Gewilde Bybelverse vanaf LUKASE 14

Deel

“Yo a tlago go nna a sa nthate go feta ka mo a ratago tatagwe, le mmagwe, le mosadiagwe, le bana ba gagwe, le bomorwarragwe, le dikgaetšedi tša gagwe, ešita le yena mong, a ka se kgone go ba morutiwa wa ka.

Yo a sego a ikemisetša go tlaišwa bjalo ka nna mme a ntatela, a ka se kgone go ba morutiwa wa ka.

Gobane mang le mang yo a ikgodišago o tla kokobetšwa, gwa re yo a ikokobetšago a godišwa.”

Jesu a fetša ka go re: “Ka wona mokgwa woo, yo a sa tlogelego tšohle tše a nago le tšona a ka se kgone go ba morutiwa wa ka.”

“Ga ke re ge o nyaka go aga tora o thoma ka go dula fase wa akanya tshenyegelo ya gona, gore o bone ge eba o na le tšhelete ye e lekanego go phetha modiro woo? Gape ge o ka se dire bjalo, o tla re o beile motheo wa tla palelwa ke go phetha tora yeo, gomme wa kwerwa ke bohle ba ba di bonago. Ba re: ‘Moisa yo o kgonne go thoma go aga, fela go phetha go mo paletše.’

Wena ge o dira monyanya, o laletše badiidi le dihlotša le digole le difofu, gomme o tla ba le mahlogonolo, gobane bao ga ba na se ba ka go bušetšago ka sona. O tla bušetšwa ke Modimo mohla a tsoša baloki bahung.”

“Letswai ke selo se sebotse, fela ge le ka tapa, le ka hlwa le sa tswailošwa ka eng? Ga le sa hola mobu ka selo ešita le wona mmutedi; sa lona ke go dio tšhollwa. Yo a nago le tsebe a a kwe!”