Genesi 3
3
Guthega nya muthu
1 # Wona gambe: Gutu 12:9; 20:2. Nyoga yi diri igyo girengo nya gugengele ngudzu ga sirengo satshavbo sa khabini, si nga giriwago khu Pfhumu Nungungulu. Yi di embela nyamayi, khiyo: “Ina lisine nya gupwani Nungungulu a mi layide gukhuye, mu nga hodzini mihandro nya misimbo yatshavbo ya thembweni, gani?”
2Nyamayi a di hakha nyoga, khuye: “Ahihi. Ethu hi ngu dzumedziswa gu hodza mihandro nya misimbo yatshavbo ya thembweni. 3Aholu, khu mahungu nya simbo wu guromo vbakari ni vbakari nya lithembwe, Nungungulu a hi layide gukhuye: Mu nga wu hodzi, ambari gu wu kuha basi, mu ngafa.”
4Nyoga yi di engedza, yi ganela gambe ga nyamayi, khiyo: “Khu lisine kha mu na ngafa gilo! 5Aholu Uye Nungungulu a ngu dziti nya gukhuye, litshigu mu na gu wu hodzago, mu na tulega maho, mu khala kha nga Nungungulu; muti esi nya sadi ni esi nya guvivbe.”
6Khavbo avbo, nyamayi, khu gu wona gukhuye handro nya simbo khwadi gu wu hodza, gambe wu ngu tsakisa mahoni; simbo nya wadi nya gutule mapimo ni guti, a di hava handro wule a gu hodza a gu ninga mwama waye a hodza nuye.
7Gukhugela avbovbo, ma di tulega maho yawe va vavili, va tugula gukhavo kha va ambala gilo. Khu guralo, va di sonedzela mahagane nya ngonva, va gu gira tshalu.
8Ga igyo gikhati, va dipwa lito la Pfhumu Nungungulu a nga bani na gu gimbila thembweni apwa gupepa nya silambo, mwama ni nyamayi va di thava va sihalela Pfhumu Nungungulu misimboni ya thembweni. 9Aholu, Pfhumu Nungungulu a di rana muthu a mu wudzisa, khuye: “U womo hayi?”
10Uye a di hakha, khuye: “Nyi pwide lito lago avbo U nga bani na wu gimbilagimbila thembweni, nyi di thava, kholu, nyi diri wumbwiri; nyi ta sihala.”
11Nungungulu a di mu wudzisa, khuye: “Khu mani a nga gu tivisa gukhuye u wumbwiri? Ina khandri u di hodza handro nya simbo nyi nga gu himbedzela gu wu hodza, gani?”
12Mwama a di hakha, khuye: “Nyamayi u nga nyi ningago gu khala mubangaladzi wangu, khuye a nga nyi ninga handro nya simbo yoyo, eni nyi wu hodza.”
13 Pfhumu Nungungulu a di wudzisa nyamayi, khuye: “Ginani u giridego?” Nyamayi a di hakha, khuye: “Nyoga khiyo yi nga nyi senga, eni nyi wu hodza.”
Tsayiso ni gitumbiso
14Khavbo avbo, Pfhumu Nungungulu a di embela nyoga, khuye:
“Kha nga u giridego silo nya nga esi,
u vadwe
vbakari nya sirengo satshavbo nya sifuyo
ni sirengo satshavbo nya likhabi.
U na khwirira khu lididi,
u hodza kudzudzwane nya mafu,
matshigu yatshavbo nya guvbanye gwago.
15Nyi na vega livengo
ga uwe ni nyamayi,
ga gitugulwana gyago
ni gitugulwana gyaye. Igyo gi na gu pfara hungo,
uwe u na zama gu gi hodza gitshinandro.”
16A di embela gambe nyamayi, khuye:
“Nyi na gu gira u wona sigaradzo mimbani gwago,
u na velega sanana khu wuvi nya wukhongolo,
ambari ulo, u na khala lidora ngudzu nya mwama wago,
aholu uye a na gu fumela.”
17 # Wona gambe: Hebh 6:8. Khavbo avbo, Pfhumu Nungungulu a di embela mwama, khuye:
“Olu u nga yingisa mwangadzi wago
u gu hodza handro nya simbo
nyi nga gu himbedzelago gu wu hodza,
mafu ma na vadwa khu kotani yago;
matshigu yatshavbo nya guvbanye gwago,
u na garadzega ngudzu gasi gu mana guhodza
nya mihandro ya mafuni.
18Mafu ma na velega basi miba
ni sirangalabwa,
uwe u na vbanya khu mwasi
wu bugago thembweni.
19U na lutuga ngudzu
gasi gu mana iso u yelago gu hodza,
kala litshigu u na gu bwelelago u gu khala gambe mafu.
Kholu uwe u kudzudzwane,
u na bwelela gambe u gu khala kudzudzwane.”
Muthu a ngu tutumiswa thembweni ga Edheni
20Mwama, Adhamu a di riya lina mwangadzi waye, nya gukhuye khu Evha, kholu khuye melegi wa vatshavbo va vbanyago.#3:20 Evha khu Gihebheru gutshamusedwa gupwani guvbanya mwendro womi.
21 Pfhumu Nungungulu a di gira guambala nya malowo nya sirengo a gu ninga mwama ni mwangadzi waye va ambala.
22Khavbo avbo, Pfhumu Nungungulu a di ganela, khuye: “Muthu khu guti iso nya sadi niso nyamba sadi, khade idzosaye ni moyo nya Ethu. Olu kha gu vbwetegi gu mu dzumedzisa guya hava handro nya simbo nya womi a wu hodza, a mana guvbanya nya gupindruge!”
23Khu magirelo yoyo, Pfhumu Nungungulu a di mu tutumisa thembweni ga Edheni. Muthu a di gurumedzwa guya lima mafu aya a nga wumbwago khayo.
24Nungungulu, hwane nya gu bani na tutumiside muthu, a di vega dzingilozi dzaye ni dzikerubhimi phuvbo ga Khugadambo, dzinyangwani nya lithembwe la Edheni, na dzi pharide matshari nya nilo, gasi gu segela muthu ndzila nya guye mana simbo nya womi.
Tans Gekies:
Genesi 3: BGG2014
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Gitonga DC Bible © Bible Society in Mozambique, 2014.