojana mbi did‘ o nyěvě? 16Nonaně nd‘ o ba mbuhwa ba ka diyě o bohoboho, na ba bohoboho ba ka diyi o mbuhwa: ’kabojana baitě ndi ba ndakudwě, ndi nyěvâ te e pânâkwě.
17Ka Jisus a nânga jomu na beyokwedi beaju bebale o njeya o pěpěke, o Mâ‐a diyakidi a betaka o Jěrusalěm, 18ka Mâ‐a vâ na bâ, na, Umbwakiyate, ho betakandi o Jěrusalěm; na Mwana moto a ka kândâkudwěndi o prist ja meolo na Balěndi ba jadi, na bâ‐ba ka kwehi Mâ na A wake, 19na bâ‐ba ka bweyidi Mâ ka věhwě na Betomba, na ka bomwě, na ka kâmidě Mâ o ’le: nd‘ A ka pumbuwi pě o buhwa boa ilalo.
20Jâ ndi ja nyangwě ya bana ba Zebědi na bana baju ja viya o Mâ‐a jadi, ba hâhâlâkidě Mâ, na, bâ‐ba ka yombwaka elombo n‘ ehuhu o Mâ‐a jadi. 21Ka Mâ‐a vâ na ju, na, E lě nd‘ eâvě e vahakě? Ka mâ‐a vâ na Ju, na, Vâkâ na ba tě ibamě babale ekaba, na, ba diyake umbâkâ o en‘ ’avě eyomi, na umbakâ o enâ ya ’měngwě, o ipangiya jâvě. 22Ndi Jisus a yavwanakindi ka Mâ‐a vâ, na, Wa ’wěni nyang‘ ’anyu e uwakě. O t‘ o yâlâkěni imâtânâ j‘ imâgi jamě i ka mâtâně, na o baptaiswě na baptisma ’amě e ka baptaiswě? Ka bâ‐ba vâ na Ju, na, Ho ka yâlěte. 23Ka Mâ‐a vâ na bâ, na, Pâkwěpâkwě o ka mâtânâteni imâgi jamě, n‘ inyěni o ka baptaiswě tepěni na baptisma ’amě e ka baptaiswě: nd‘ ivě ja idiya ja ’nâ âmě eyomi, na ya ’měngwě e ’be ’amě, ndi e ka věwi ba Paia ba kenjakidě yâ. 24O jomu i yokakidi i lingwaki na ba nyangwě pâkâ babale. 25Ndi Jisus a ndakiyi bâ, ka Mâ‐a vâ, na, O yowuděteni na mepolo mea Betomba me pangakiyi bâ, na baněně ba pangakiya bâ na ngudi. 26Ndi yaa diye n‘ inyěni nonaně, ndi uěhěpi a ka vahě o diya uněně o inyěni o jadi a diyake udili muanyu; 27na uěhěpi a ka vahě o diya o molo o ’nyěni o jadi, a diyake uhayi muanyu: 28pani te ka Mwana moto a ha vakidi ka hadwě, kabo ka ha, na ka vě eměnâ ’aju ivango ja baitě.
29Ka ebimba ya bato eněně ya vitě Mâ, o Mâ‐a věngěměkidi o Jěriko. 30Pâgu ibale i diyakindi diya o pěpěkě ya njeya i yamakindi, o jâ i yokakidi na Jisus a tombakandi, na, Yokakiya hwě ngěbě, Upangiyi, Mwana Devid. 31Ka ebimba ya kandidě bâ nana ba diyake dâ: ndi ba yamaki pě wa, na, Yokakiya hwě ngěbě, Upangiyi, Mwana Devid. 32Na Jisus na těměkě de, ka Mâ‐a ndiya bâ, ka Mâ‐a va, na, O vahaka li Mbi haka ’nyi nde? 33Ba vâki na Ju, na, Upangiyi, mihâ mahu ma bumwakudwě. 34Ka Jisus a yokiya bâ ngěbě, na Mâ na kupanakě mihâ mabu: ka elěngiaha tepě mihâ mabu ma pahiya ’yěně, ka bâ‐ba vitě Mâ.
Okuqokiwe okwamanje:
Matyiu 20: BNG1895
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Published by the American Bible Society in 1895.
Matyiu 20
20
1Ikabojana ipangiya ja Hěvěn i kwanakandi naki momo a di hangwě ’a ndabo a pundaki n‘ ubwa ka kâlâ bahayi ba hakě o mwanga muaju. 2O mâ‐a panganakidě bahayi fura o buhwa, ka mâ‐a loma bâ o mwanga muaju. 3Ka mâ‐a vala o hongodi ya mawěla ibuwa, ka mâ‐a yěně bapâkwě těmetěme o ihambanido baa haye elombo. 4Ka mâ‐a vâ na bâ, na, Kěkě tepěni o mwanga, mbi ka vět‘ inyěni o yěhěpi e di hohonganěngo. 5Ka bâ‐ba vala. Ka mâ‐a ha pě nyanga tě, o mâ‐a kěkidi o hongodi ya jomu na mawěla mabale, na ya malalo. 6Ka mâ‐a duwa pě bapâkwě těmetěme baa haye elombo, o mâ‐a kěkidi o epedi ya mawěla matano, ka mâ‐a vâ na bâ, na, E lě ndi eanyu e těměkě okava buhwa boěhěpi o hayeni elombo. 7Ka bâ‐ba va na ju, na, ’Kabojana moto a ibě hwě kâlângo. Ka mâ‐a vâ na bâ, na, Kěkě tepěni o mwanga; e di hohonganěngo yěhěpi ndi eanyu e ka pahiyě. 8Ka upangiyi mua mwanga mâ‐a vâ na yongo ’aju, o kolo pâkidi na, Ka ndakiye bahayi, na nâvě wa vě bâ ivě jabu, yalakě na ba madikanido na vala ka bweya ba bohoboho. 9O ba kâlâkudwě o mawěla matano ba pâkidi, ba pahakiyendi moto moto eaju fura. 10Ndi o ba bohoboho ba pâkidi ba yebakiyendi n’ ipě ba ka pahiyandi wa; ka bâ‐ba pahiya tepě moto moto eaju fura. 11O bâ‐ba běki pahiyango, ka bâ‐ba hâkâlâniyě moto tě a duwě ndabo ně, na, 12Ba madikanido ekaba ba ma hate iwěla jâkâ, na nâvě o ka věkě hwě ba ma bapě jumba ja yomu ya buhwa nyanga pâkâ na bâ. 13Ndi a yavwanakindi umbâkâ, na, Mbweyi ’amě, mbu ha ’vě bobe: wu panganaka n‘ umba fura? 14Nângâkâ eâvě, na nâvě wa vala, mbi ka věndi ua madikanido ekaně pani te ka ’vě. 15E ’bě hohonganěngo n‘ umba‐mbi haka nyang‘ ’amě e ka vahě n‘ ibeamě mětě? Diha jâvě i nd‘ o ’beva, ’kabojana mbi did‘ o nyěvě? 16Nonaně nd‘ o ba mbuhwa ba ka diyě o bohoboho, na ba bohoboho ba ka diyi o mbuhwa: ’kabojana baitě ndi ba ndakudwě, ndi nyěvâ te e pânâkwě.
17Ka Jisus a nânga jomu na beyokwedi beaju bebale o njeya o pěpěke, o Mâ‐a diyakidi a betaka o Jěrusalěm, 18ka Mâ‐a vâ na bâ, na, Umbwakiyate, ho betakandi o Jěrusalěm; na Mwana moto a ka kândâkudwěndi o prist ja meolo na Balěndi ba jadi, na bâ‐ba ka kwehi Mâ na A wake, 19na bâ‐ba ka bweyidi Mâ ka věhwě na Betomba, na ka bomwě, na ka kâmidě Mâ o ’le: nd‘ A ka pumbuwi pě o buhwa boa ilalo.
20Jâ ndi ja nyangwě ya bana ba Zebědi na bana baju ja viya o Mâ‐a jadi, ba hâhâlâkidě Mâ, na, bâ‐ba ka yombwaka elombo n‘ ehuhu o Mâ‐a jadi. 21Ka Mâ‐a vâ na ju, na, E lě nd‘ eâvě e vahakě? Ka mâ‐a vâ na Ju, na, Vâkâ na ba tě ibamě babale ekaba, na, ba diyake umbâkâ o en‘ ’avě eyomi, na umbakâ o enâ ya ’měngwě, o ipangiya jâvě. 22Ndi Jisus a yavwanakindi ka Mâ‐a vâ, na, Wa ’wěni nyang‘ ’anyu e uwakě. O t‘ o yâlâkěni imâtânâ j‘ imâgi jamě i ka mâtâně, na o baptaiswě na baptisma ’amě e ka baptaiswě? Ka bâ‐ba vâ na Ju, na, Ho ka yâlěte. 23Ka Mâ‐a vâ na bâ, na, Pâkwěpâkwě o ka mâtânâteni imâgi jamě, n‘ inyěni o ka baptaiswě tepěni na baptisma ’amě e ka baptaiswě: nd‘ ivě ja idiya ja ’nâ âmě eyomi, na ya ’měngwě e ’be ’amě, ndi e ka věwi ba Paia ba kenjakidě yâ. 24O jomu i yokakidi i lingwaki na ba nyangwě pâkâ babale. 25Ndi Jisus a ndakiyi bâ, ka Mâ‐a vâ, na, O yowuděteni na mepolo mea Betomba me pangakiyi bâ, na baněně ba pangakiya bâ na ngudi. 26Ndi yaa diye n‘ inyěni nonaně, ndi uěhěpi a ka vahě o diya uněně o inyěni o jadi a diyake udili muanyu; 27na uěhěpi a ka vahě o diya o molo o ’nyěni o jadi, a diyake uhayi muanyu: 28pani te ka Mwana moto a ha vakidi ka hadwě, kabo ka ha, na ka vě eměnâ ’aju ivango ja baitě.
29Ka ebimba ya bato eněně ya vitě Mâ, o Mâ‐a věngěměkidi o Jěriko. 30Pâgu ibale i diyakindi diya o pěpěkě ya njeya i yamakindi, o jâ i yokakidi na Jisus a tombakandi, na, Yokakiya hwě ngěbě, Upangiyi, Mwana Devid. 31Ka ebimba ya kandidě bâ nana ba diyake dâ: ndi ba yamaki pě wa, na, Yokakiya hwě ngěbě, Upangiyi, Mwana Devid. 32Na Jisus na těměkě de, ka Mâ‐a ndiya bâ, ka Mâ‐a va, na, O vahaka li Mbi haka ’nyi nde? 33Ba vâki na Ju, na, Upangiyi, mihâ mahu ma bumwakudwě. 34Ka Jisus a yokiya bâ ngěbě, na Mâ na kupanakě mihâ mabu: ka elěngiaha tepě mihâ mabu ma pahiya ’yěně, ka bâ‐ba vitě Mâ.
Okuqokiwe okwamanje:
:
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Published by the American Bible Society in 1895.