Luka 20
20
Mtamo wa Jesu wuta ngu hani
(Matewu 21:23-27; Marku 11:27-33)
1Ngu ditshiku dokari, ku ti ngako a txi gondisa vathu Dithepeleni ni kutxhumayela vathu Evhangeli, vaphaxeli va hombe ni vabhali va to ti wonekisa kwakwe kumweko ni madhota a ditiko, 2va txi kha vona: “Hi nga hi gela mtamo wu u mahako tiya ngu wona, ni ti to awu a nga kuninga mtamo wuwa i mani kani?” 3Ene a to va xamula a txi khene: “Anani ni na mi wotisa mhaka: Ni geleni: 4Kubhabhatisa ka Johani ku ti huma nzumani mwendo ku ti huma ka vathu kani?” 5Aniko vona va to kanetisana va txi kha vona: “Ngako hi txi khathu kuhuma nzumani, a na khene: Mi lambile kukholwa ngu txani kani? 6Se ngako hi txi khathu: Ku humile ka vathu, ditiko dotshe di na hi balisela ngu marigwi, nguko votshe va kholwa ngutu ti to Johani i ti mprofeti.” 7Se va to xamula, va txi kha vona: “Kha hi ti zivi ti to ku ti huma ngu hani.” 8Konaho Jesu a to khene kwawe: “Nanani kha ni na mbi mi gela ti to ni maha tiya ngu mtamo muni.”
Txidinganiso txa vadimi vo biha
(Matewu 21:33-46; Marku 12:1-12)
9Se a to khata kugela vathu txidinganiso txiya: “M'thu wokari a phayile thembwe ya mivhinya, se e yi siyela manzani ka vadimi, se e teka dipfhumba da kuendela matikoni ka kule, mbimo yo lapha. 10Ngako yi di hokile nyango, a to ruma txithumi ka vadimi ti to ve txi ninga mihando yokari ya vhinya. Aniko vadimi va to mu peka, ve mu tshumeta a si nga ni txilo. 11Ene a to engeta e ruma tximwani txithumi; ni txona va to txi peka ve txi wisa tingana, se ve txi tshumeta txi si nga ni txilo. 12Ene a to engeta e ruma txa wuraru. Neneyo va to mpeka, ve mu tovela. 13Se nyamne wa thembwe a txi khene: ‘Ni na maha txani kani? Ni na ruma mwanana wangu, awu ni mu randako, mwendo, ngako va txi mu wona, va na mu thava.’ 14Aniko vona, ngako va txi mu wona, va to gelana, va txi kha vona: ‘M'dyi wa thomba ndiyo, he m'dayeni, kasiku thomba yakwe yi va yathu.’ 15Se va to mu humisa hahanze ka thembwe, ve m'daya. Nyamne wa thembwe a na maha txani kani? 16A nata, a ta dayela vadimi vale e ningela thembwe ya mivhinya ka vamwani.” Ngako vona va txi pfa tiya, va to kha vona: “Ti nga thuke ti maheka timhaketo.”
17 # Wona ni ka: Mas. 118:22. Se a txi va wonisisa, a ti khene kwawe: “Ti womba txani ati ti nga bhalwa va txi kha vona: ‘Dirigwi di vaaki va ngadi nyenya, ngu dona di nga mahwa dirigwi da hombe da kutsanisa kani?’ 18Wuhi ni wuhi a no wela ka dirigwido, a na phwatika, aniko awu di no wa txitimwi kwakwe, di na mu phwarasa.” 19Se vaphaxeli va hombe ni vabhali va txi lava ku mñola ka txonetxo txikhati, aniko ve thava mtalo wa vathu, nguko va ti pfite ti to a ti mahela vona txidinganiso txiya.
Kukhupa ka Khezari
(Matewu 22:15-22; Marku 12:13-17)
20Se va to baramela Jesu, ve rumela sinyengwani, si nga txi ti maha vathu vo lulama, kasiku mkhakheta ka dipswi dokari, ti to va na mningela ka wulamuli, ni ka mtamo wa mfumeli.
21Se va to mu wotisa, va txi kha vona:
“M'gondisi, ha tiziva ti to wa womba-womba ni kugondisa kha kwati ni kululamisa, kambe khu woni ngu khohe ya m'thu, aniko u gondisa nzila ya Txizimu ngu ditshuri. 22Ina ha tumelwa kuningela mkhupo ka Khezari mwendo kha hi tumelwi kani?”
23A di woni wurindi wawe, a to khene kwawe: “Mi ni dukela txani kani?”
24Ni kombeni male yimweyo. Njifananiso txa mani ni m'bhalo wa kona kani? Vona va to xamula va txi kha vona: “Nza Khezari.”
25Sekoko a to khene kwawe:
“Ningelani ka Khezari asi i ku sa Khezari, ni ka Txizimu asi i ku sa Txizimu.”
26Se kha va sikota ku m'bzweta ngu mapswi dipswi dokari masoni ka vathu; va to xamala xamulo yakwe, va so kaye.
Kuwuka ka vafi
(Matewu 22:23-33; Marku 12:18-27)
27 # Wona ni ka: Mith. 23:8. Se va to tshuketela Jesu Vasadhusi vokari, ava va kanetako kuwuka ka vafi, va ta mu wotisa va txi kha vona: 28“M'gondisi, Mosi a hi bhalete ku khene: ‘Ngako a txi fa m'thu wokari, wamwamna, a txi siya msikati wakwe a si nga ni mwanana, mwanawe a na mu sambele thaka wu wa noni, kasi kuwusela liveleko mwanawe.’ 29Se va ti ti ho mtxhanu wa vavamna ni vambidi, va txikoma ni txinanda. Wo khata a tekile msikati, se a txi fa, a si nga ni mwanana. 30Wa wumbidi, 31msana kwakwe nene wa wuraru, va mu sambete thaka wu wamsikati. Votshe va mtxhanu ni vambidi va fite va sa siya mwanana. 32Ngu kugwitisa, a to fa nene wule wamsikati. 33Sekoko, kuwukani ka vafi, awule wamsikati a na va i di msikati wa mani, eko ka votshe a nga va msikati wawe, kani?”
34Jesu a va xamute a txi khene: “Vathu va ha mafuni hawa, va teka ni kutekwa, 35aniko ava va no maneka va di ni fanelo ya txyavelo ka dimwani ditiko ni txa kuwuka ka vafi, evo kha va teki, kambe kha va tekwi. 36Kha va na mbi ngadi ve fa, nguko vona va fana ni tingelozi. Vona mbanana va Txizimu, nguko mbanana va kuwuka ngu kufani. 37Ni ti to vafi va na wuka, Mosi a kombisile, mbimo yi a nga womba ngu ta txipopo txo tura, a txi khene: ‘Mkoma i Txizimu txa Abrahamu, Txizimu txa Isaake ni Txizimu txa Jakobe.’ 38Ngu toneto, Txizimu hi nga Txizimu txa vafi, aniko nja va vo hanya, nguko ka txona votshe va hanya.”
39Se vabhali vokari va to xamula va txi kha vona: “M'gondisi, u xamute ta tinene.” 40Se kha va tsana ku mu wotisa yimwani mhaka.
Txiwotiso ngu mhaka ya Mesiya
(Matewu 22:41-46; Marku 12:35-37)
41Se ene a txi khene kwawe: “Ngu kutxani vathu va wombako ku Mesiya i Mwana Dhavhidha, kani? 42#Wona ni ka: Mas. 110:1. Nguko Dhavhidha apune a wombile ka Dibhuku da Masalmo, a txi khene: ‘Mkoma a ti khene ka Mkoma wangu: Zumba ngu txineneni kwangu, 43kala kuza ni maha valala vako veva txikhigetelo txa mikondo yako.’ 44Se ngako Dhavhidha a txi m'dhana ku i Mkoma, a nga va ene i di Mwanakwe ngu txani kani?”
Jesu ni vagondisi va Mlayo
(Matewu 23:1-36; Marku 12:38-40)
45Ene a to womba, na va txi tiengisa votshe vathu, a txi khene ka vagondiswa vakwe: 46“Ti woneleni ka vabhali, ava va randako kutsimbila va di ambate tinguwo to lapha, ni kuloswa mitendelani, ni sikhalo sa masoni masinagogani, ni sikhalo so thanga mibusoni. 47Va handa tinyumbani ka tinoni, ve ti guleta ngu kumaha mikombelo yo lapha. Vonavo va nata lamulwa ngu kulamulwa ku kupindisako.”
Tans Gekies:
Luka 20: BEC2016
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
A Bíblia em Txitxopi © Bible Society in Mozambique, 2016.