Matthew 2
2
A purotu mai te tonga
1Tera ko Jesus ne faanau i te taoni i Bethlehem i roto i Judea i te vasia o Herod te tii e fai; ia tua, a taangata fai kavenga ki nga fetuu ne oomai mai te tonga oro ki Jerusalem. 2O fesiri siri saere, “Tefea te punai memea ku faanau ka fai te tii o nga Jew? Komatou ne ono ki na fetuu ne fiti ake i te tonga, tera komatou e oomai ke matou faka turoro kiei.”
3I te vasia o te Tii ko Herod ne rongo kiei, ne maatea rei na paapaa pariki, ma te kano fenua kaatoa i Jerusalem. 4Tera kakafi rei koa ariki fai kava ma nga fakaako oa Fono, o feesiri atu kia ratou, “Tefea te ngangea o te Ariki Fakaroro ka faanau iei?”
5Ta tongoi atu rei koratou kia Herod, “I te taoni i Bethlehem i Judea, ne tusi e te ʻprophetʼ faka peinei:
6‘Bethlehem ia kere o Judah,
ko kee siei te punai noforanga lasi i Judah,
mai ia ko kee te taki ka au,
koia ka reo toku kanoa fenua Israel!’ ”
7Ta kakafi rei ko Herod faka leku leku koa purotu ne oomai mai te tonga ke nai iroa ina tau tonu te vasia o te fetuu ne faka saa iei. 8Tera ka kau rei e Herod ke oro ki Bethlehem, kae muna atu rei kia ratou, “Oro faara faka poto ke mau ko te memea. Vasia ka kotou maua, ta faka iro mai rei ke kau iroa, kuou fokia ke kau poi o faka turoro kiei.”
9-10Ta oro arei koratou. Ratou vasia e oro iei te fetuu sokotasi ne ratou ravea ina i mata o te tonga ku faka saa. Vasia koratou ne ono kiei ku maatea rei ratou vaki vaki ma ratou mata mau! E mua i mua ia ratou oko rei ki te ngangea punai memea e mee iei. 11Fe urufi rei koratou ki rota paito, ono rei koratou ki te punai memea ma na nana ko Mary, tokoturi rei koratou ki raro o fakaturou kiei. Ratou ne sau mai aratou sori te ʻgoldʼ, kai puna puna, ma te ʻmyrrhʼ o sori kiei. 12Tera fofoki rei koratou oro ki ratou nofo ranga i take riu ara, faina ne faka iro e Tupua ia ratou mee koratou ka see foki oro kia Herod.
Te fe sao anga ki Egypt
13Ta ia ratou tua ne oro iei, te ʻangelʼ o te Ariki ne au o faka saa kia Joseph i tana mee, muna atu kiei, “Ko Herod ku tafito o faara ki te punai memea naa ke tamate. Tera tokai ki runga o sau te punai memea naa ma na nana, oro rei ki Egypt, fare i kunaa oko rei ki te vasia kuou ka faka ari atu kotou oro.”
14Joseph tokai ake, sau punai memea ma na nana, oro arei i te poo ki Egypt. 15Ne fare i kuraa oko rei ki te vasia o Herod ku mate iei. Teinei ne fai pe nia ma te Ariki ne munaki kia tana ʻprophetʼ ku au maori rei:
“Kuou e karanga taku tama
ke au ki tua mai Egypt.”
Te taa ranga o nga tamariki
16Ta i te vasia ko Herod ku atetea mai koia ku lesia ina ea purotu mai te tonga, ku maatea rei na teke. Sori arei tana taranga ke taa ko nga tamariki tangata katoa i Bethlehem ma i nga motu ngangea e piri piri mai, mai tupu ranga e taki rua ma te tau, ma kia memea. A nea nei ne fai tautari pe nia ne nai iroa i vasia oa purotu mai te tonga ki te vasia o te fetuu ne faka saa iei. 17Ta tera ku faka tonu sia raa pe nia ma te ʻprophetʼ ko Jeremiah ne muna kiei:
18“Te reo e rangona ria i Ramah,
te reo e tangi forua.
Rachel e tangi faka varea ki ana tamariki,
koia ku see fifia ke faka paapaa laoi ria,
natafito ku nai iroa ina
ana tamariki ku faka ngaromia.”
Te foki mai ranga mai Egypt
19Ta ia tua ko Herod ku mate iei, te ʻangelʼ o te Ariki ne faka saa kia Joseph i tana miti i Egypt, 20e muna atu kiei, “Tuu ki runga o sau te tama naa ma na nana, fofoki rei oro ki Israel, natafito ko faoa noko ratou rama tia ke ratou taia te tama naa ku ngaro fakaoti rei.” 21Ta ko Joseph tokai ake, sau ko te tama ma na nana, fofoki arei oro ki Israel.
22Ta i te vasia ko Joseph ne rongo ko Archelaus ku siaki ki na mmana ko Herod pe te tii o Judea, ta ko Joseph ku faka mataku taku arei ke poi ki kuraa. Tera koia ku faka atetea riaina kiei kia atamai o tana miti, tera poi arei koia ki te motu ngangea i Galilee, 23#Mak 1.24; Luk 2.39; Jon 1.45.o fai na noforanga i te taoni na ingoa ko Nazareth. Tera pe nia ma nga ʻprophetʼ ne mmuna kiei ku au tonu:
“Koia ka ati te tama
faka Nazarene.”
Tans Gekies:
Matthew 2: TKP
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© 2025 Wycliffe Bible Translators, Inc.