Gewilde Bybelverse vanaf Matius 28

Deel

Gabe tina, mewe ffane to bo fpei farumi suku tae ndadi Ya nik murit. Mew ta fsisop si fpake Apa ngahnyona, Jou Lahatalla Ntuca fare Jou Lahatalla ni Rohca. Fare mewe fafcule si rpei farumi parenta ta Ya ifafcule mewna. Mew wlomew yaneto famafia e, Ya ifarerer re mew denabe lali.”

Yesuse ndahle si taga nu, “Ya iduke ndumi to kawasa ta mali sorogai fare mali dunia taena.

Gabe Malaikatca nua maping tasa, “Mati famcaitna! Ya ito mewe fiyawa Yesus ta rcalip i cia. I mantane pa. I npaling hawe, laisa re ta I nu popise ina. Fsung mali bo fem gagaw ta si dising mayatcana.

Gabe Yesuse nua si, “Mati famcaitna. Lali bo ffabinga Ya nik delna, fu Ya ipaling hawe. Gabe Ya bo ituba lali Galilea, pulina taga si bo dem Ya.”

Gabe imamna riri ta rfabobokona fare simosimo Yahudina rfayalo si taga rfatator. Gabe si riri fatatorca bo doce tentarana tiwi bo si mati rfabingana. Gabe si dua tentara tina, “Laitane: gabe laisa smatna rfautan, mewe fu beto, ‘Doram, orasna amame kamtoal, Yesuse ni muritna rlafo ga rlois Yesuse ni mayatca.’ Gabe laisa gubernur Pilatuse nlonga tina, mewe mati famcaitna, lomanta amame kmauting re i bo mew mati fduk salna.” Fola tina, tentarana jal tiwi tina taga rpei laisa ta rcula sina. Gabe denabe oras tae, smat Yahudina jaga dafetang, Yesuse ni muritna ta rlois Yesuse ni mayatca.