Gewilde Bybelverse vanaf Bl 39

Deel

Jôsep oei tơ lăm hnam dơnŏ tơ'ngla sư bơngai Êyiptơ đei Kră Yang tơgŭm, na jing tơdrong jang sư 'lơ̆ng đei yua.

Yŏng tơ'ngla sư jao đĭ-đăng mŭk tơmam sư kơ Jôsep wei-lăng, sư ưh pă hiơ̆k kơ mŭk tơmam noh boih, pă pôm tơdrong sŏng sa sư kơdih. Jôsep bơngai 'lơ̆ng hơbŏ, muh măt rơhau iơ̆m dim.

Yŏng hnam phak jao đĭ-đăng lu bơnă kơ Jôsep, ưh kơ đei tơdrong jang kiơ mă ưh kơ đơ̆ng Jôsep ăn 'mơ̆i.

Na rôp hloi Jôsep tah hloi lăm hnam phak, tơ anih mă phak lu bơngai pơm yoch hăm 'bok pơtao. Thoi noh Jôsep oei lăm hnam phak. Kră Yang tơgŭm Jôsep păng 'mêm kơ sư ưh kơ tơplih, ăn yŏng wei-lăng hnam bơnă oei 'mêm kơ sư.

Đunh 'biơ̆ đơ̆ng rŏng kơ pơjao ei, akăn yŏng tơ'ngla sư lăng tơ Jôsep na khan: Năm tơ âu na 'bĭch hăm inh. Jôsep sơngah păng sư khan thoi âu: Yŏng tơ'ngla inh pơjao ăn kơ inh đĭ-đăng mŭk tơmam sư păng lăng âu, yŏng tơ'ngla inh pă đei tơtăm kơ kiơ boih lăm tơdrong jang. Lăm hnam 'nâu ưh kơ đei bu tih hloh kơ inh păng kư̆m ưh kơ pơkơ̆m inh tơdrong kiơ, mă-lei gah ih, ưh kơ gơh ôh, yua kơ ih akăn yŏng tơ'ngla inh. Thoi yơ inh gơh pơm tơdrong kơnê̆ 'mê̆-'mach dêh thoi noh, na kư̆m pơm yoch păng Kră Yang 'Bok Kei-Dei mơ̆n.

Lăm minh năr ei Jôsep mơ̆t tơ hnam wă bơ̆jang; kơplah noh lăm hnam kơbĭ bu oei hnam. Na yă ei rôp ao Jôsep păng khan: Năm 'bĭch hăm inh! Mă-lei Jôsep plôh achăng lê̆ ao sư tơ ti yă ei na Jôsep kơdâu lĕch tơ 'nguaih.