Gewilde Bybelverse vanaf Luke 7

Deel

မှဒေရိဂိုး ငါငါ့ကက်ကနာ မှတဆာလောင်ဂါ ကျူးလွန်ဟေကား အပြစ်မွတ်မွတ်အင် ခွင့်လွတ်ကားဟင်းပိုကစာ အမာက ချစ်ခြင်းမိတ္တာကြီးမားကိုဖြိုက်ဟေ။ စီဆာ ခွင့်လွှတ်ကားဟင်းပိုလူးနာ စီဆာမေချစ်ခြင်းမေတ္တာဆနပ်လင်ကား"ငါးဂို့ ငှားလင်ကဟေ။ မှနောက်အာ ကိုယ်တော်နာ အိမ်မားတာဆလောင်ငင် "နင်ဂါ အပြစ်ရက်အင် ခွင့်လွှတ်အင်နန်း" ငါးဂို့ ငှားလင်ကဟေ။

ညီးင့ဒင့်ယဲ့ ကိုယ်တော်ယေရှုနာ မှတာဆလောင်ငင် "နင်ကယုံကြည်ကစာ နင်ငင် ကယ်တင်ငန်ဂါးဖြိုက်ဟေ။ စိတ်ချလက်ချ လင်"ငါ့ကို ငှားလင်ကဟေ။

မှနောက်အာ အမှာနာ ကိုယ်တော်ဂါ အလိုဝါဗန်(ဖ်)ကို စက်ကိုး ဟြက်ကိုး အမှာဂာား အမာအိန်းအိမ် ကိုယ်တော်က အတာအကျီးဇိစ်ကို အဟူးဝင်ဘင်း အဟူးမိအိန်းအိမ်ပွတ်အီဂို့ ဆာကာဇိစ်လင်ကဟေ။ ကျီးကအိမ် ကိုယ်တော်က အတာနိန်ဖက်အင် အတိ(လ်)နက်ကို ဆီးမွှေးအိမ် ပွတ်လင်ကဟေ။

မှတောင်မာဒင့် ငါယေ့ ကိုယ်တော်ထနဲ့ ဗန်ဂို့ကဒိန်ကဇီစ်အတွက်ယေ့ အထိုက်တန်ပါ(လ်)။ ကိုယ်တော် ငှားနက်ကားအိန်းဒင့် ငါ့ဂါ အငှားဆာက ရောဂါပျောက်လင်ကား။ ငါကိုယ်တိုင်ယေ့ အထက်အရာရှိကလက်အောက်အာ ငါကဒေလေ ငါကလက်အောက်အာယေ့ တပ်သားရက်ဘောင်းကို ငါနက်ဟေ။ ငါနာ တပ်သားဟူးဝါယင် "လင်"ငါ့နက်နဲ့က(လ်) အမာနာ လင်ပေါ်ကို "ဗန်(ဖ်)"င့နက်နဲ့အ(လ်) အမာနာ ဗန်(ဖ်)ပေါ်ဟေ။ ငါကအငှားဆာရက်အင်ယေ့ "မှလုပ်အင်း"ငါ့နက်နဲ့က(လ်) အမာရက်လုပ်ပေါ်ဟေ"ငါ့ကို လျှောက်တင်လင်ကဟေ။ ကိုယ်တော်နာ မှတူးဝါတပ်ဟေကားခါ အံ့ဩကလင်ကို အလိုဝါယောဝန်က လူးယင် လှည့်ယူကို "နနိန်ရက်အင် ငါပြိစ်ဝန်ကား အစ္စရေးတစ်ခွင်ငါ အတတ်ကဒေလေ ယုံကြည်မူပြောင်ဟေကားလူးဝင် ငါအပေါ်ဟာနိမ်ပါ(လ်)"ငါ့ကို င့လင်ကဟေ။

အိမ်မှအချိန်ငါ ကိုယ်တော်ယေရှုနာ အဆန်ကနာကလူးရက်အင် ဟာပိုဆာငါ့ဇိစ်ကို မကောင်းဆိုးဝါပူးကပ်တုန်းကလူးရက်ကမား မကောင်းဆိုးဝါရက်အင်ယေ့ ကတောက်ကိုအီကတောင်မှာဒင့် မိတ်ကြည်ရက်အင်ယေ့ အမိတ်ပေါ်ကဇိစ် လုပ်တုန်းလင်ကဟေ။ ကိုယ်တော်ယေ့ ယောဟန်ဂါတပည့်တော်ရက်အင် "နနိန်ရက်ပိုဟေကားအူဇာရက်အင်၊ ယောဟန်ငင် လင်ဂို့ငှားဆနပ်အာ။ အမိတ်အပိုကလူးနာအမိတ်ပိုဂို့။ အတားအကာမှတ်ကားလူးရက်အ(လ်) လမ်းလျှောက်ဂို့။ အမန်ရောဂါရက်အ(လ်) ပျောက်ကပ်ဂို့။ အကာနားအတတ်ကလူးယေ့ အကာနား တတ်ကဟေ။ ဆိန်းဟေကားလူးယေ့ ပြန်းဂို့ဆိမ်ယောဝန်ဂို့။ ဆင်းရဲဆာရက်အ(လ်) မီဟေကား သတင်းရက်အင် တတ်အင်ပေါ်နန်း။"