Jona 2
2
NA SOPENA 2.
1Tau Jona momatapisi me Iehova Atua hina, me na lolona maji. 2Moaso,
Sura seu mamahanu inau amatapisi me Iehova,
Inie motami meau; Inau amatapisi me na lolona vanua oso,
Iniho oroho na loeu.
3Oputuheau me na tasi, me na lolona tasi,
Na tasi motoho taitaliau;
Ra pilamu navo hi na tasi tesuhu-suhu me na ulu hiu.
4Tau inau aaso, Iniho oputuheau tureho;
Maa aitariovano pa me na peamu hi na lotu.
5Na tasi motoho taitaliau, io, motoho taitali na sitalumeu;
Na tasi motoho taitaliau; Na lurni hi na tasi movisihoro na reu.
6Inau asivo me na erera vuti; Areni vune na ulu: Maa iniho olavi na seu mauri ture na mate, O Iehova Atua hiu.
7Na talumeu momalumulumu me na lolou tau, inau aninima Iehova: Na pilau matapisi mosahe meho, moruhusahe me na peamu hi na lotu.
8Ra tajua taha meje ra sanu taha jihajiha Terovo ture ra sipilara sanu tahonae.
9Maa inau ailotu meho, aiaviavi meho; Aive ra sanu aaso mine. Iehova inie na horohoro hija.
10Tau Iehova moaso me na maji, tau molua i Jona ta na ulu.
Tans Gekies:
Jona 2: TLM9109
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
This is a historic text maintained by the British and Foreign Bible Society.