Gewilde Bybelverse vanaf Luka 14

Deel

“Ngako m'thu a txi ta kwangu, na asi vengeli tate wakwe, mame wakwe, msikati wakwe, vanana vakwe, vanawe va mazambi, tindiyakwe, hambi ni wutomi wakwe, kha sikoti kumaha mgondiswa wangu.

Awu asi rwaliko txihambano txakwe, a txi ni londisa, kha sikoti kumaha mgondiswa wangu.

Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”

Ina-ko, ngu toneto, wuhi ni wuhi kwanu, asi tumeliko kuleka sotshe si a ku naso, kha na kumaha m'gondiswa wangu.”

Ngu toneto, i mani kwanu, awu a lavako kuaka txitezi txa kudingilila ka txona, asi thangiko ngu kukhalahatsha a txi bala mtengo wa si si lavekako, a txi wonisisa ti to mwendo si nga eneta mthumo, kani? Kasiku, ngako a di khatile kuaka, a txi tandeka kuheta, va si thuki va txi khata ku mu seka votshe va va no ti wona, va txi kha vona: ‘Mamoyo a khatile kuaka, aniko a tandekile kuheta!’ ”

Aniko, ngako u txi maha m'buso, dhana sisiwana, silima, sidiya ni mabhofu; Eho u na va u di katekile, nguko evo kha va na so kutshumetela ngu sona. Kambe kuwukani ka valulami u nata tshumetelwa.”

“Mnyu njilo txi txi tshambako, kambe ngako m'nyu wu txi phwamwa, wu nga lungwa ngu txani wona kani? Kha wu nga ngadi wu vhuna txilo, hambi i di kuphinduka wu maha mafu, hambi kumaha sa kunonisa; aniko wa theketwa hahanze. Awu a ku ni tinzeve ta kuengisa a na engise.”