Esikeel 48
48
Udeeme Isọñ
1Mbon ami edo mme esiin Isrel, e-esiaha ke anyịñ:
“Ke ukañ adoro, Daan adiinie mbakka keed; anye adiikeene usʌñ Hetlọn akesịm Lebo Hamad; Hasa Enan ye adaña adoro Damaskọs a-adianake Hamad adiisịne ke atu adaña amọ tọọñọ ke ukañ usakkautịn tutu ke ukañ usobutịn.
2Asaa adiinie mbakka keed; anye adiidiañña adaña ke ñkañ Daan tọọñọ ke usakkautịn tutu ke usobutịn.
3Naftali adiinie mbakka keed; anye adiidiañña adaña ke ñkañ Asaa tọọñọ ke usakkautịn tutu ke usobutịn.
4Manase adiinie mbakka keed; anye adiidiañña adaña ke ñkañ Naftali tọọñọ ke usakkautịn tutu ke usobutịn.
5Ifrem adiinie mbakka keed; anye adiidiañña adaña ke ñkañ Manase tọọñọ ke usakkautịn tutu ke usobutịn.
6Rubịn adiinie mbakka keed; anye adiidiañña adaña ke ñkañ Ifrem tọọñọ ke usakkautịn tutu ke usobutịn.
7Yuda adiinie mbakka keed; anye adiidiañña adaña ke ñkañ Rubịn tọọñọ ke usakkautịn tutu ke usobutịn.
8“Adaña ñkañ Yuda tọọñọ ke usakkautịn tutu ke usobutịn adiido mbakka a-afo anieghe adinọ nte asaña-asaña enọ. Anye adiido kubid tọsịn edịb mme ition (25,000)#48:8 A-adooho ñkpọ nte itiad 8 me kilomita 13; se ñko ke Esi 48:9, 10, 13, 15, 20 ye 21. ke ukpa, ñko unyọọñ amọ tọọñọ ke usakkautịn kesịm usobutịn adiido ukem ye mbakka keed ake esiin Isrel; adisana itie adiiba ke ufọọd amọ.
9“Asaña-asaña mbakka a-anaaha nte afo anọ Abọọñ adiido udomo kubid tọsịn edịb mme ition (25,000) ke unyọọñ ye udomo kubid tọsịn duob (10,000) ke ukpa#48:9 A-adooho ñkpọ nte itiad 3 1/3 me ñkpọ nte kilomita 5.3; se ñko ke Esi 48:10, 13 ye 18.. 10Anyem adiido adisana mbakka enọ mme aku. Anye adiido udomo kubid tọsịn edịb mme ition (25,000) ke unyọọñ ke adoro, udomo kubid tọsịn duob (10,000) ke ukpa ke edem usobutịn, udomo tọsịn duob (10,000) ke ukpa ke usakkautịn ye udomo tọsịn edịb mme ition (25,000) ke unyọọñ ke usuuk. Ke ufọọd amọ adisana itie Abọọñ adiiba. 11Ami adiina inọ mme aku e-eyette adan, mbon Sadọk, e-ekenamma akpanikọ ke edinam ñkpọ innọọ miin, i-imiikinyʌññọ iwuọ ikpọñ usʌñ nte mbon Lifai ekenamma ke ini nditọ Isrel ekewuọhọ ekpọñ usʌñ. 12Anye adiido asaña-asaña enọ e-enọọhọ ammọ eto mbakka adisana isọñ, ataa adisana mbakka, a-adiaññake adaña ye ñkañ mme Lifai.
13“Ke mbeñ ñkañ mme aku, mme Lifai ediinie udeeme udomo kubid tọsịn edịb mme ition (25,000) ke unyọọñ ye kubid tọsịn duob (10,000) ke ukpa. Afịd unyọọñ amọ adiido kubid tọsịn edịb mme ition (25,000) ke unyọọñ ye kubid tọsịn duob (10,000) ke ukpa. 14Ammọ inaaha enyam me ekpəho mbakka ammọ ndomokeed. Anyem ado isọñ a-afọnnọ akan ndin inaaha enyam nọ awuọ adʌk mbon mfen ubọk, sia anye ado adisana anọ Abọọñ”
15Ñyọhọnsʌhọ isọñ ado, a-adooho kubid tọsịn ition (5,000)#48:15 A-adooho ñkpọ nte itiad 1 2/3 me ñkpọ nte kilomita 2.7. ke ukpa ye kubid tọsịn edịb mme ition (25,000) ke unyọọñ, adiina inọ se afịd abio ekama, se ebọp ufọk ye se ekama etọ mbid enọ ufene. Abio adiisịne ke ufọọd amọ 16ndin anye adiinie udomo ami: ke adoro udomo kubid tọsịn inaañ mme ikie ition (4,500)#48:16 A-adooho ñkpọ nte itiad 1 1/2 me kilomita 2.4; se ñko ke Esi 48:30, 32, 33 ye 34., ke usuuk kubid tọsịn inaañ mme ikie ition, ke usakkautịn kubid tọsịn inaañ mme ikie ition (4,500), ke usobutịn kubid tọsịn inaañ mme ikie ition (4,500). 17Ndin anwa mbid a-anaaha anọ abio adiido kubid ikie iba mme aba mme duob (250)#48:17 A-adooho ñkpọ nte ikpad 440 me mita 135. ke ñkañ adoro, kubid ikie iba mme aba mme duob (250) ke ñkañ usuuk, kubid ikie iba mme aba mme duob (250) ke ñkañ usakkautịn ye kubid ikie iba mme aba mme duob (250) ke ñkañ usobutịn. 18Se idiiyọhọ isʌhọ ke ukpa ado, a-adiaññake adaña ye adisana mbakka anyʌññọ asaña ke unyọọñ amọ, adiido udomo kubid tọsịn duob (10,000) ke ñkañ usakkautịn ye kubid tọsịn duob (10,000) ke ñkañ usobutịn. Eyaekama mbunwịm amọ enọ mme anam utom ke abio ndidia. 19Mme anamutom e-etooho esịd abio etọ inwañ do ediito afịd esiin Isrel. 20Afịd mbakka ado adiido ukem ke naña mbeñ inaañ, adiido udomo kubid tọsịn edịb mme ition (25,000) ke afịd mbeñ. Nte asaña-asaña enọ, afo anie adisio adisana udeeme ado, adian ye inie mbon abio. 21“Se iyọhọ isʌhọ ke naña ñkañ iba a-atooho adisana ubaak itie ye inie abio adiinie akpanabọọñ. Anye ayaatọñọ ke adisana itie mbakka kubid tọsịn edịb mme ition (25,000) ke ñkañ usakkautịn akaa adaña ñkañ usakkautịn, anyʌñ ato ke mbakka kubid tọsịn edịb mme ition (25,000) akaa ke adaña ñkañ usobutịn. Naña ubeñ iba ñkañ a-anyọọñọ aka ñkañ idịd adiido udeeme akpanabọọñ, ndin ufọọd ammọ adiido adisana itie tembịd.” 22Ke ntoro udeeme mme Lifai ye udeeme abio adiisịne ke ufọọd ikpeghe a-anieghe akpanabọọñ. Ukañ a-anieghe akpanabọọñ adiiba ke ufọọd adaña Yuda ye adaña Benyamin.
23“Amaado mme esiin mfen esʌhọke:
“Benyamin adiinie mbakka keed; anye ayaatara tọọñọ ke usakkautịn tutu ke usobutịn.
24Simiọn adiinie mbakka keed; anye adiidiañña adaña ye mbeñ Benyamin tọọñọ ke usakkautịn tutu ke usobutịn.
25Isaka adiinie mbakka keed; anye adiidiañña adaña ke mbeñ Simiọn tọọñọ ke usakkautịn tutu ke usobutịn.
26Sebulọn adiinie mbakka keed; anye adiidiañña ye mbeñ Isaka tọọñọ ke usakkautịn tutu ke usobutịn.
27Kad adiinie mbakka keed; anye adiidiañña adaña ke mbeñ Sebulọn tọọñọ ke usakkautịn tutu ke usobutịn.
28Kad adiinie adaña ñkañ usuuk-usuuk asaña ke ñkañ usuuk tọọñọ ke Tama tutu ke mme mmọọñ Meriba Kades, ndin ke ñkañ Wadi ke Iyib tutu ke Akpainyañ Mediterenia.
29“Isọñ ami ke ana nte afo adeeme nte udeeme inie anọ mme esiin Isrel, ñko se idiido ubakka amọ ado ami,” ami ado se Abọọñ Andikara atañ.
Inuaatob Ufa Abio
30“Mme usʌñ se ediisaña iwuọ ke abio edo ami:
“Tọọñọ ke adoro, a-adooho udomo kubid tọsịn inaañ mme ikie ition (4,500), 31ediikoot mme inuaatob abio ado idian mme esiin Isrel. Inuaatob ita ke adoro adiido inuaatob Rubịn, inuaatob Yuda ye inuaatob Lifai.
32Ke ñkañ usakkautịn, a-adooho udomo kubid tọsịn inaañ mme ikie ition (4,500) ke unyọọñ adiido inuaatob ita: Inuaatob Yosef, inuaatob Benyamin ye inuaatob Daan.
33Inuaatob ita adiiba ke ñkañ usuuk, a-adooho udomo kubid tọsịn inaañ mme ikie ition (4,500): Inuaatob Simiọn, inuaatob Isaka ye inuaatob Sebulọn.
34Inuaatob ita ediiba ke ñkañ usobutịn, a-adooho udomo kubid tọsịn inaañ mme ikie ition (4,500): Ammọ edo inuaatob Kad, inuaatob Asaa ye inuaatob Naftali.
35“Unyọọñ afịd ñkanñkʌk amọ adiido udomo kubid tọsịn duob mme itiaita (18,000)#48:35 A-adooho ñkpọ nte itiad 6 me ñkpọ nte kilomita 9.5..
“Ndin anyịñ abio ado tọọñọ ke usen ado kaa iso adiido, Abọọñ mmọaba do,”
Tans Gekies:
Esikeel 48: ICB
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.