Gewilde Bybelverse vanaf Openbaring Openbaring 10

Deel

Maar in die dae van die stem van die sewende engel, wanneer hy sal begin blaas, sou die verborgenheid van God volbring wees, soos Hy aan sy knegte, die profete, verkondig het.

En hy het vir my gesê: Jy moet weer profeteer voor baie volke en nasies en tale en konings.

En ek het 'n ander magtige engel uit die hemel sien neerdaal, bekleed met 'n wolk, en 'n reënboog was op sy hoof, en sy aangesig was soos die son, en sy voete soos vuurpilare.

En ek het na die engel gegaan en vir hom gesê: Gee my die boekie. En hy sê vir my: Neem dit en eet dit op; en dit sal jou buik bitter maak, maar dit sal in jou mond soet wees soos heuning. En ek het die boekie uit die hand van die engel geneem en dit opgeëet; en dit was in my mond soet soos heuning; en sodra ek dit geëet het, was my maag bitter.